ഉംറ വിസ അനുവദിച്ച് തുടങ്ങിയതായി സൗദി ഹജ്ജ് – ഉംറ മന്ത്രാലയം; ഈ മാസം മുതൽ തീർഥാടകർക്ക് പ്രവേശിക്കാം

Also Read: തൊഴിലില്ലായ്​മ നിരക്ക്​ 7.5 ശതമാനം കുറഞ്ഞു; പ്രഖ്യാപനവുമായി ബഹ്റെെൻ

അതേസമയം, ഹജ്ജിനെത്തിയ മലയാളി വനിത മക്കയിൽ വെച്ച് മരിച്ചു. മക്കയിലെ ആശുപത്രിയിൽ വെച്ചാണ് ഇവർ മരിച്ചത്. തൃശൂർ ചാവക്കാട് അകലാട് മുന്നൈനി സ്വദേശിനി സുലൈഖയെ ജംറയിലെ കല്ലേറിന് ശേഷം ആണ് ആശുപത്രിയിൽ പ്രവേശിപ്പിക്കുന്നത്. നവോദയ പ്രവർത്തകരുടെ നേതൃത്വത്തിൽ ആശുപത്രിയിൽ ആയിരുന്ന ഇവരെ നാട്ടിലേക്ക് കൊണ്ടുവരാനുള്ള ഒരുക്കങ്ങൾ നടക്കുന്നതിന് ഇടയിൽ ആണ് മരണം സംഭവിച്ചത്. കഴിഞ്ഞ മാസം 10ന് കൊച്ചിയിൽനിന്നും ആണ് ഇവർ പുറപ്പെട്ടത്. ഭർത്താവ്: അഹ്മദ് അലി. രണ്ടു മക്കൾ ആണ് ഇവർക്കുള്ളത്. മക്കയിൽ ഖബറടക്കുന്നതിനുള്ള നിയമനടപടികൾ നടന്നുകൊണ്ടിരിക്കുകയാണ്. കുടുംബാംഗങ്ങളുടെയും നേതൃത്വത്തിൽ ആണ് പ്രവർത്തനങ്ങൾ പുരോഗമിക്കുന്നത്.

ഹജ്ജ് കർമ്മം പൂർത്തിയാക്കി ഇന്ത്യൻ ഹാജിമാരുടെ മടക്കയാത്ര തിങ്കളാഴ്ച മുതൽ ആരംഭിച്ചു. ആദ്യം മദീന വഴി എത്തിയവർ ആണ് ജിദ്ദ വഴി നാട്ടിലേക്ക് മടങ്ങുന്നത്. ഡൽഹി, ലഖ്നോ, കൊൽക്കത്ത, ജയ്‌പുർ എന്നീ സ്ഥലങ്ങളിലേക്ക് ആയിരിക്കും ഹാജിമാർ മടങ്ങുന്നത്. ഹജ്ജ് സർവിസ് കമ്പനി ഒരുക്കിയ ബസുകളിൽ ഇവർ മടങ്ങും. വിടവാങ്ങൽ പ്രദക്ഷിണം പൂർത്തിയാക്കിയ ശേഷം ആയിരിക്കും ഇവർ മടങ്ങുക.