ഫോർവീൽ വാഹനങ്ങളുടെ ഉടമസ്ഥാവകാശം കുടുംബ വിസയിലുള്ളവർക്ക് മാത്രം: റോയൽ ഓമൻ ട്രാഫിക് വിഭാഗം
Sumayya P | Samayam Malayalam | Updated: 5 Jul 2023, 9:10 pm
നിയമവിരുദ്ധ പ്രവർത്തനങ്ങൾ തടയാനാണ് ഈ നിയന്ത്രണങ്ങൾ ലക്ഷ്യം വെക്കുന്നതെന്നാണ് റിപ്പോർട്ട്.
ഹൈലൈറ്റ്:
- ചില വിഭാഗങ്ങളിൽ ജോലി ചെയ്യുന്ന പ്രവാസികൾക്ക് ഇളവുകൾ ലഭിക്കും.
- റോയൽ ഓമൻ ട്രാഫിക് വിഭാഗം ആണ് ഇതുമായി ബന്ധപ്പെട്ട തീരുമാനം പുറത്തുവിട്ടത്
വാഹനങ്ങൾ നിയമവിരുദ്ധമായി ഉപയോഗിക്കില്ലെന്ന് ഉടമക്ക് തെളിയിക്കാൻ കഴിയണം. പുതിയ രജിസ്ട്രേഷൻ റോയൽ ഒമാൻ പൊലീസിന് തടയാൻ സാധിക്കും. കഴിഞ്ഞ ദിവസം ഒരു പ്രവാസി പുതിയൊരു ഫോർവീൽ വാഹനം വാങ്ങി. അത് രജിസ്റ്റർ ചെയ്യുന്നതിനായി റോയൽ ഒമാൻ പൊലീസ് ട്രാഫിക്ക് വിഭാഗത്തെ സമീപിച്ചു. എന്നാൽ കുടുംബം ഒമാനിൽ ഇല്ലാത്തതിനാൽ അയാൾക്ക് വാഹനം രജിസ്റ്റർ ചെയ്യാൻ സാധിച്ചില്ല.
ചുനി ഗോസ്വാമി, ക്രിക്കറ്റും കളിച്ച ഇന്ത്യയുടെ ഫുട്ബോൾ സൂപ്പർ സ്റ്റാർ
Also Read: വിമാനയാത്രയ്ക്ക് 42,000 രൂപയെന്ന് വാഗ്ദാനം; പ്രവാസികളെ തട്ടിച്ച് വന്‍തുക തട്ടിയെടുത്ത യുവാവ് പിടിയില്‍
കൂപ്പെ ട്രക്കുകൾ, കോം‌പാക്റ്റ്, മിനി, തുടങ്ങി വാണിജ്യ ആവശ്യങ്ങൾക്കായുള്ള പിക്കപ്പ് ട്രക്കുകൾ പ്രവാസികൾക്ക് സ്വന്തമാക്കാൻ പാടില്ല. ജോലിയുടെ ഭാഗമായി പ്രവർത്തിക്കുന്നുവെന്ന് തെളിയിക്കാൻ കഴിയുമെങ്കിൽ പ്രവാസികൾക്ക് ഇത്തരം വാഹനങ്ങൾ വാങ്ങാം. അല്ലാതെ വാഹനങ്ങൾ സ്വന്തമാക്കുന്നതിന് കർശന വിലക്കുണ്ട്.
മാനേജർമാർ, ടെക്‌നീഷ്യൻമാർ, എൻജിനീയർമാർ തുടങ്ങിയ മറ്റ് സമാന പ്രത്യേക പ്രഫഷണൽ തസ്തികകൾ ജോലി ചെയ്യുന്ന പ്രവാസികളെ ഈ വിലക്കിൽനിന്ന് ഒഴവാക്കിയിട്ടുണ്ട്. ഇവർക്ക് വാഹനങ്ങൾ വാങ്ങാനും സ്വന്തമാക്കാനും രജിസ്റ്റർ ചെയ്യാനും സാധിക്കും. വാണിജ്യ ആവശ്യങ്ങൾക്കായി നാലുചക്ര വാഹനങ്ങൾ ഉപയോഗിക്കാൻ പാടില്ല. പിടിക്കപ്പെട്ടാൽ 35 റിയാൽ പിഴ ചുമത്തും. കുറ്റം ആവർത്തിച്ചാൽ തുടർനടപടികൾക്കായി അവരുടെ കേസ് പബ്ലിക് പ്രോസിക്യൂഷനിലേക്ക് കെെമാറും.
Read Latest Gulf News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
