ഭൂമിക്കടിയിലെ മുഴക്കം: ആശങ്ക വേണ്ട, കാരണം വിശദമാക്കി സംസ്ഥാന ദുരന്ത നിവാരണ അതോറിറ്റി
വിവിധ ജില്ലകളിൽ അടുത്തിടെയായി ഭൂമിക്കടിയിൽനിന്നു മുഴക്കവും പ്രകമ്പനവും കേൾക്കുന്നതായി റിപ്പോർട്ടുകളുണ്ടായിരുന്നു. ഇന്ന് തൃശൂർ ജില്ലയിലെ തൃക്കൂര്‍, അളഗപ്പനഗര്‍, വരന്തരപ്പിള്ളി മേഖലയിൽ ഞായറാഴ്ച ഉച്ചയ്ക്ക് ഒരുമണിയോടെ ഇരട്ടമുഴക്കം അനുഭവപ്പെട്ടിരുന്നു
ഹൈലൈറ്റ്:
- ഭൂമിക്കടിയിലെ മുഴക്കവും വിറയലും
- മാന്തർ ഭാഗത്തെ ചെറു ചലനങ്ങളുടെ പരിണിത ഫലം
- ആശങ്കവേണ്ടെന്ന് ദുരന്ത നിവാരണ അതോറിറ്റി
ഭൗമാന്തർ ഭാഗത്തുണ്ടാകുന്ന ചെറിയ ചലനങ്ങളുടെ പരിണിത ഫലമായാണ് കേരളത്തിലെ പല സ്ഥലങ്ങളിലും ചെറിയ അളവിലുള്ള വിറയലും, ഭൂമിക്കടിയിൽ നിന്നുള്ള ശബ്ദവും കേൾക്കുന്നത്. ചെറിയ അളവിൽ ഉണ്ടാകുന്ന മർദം പുറംതള്ളുന്നത് കൊണ്ട് മറ്റു പ്രശ്നങ്ങൾ ഉണ്ടാകാനുള്ള സാധ്യതകൾ വളരെ വിരളം ആണ്.
Also Read : തൃശൂരിൽ വീണ്ടും ഭൂമിക്കടിയിൽനിന്ന് മുഴക്കം; ഒരാഴ്ചയ്ക്കിടെ മൂന്നാം തവണ
റിസർവ് ഫോറസ്റ്റിൽ അനധികൃത വൈദ്യുതി വേലി; ഷോക്കേറ്റ് ആന ചരിഞ്ഞു
ചെറിയ തോതിലുള്ള ചലനങ്ങൾ ആയതിനാൽ നാഷണൽ സെന്‍റർ ഫോർ സിസ്‌മോളജിയുടെ നിരീക്ഷണ കേന്ദ്രങ്ങളിൽ റിപ്പോർട്ട് ചെയ്യപ്പെടുന്നില്ല. സംസ്ഥാന ദുരന്ത നിവാരണ അതോറിറ്റി, ഡൽഹി ആസ്ഥാനമായിട്ടുള്ള നാഷണൽ സെന്‍റർ ഫോർ സിസ്‌മോളജിയുമായി ചേർന്ന് സ്ഥിതിഗതികൾ നിരീക്ഷിച്ചു വരുകയാണ്. നിലവിൽ ആശങ്കപെടേണ്ട സാഹചര്യം ഇല്ലെന്ന് ദുരന്ത നിവാരണ അതോറിറ്റി വ്യക്തമാക്കി.
Also Read : മുസ്ലീം ലീഗിനെ യുഡിഎഫിൽനിന്ന് അടർത്തിമാറ്റാൻ സിപിഎം ശ്രമം, ഒരിക്കലും വിട്ടുപോകില്ലെന്ന് കെ സുധാകരൻഇന്ന് ഉച്ചയ്ക്കും തൃശൂരിൽ ഭൂമിക്കടിയിൽനിന്ന് മുഴക്കം കേട്ടതായി റിപ്പോർട്ട് ഉണ്ടായിരുന്നു. ഉച്ചയ്ക്ക് ഒന്നോടെ വരന്തരപ്പിള്ളി, ആമ്പല്ലൂർ മേഖലകളിലാണ് മുഴക്കം അനുഭവപ്പെട്ടത്. ഒരാഴ്ചയ്ക്കിടെ മൂന്നാം തവണയാണ് തൃശൂരിൽ ഭൂമിക്കടിയിൽ നിന്ന് മുഴക്കം കേൾക്കുന്നത്. ശബ്ദം പതിവായതോടെ നാട്ടുകാർക്കിടയിൽ പരിഭ്രാന്തി ഉയർന്നിരുന്നു. ഇതിനിടെയാണ് ദുരന്ത നിവാരണ അതോറിറ്റിയുടെ വിശദീകരണം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
