വഴി ചോദിക്കാൻ സ്ത്രീകളുടെ അടുത്ത് നിര്‍ത്തും, ശരീരത്തിൽ കയറി പിടിക്കും, നഗ്നത കാണിക്കും, നമ്പര്‍ പ്ലേറ്റ് ഊരി സഞ്ചാരം; യുവാവ് അറസ്റ്റിൽ

കോഴിക്കോട്: സ്ത്രീകളെ കടന്ന് പിടിക്കുകയും നഗ്നത കാണിക്കുകയും ചെയ്ത സംഭവത്തിൽ യുവാവ് അറസ്റ്റിൽ. ഓമശ്ശേരി പുത്തൂർ നാഗാളിക്കാവ് സ്വദേശി ജലീലിനെയാണ് മുക്കം പോലീസ് അറസ്റ്റ് ചെയ്തത്.



സ്കൂട്ടറിൽ സഞ്ചരിച്ച് വഴി ചോദിക്കാനെന്ന വ്യാജേന സ്തീകളുടെ അടുത്ത് വാഹനം നിര്‍‍ത്തുകയും പിന്നീട്, അവരുടെ ശരീരത്തിൽ കയറി പിടിക്കുകയും നഗ്നന പ്രദര്‍ശിപ്പിക്കുകയുമായിരുന്നു ഇയാള്‍ ചെയ്തിരുന്നത്. തിരിച്ചറിയാതിരിക്കാൻ വാഹനത്തിന്റെ നമ്പര്‍ പ്ലേറ്റ് ഊരി മാറ്റിയായിരുന്നു ജലീലിന്റെ സഞ്ചാരം.

നിരവധി സ്ത്രീകളാണ് ഇയാളുടെ ആക്രമണത്തിന് ഇരയായിട്ടുള്ളത്. ആക്രമണത്തിന് ഇരയായ ഒരു സ്ത്രീ നൽകിയ പരാതിയിലാണ് കേസെടുത്തിരിക്കുന്നത്. പിന്നീട്, സമൂഹമാധ്യമങ്ങളിലൂടെ ചിത്രം പോലീസ് പ്രചരിപ്പിക്കുകയും ചെയ്യുകയായിരുന്നു. സിസിടിവി ക്യാമറകളിൽ അടക്കം പരിശോധിച്ചതിന്റെ അടിസ്ഥാനത്തിലാണ് പ്രതിയെ പിടികൂടിയത്. ഇയാളെ സംശയാസ്പദമായി കണ്ട നാട്ടുകാര്‍ പിടികൂടുകയും പോലീസിനെ അറിയിക്കുകയുമായിരുന്നു.

പിന്നീട്, ഈ നമ്പര്‍ പ്ലേറ്റ് വാഹനത്തിൽ നിന്നും കണ്ടെത്തുകയും ചെയ്തു. കെ എൽ 57 എസ് 1120 എന്ന നമ്പര് പ്ലേറ്റാണ് കണ്ടെത്തിയത്.

അതേസമയം, മറ്റൊരു സംഭവത്തിൽ മുക്കത്ത് പ്രായപൂര്‍ത്തിയാവത്ത പെൺകുട്ടിയെ പീഡിപ്പിച്ച സംഭവത്തിൽ തമിഴ്നാട് സ്വദേശിയെ പോലീസ് അറസ്റ്റ് ചെയ്തു. നെല്ലിക്കാപറമ്പ് – പന്നിക്കോട് റോഡിലുള്ള ആക്രിക്കടയിലെ ജോലിക്കാരനായ തഞ്ചാവൂര്‍ സ്വദേശി അറുമുഖന്‍ എന്നറിയപ്പെടുന്ന ചിന്നസ്വാമിയാണ് അറസ്റ്റിലായിരിക്കുന്നത് എന്ന് ഏഷ്യാനെറ്റ് ന്യൂസ് റിപ്പോര്‍ട്ട് ചെയ്യുന്നു.

തമിഴ്നാട്ടിലേക്ക് കടക്കാൻ ശ്രമിക്കുന്നതിനിടെയാണ് അറസ്റ്റുണ്ടായത്. മുക്കം പോലീസാണ് പ്രതിയെ അറസ്റ്റ് ചെയ്തിരിക്കുന്നത്. ചൈൽഡ് ലൈൻ കൗണ്‍സിലിങ്ങിനിടെയാണ് പീഡനത്തിന് ഇരയായ സംഭവം പെൺകുട്ടി വെളിപ്പെടുത്തിയത്.

കഴിഞ്ഞ ഡിസംബര്‍ മുതല്‍ പ്രതി പെണ്‍കുട്ടിയെ പീഡിപ്പിച്ചിരുന്നതായി പോലീസ് പറഞ്ഞു. കഴിഞ്ഞ ദിവസം ചൈൽഡ് ലൈൻ പ്രവര്‍ത്തകര്‍ നൽകിയ കൗൺസിലിങ്ങിനിടെയാണ് പെൺകുട്ടി പീഡന വിവരം പുറത്തുപറഞ്ഞത്. ചൈല്‍ഡ് ലൈന്‍ പ്രവര്‍ത്തകരാണ് പീഡന വിവരം പോലീസിനെ അറിയിച്ചത്.

പ്രതിക്കെതിരെ പോലീസ് പോക്‌സോ വകുപ്പുകള്‍ ചുമത്തി കേസെടുത്തിട്ടുണ്ട്. പ്രതിയെ കോടതിയിൽ ഹാജരാക്കി 14 ദിവസത്തേക്ക് റിമാൻഡ് ചെയ്തു.