ദിവസവുമുള്ള ലൈംഗിക ബന്ധത്തിലൂടെ ഗര്‍ഭധാരണം സാധ്യമോ?
ഗര്‍ഭധാരണത്തിന് അടിസ്ഥാനമായ കാര്യങ്ങള്‍ പലതുമുണ്ട്. ദിവസവും ബന്ധപ്പെടുന്നതും ഗര്‍ഭധാരണം തമ്മില്‍ ബന്ധമുണ്ടോയെന്നറിയാം.
ഗര്‍ഭധാരണത്തിന്
ഗര്‍ഭധാരണത്തിന് അടിസ്ഥാനമായുളളത് സെക്‌സാണെങ്കിലും ഇത് എത്ര തവണ എന്നതിനേക്കാള്‍ എപ്പോള്‍ എന്നതാണ് പ്രധാനമാകുന്നത്. കൂടുതല്‍ തവണ ബന്ധപ്പെടുന്നതു കൊണ്ട് ഗര്‍ഭധാരണം നടക്കണമെന്നില്ല. നേരെ മറിച്ച് ബന്ധപ്പെടുന്ന ദിവസം പ്രധാനമാണ്. ഇത് പുരുഷനെ സംബന്ധിച്ചുള്ളതിനേക്കാള്‍ സ്ത്രീയുടേതിനാണ് പ്രധാനമായി വരുന്നതും.
ഗർഭിണിയായിരിക്കുമ്പോൾ ചെയ്യാൻ പറ്റിയ ചില യോഗാസനങ്ങൾ
ഗർഭിണിയായിരിക്കുമ്പോൾ ചെയ്യാൻ പറ്റിയ ചില യോഗാസനങ്ങൾ
ഗര്‍ഭധാരണം
എത്ര തവണ ബന്ധപ്പെട്ടാലും സമയം അനുകൂലമല്ലെങ്കില്‍ ഗര്‍ഭധാരണം നടക്കില്ല. ഇതിന് അടിസ്ഥാനമായി വരുന്നത് സ്ത്രീയുടെ ഓവുലേഷനാണ്. ഓവുലേഷന്‍ അഥവാ അണ്ഡവിസര്‍ജനം നടക്കുന്നത് ആര്‍ത്തവത്തോട് അനുബന്ധിച്ചാണ്.
ഒരു ആര്‍ത്തവ ചക്രത്തിന്റെ പകുതിയിലാണ് സാധാരണ അണ്ഡവിസര്‍ജനം നടക്കാറുള്ളത്. 28 ദിവസത്തെ ആര്‍ത്തവ ചക്രമെങ്കില്‍ 14-ാമത്തെ ദിവസം. ഇതിന്റെ നീളം കുറഞ്ഞാലും കൂടിയാലും ഇതിന് അനുസരിച്ച് ഓവുലേഷന്റെ ദിനവും വ്യത്യാസപ്പെടും.
ഓവുലേഷന്‍
ഓവുലേഷന്‍ അഥവാ അണ്ഡവിസര്‍ജം നടക്കുന്ന സമയത്തോട് അനുബന്ധിച്ച് ബന്ധപ്പെട്ടാലാണ് ഗര്‍ഭധാരണം നടക്കാന്‍ സാധ്യതയുള്ളത്. അണ്ഡം 24 മണിക്കൂര്‍ ഇതല്ലെങ്കില്‍ കൂടി വന്നാല്‍ 48 മണിക്കൂര്‍ മാത്രമാണ് ജീവനോടെയുണ്ടാകുക. ഈ സമയത്ത് പുരുഷ ബീജവുമായി ചേര്‍ന്നാലാണ് ഗര്‍ഭധാരണം സംഭവിയ്ക്കാനുള്ള സാധ്യതയേറെയുള്ളത്. ഇതല്ലാതെ ഗര്‍ഭധാരണ സാധ്യതയില്ലെന്നര്‍ത്ഥം.
ബീജം
പുരുഷ ബീജം 5-6 ദിവസങ്ങള്‍ വരെ ജീവനോടെയുണ്ടായിരിയ്ക്കും. ഈ സമയത്ത് അണ്ഡം ലഭ്യമായാല്‍ ഗര്‍ഭധാരണം നടക്കുകയും ചെയ്യുന്നു. ഇതിനാല്‍ ഓവുലേഷന്റെ അന്നോ 48 മണിക്കൂറിലോ ബന്ധപ്പെട്ടാല്‍ ഗര്‍ഭധാരണം സാധ്യമാണ്. പുരുഷ ബീജം 5 ദിവസങ്ങള്‍ വരെ ജീവനോടെയുണ്ടാകുമെന്നതിനാല്‍ ഓവുലേഷന്‍ മുന്‍പായി 4 ദിവസം മുന്‍പായി ബന്ധപ്പെട്ടാലും ഗര്‍ഭധാരണം സാധ്യമാണ്.
ഇതിനാല്‍ തന്നെ എത്ര തവണ ബന്ധപ്പെടുന്നുവെന്നതിനല്ല എപ്പോള്‍ എന്നതിനാണ് പ്രധാനം. അണ്ഡോല്‍പാദനം നടക്കുന്ന സന്ദര്‍ഭത്തില്‍ അല്ലാതെ ഏത് സമയത്ത് ബന്ധപ്പെട്ടാലും ഗര്‍ഭധാരണം സാധ്യമല്ലെന്നതാണ് വാസ്തവം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
