കൈയിൽ ഒന്നുമില്ലാതിരുന്ന അവസ്ഥയിൽ എനിക്ക് നല്ലൊരു ഓഫർ വന്നു; ലോണടച്ചു തീർക്കാനുള്ളതിന്‍റെ പത്തിരട്ടി പണം; പക്ഷേ ഞാൻ ആ പരസ്യം ചെയ്തില്ല: സ്മൃതി ഇറാനി
അഭിനയകാലത്തിൻ്റെ തുടക്കത്തിൽ സാമ്പത്തിക ബുദ്ധിമുട്ടിലൂടെ കടന്നുപോകുമ്പോൾ ലഭിച്ച വലിയൊരു ഓഫർ വേണ്ടെന്ന് വെച്ചിരുന്നെന്ന് സ്മൃതി ഇറാനി
കൈയിൽ പണമില്ലാത്ത കാലം
സുബിൻ ഇറാനിയെ വിവാഹം കഴിച്ച കാലത്ത് കൈയിൽ പണം ഒന്നും ഉണ്ടായിരുന്നില്ലെന്നാണ് സ്മൃതി പറയുന്നത്. വീടിന്‍റെ ലോൺ അടയ്ക്കാനുള്ള പണം പോലും കൈയിലുണ്ടായിരുന്നില്ല. കരിയറിന്‍റെ തുടക്കത്തിൽ പണമൊന്നും ഇല്ലായിരുന്നു. അക്കൗണ്ടിൽ 30,000 രൂപ പോലും ഇല്ലായിരുന്നു. ബാങ്കിൽ നിന്ന് പണം വായ്പയെടുത്താണ് വീട് വാങ്ങിയത്. തിരിച്ചടവ് കൃത്യമായി നടത്താൻ ബുദ്ധിമുട്ടായിരുന്നു. ഈ സമയത്താണ് തനിക്കൊരു ഓഫർ ലഭിച്ചതെന്നും അവർ പറഞ്ഞു.
ബാധ്യതയുടെ പത്തിരട്ടി തുക
പരസ്യത്തിൽ അഭിനയിക്കാൻ എനിക്ക് ഓഫർ വന്നു. ഷൂട്ടിങ് സെറ്റിലെത്തിയ ആൾ പാൻമസാലയുടെ പരസ്യത്തിൽ അഭിനയിക്കാനാണ് എന്നെ വിളിച്ചത്. എനിക്ക് നൽകിയ വാഗ്ദാനം വലിയ തുകയായിരുന്നു. വീടിന്‍റെ ലോണടച്ചു തീർക്കാനുള്ളതിന്‍റെ പത്തിരട്ടി തുകയാണ് അയാളന്നു നൽകാമെന്ന് പറഞ്ഞത്. പക്ഷേ ഞാൻ അത് നിരസിച്ചു. അപ്പോൾ സെറ്റിലുണ്ടായിരുന്നവർ അമ്പരന്നു. നിങ്ങൾക്ക് ഭ്രാന്താണ് ആ പണത്തിന്‍റെ ആവശ്യം നിങ്ങൾക്ക് ഉണ്ട് എന്നാണ് ഒപ്പമുണ്ടായിരുന്നവർ പറഞ്ഞത്.
ഷോക്കേറ്റ് ആന ചരിഞ്ഞു
റിസർവ് ഫോറസ്റ്റിൽ അനധികൃത വൈദ്യുതി വേലി; ഷോക്കേറ്റ് ആന ചരിഞ്ഞു
നിരസിക്കാൻ കാരണം
എന്തുകൊണ്ടാണ് അന്ന് അത്രയും വലിയ ഓഫർ വേണ്ടെന്ന് വച്ചതെന്നും സ്മൃതി ഇറാനി അഭിമുഖത്തിൽ വിശദീകരിച്ചു. ടെലിവിഷനിൽ അഭിനയിക്കുന്ന കാലത്ത് കുടുംബങ്ങളും യുവാക്കളും എന്നെ കാണുന്നുണ്ട്. എന്നെ കുടുംബത്തിലെ ഒരംഗത്തെ പോലെയാണ് അവർ കണ്ടിരുന്നത്. വീട്ടിലെ ഒരാൾ പാൻമസാല വിൽക്കാൻ തുടങ്ങിയാൽ എങ്ങനെയുണ്ടാവും. അതുകൊണ്ട് ഞാൻ അത് വേണ്ടെന്ന് പറഞ്ഞു. മദ്യക്കമ്പനികൾ വിൽക്കുന്ന ഉത്പന്നങ്ങളോടും ഞാൻ നോ തന്നെയാണ് പറഞ്ഞത്. കുട്ടികൾ ഇത് കാണുന്നുണ്ടെന്ന് എനിക്കറിയാമായിരുന്നെന്നും സ്മൃതി പറയുന്നു.
കുട്ടികള്‍ക്കു വേണ്ടി മരണംവരെ പോരാടും
ബീർ ബൈസപ്സ് എന്ന യൂട്യൂബ് ചാനലിനു നൽകിയ അഭിമുഖത്തിലാണ് സ്മൃതി ഇറാനി അഭിനയകാലത്തെ ഓർമകൾ പങ്കുവച്ചത്. അഭിനേത്രിയും രാഷ്ട്രീയ നേതാവിനും പുറമെ സ്മൃതി എന്ന അമ്മയെക്കുറിച്ചും മന്ത്രി സംസാരിച്ചു. എന്‍റെ കുട്ടികള്‍ക്കു വേണ്ടി മരണംവരെ പോരാടുമെന്നാണ് അവർ പറയുന്നത്. തിരിച്ച് എനിക്ക് ഒന്നും വേണ്ടെന്നും ബിജെപപി നേതാവ് അഭിമുഖത്തിൽ പറഞ്ഞു.
Photo Credit: Smriti Irani/instagram
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
