സൗദിയിൽ വാഹനാപകടം; ആറു മാസം മുൻപ് എത്തിയ മലയാളി യുവാവ് മരിച്ചു
Sumayya P | Samayam Malayalam | Updated: 9 Jul 2023, 7:30 pm
കൂടെ ഉണ്ടായിരുന്ന രണ്ട് പേർക്ക് പരുക്കേറ്റു. ഇവർ സഞ്ചരിച്ച വാൻ നിയന്ത്രണം നഷ്ടപ്പെട്ട് അപകടത്തിൽ പെടുകയായിരുന്നു
ഹൈലൈറ്റ്:
- കോഴിക്കോട് ചെറുവാടി സ്വദേശി ചുള്ളിക്കപ്പറമ്പ് അക്കരപറമ്പിൽ ഹാരിസ് ആണ് മരിച്ചത്.
- ആറ് മാസങ്ങൾക്ക് മുമ്പാണ് പുതിയ വിസയിൽ സൗദിയിൽ തിരിച്ചെത്തിയത്
ഇലക്ട്രീഷ്യനായ ഹാരീസും കൂടെ ജോലി ചെയ്യുന്ന മുജീബ് റഹ്മാൻ, ഫജിർ സാദിഖ് എന്നിവരും കഴിഞ്ഞ ദിവസം ജോലി സ്ഥലത്തേക്ക് പോകുമ്പോൾ ആണ് അപകടം നടന്നത്. ജോലി സ്ഥലമായ റിജാൽ അൽമയിലേയ്ക്ക് ആണ് ഇവർ കാറിൽ പോയത്. ഇവർ സഞ്ചരിച്ചിരുന്ന കാർ നിയന്ത്രണം വിട്ട് മറിയുകയായിരുന്നു. ഖാലിദിയ്യ ജംമിയത്തുൽ മനാസിലിൽ ജോലി ചെയ്യുന്നവരാണ് മൂന്ന് പേരും. കാലുകൾക്ക് പരുക്ക് പറ്റിയ ഫജിറിനെ തുടർചികിത്സക്കായി അബഹ ആസീർ ആശുപത്രിയിലേക്ക് മാറ്റിയിട്ടുണ്ട്.
യുവതിയുടെ ആത്മഹത്യ; ദുരൂഹതയാരോപിച്ച് ബന്ധുക്കൾ
Also Read: ജൂലൈ 20ന് ഒമാനില്‍ പൊതുഅവധി
ഹാരീസ് പ്രവാസമവസാനിപ്പിച്ച് നാട്ടിലേക്ക് മടങ്ങിയതായിരുന്നു. പിന്നീട് ആറ് മാസങ്ങൾക്ക് മുമ്പാണ് പുതിയ വിസയിൽ തിരിച്ചെത്തിയത്. മൃതദേഹം നാട്ടിലെത്തിക്കുന്നതിന് നടപടികൾ പൂർത്തീയാക്കി കൊണ്ടിരിക്കുകയാണ്. കെഎംസിസിയുടെയും വിവിധ സാമൂഹിക സംഘടന പ്രവർത്തകരും സഹായത്തിനായി രംഗത്തുണ്ട്. ഹാരീസിന്റെ മരണ വിവരം അറിഞ്ഞ് സഹോദരങ്ങളായ അമിറുദ്ദീൻ,ഷംസുദ്ദീൻ, നിസാർ അഹമ്മദ്,ഖാദർ എന്നിവർ സൗദിയിലെ മറ്റു ഭാഗങ്ങളിൽ നിന്നും അബഹയിൽ എത്തിയിട്ടുണ്ട്. പിതാവ് ആലിക്കുട്ടി, മാതാവ് ആയിഷുമ്മ, ഭാര്യ. ഫസീഹ. അഞ്ചു വയസുകാരൻ മുഹമ്മദ് സയ്യാൻ, രണ്ടു വയസുകാരി ആയിഷ നഹറ എന്നിവർ മക്കളാണ്.
Read Latest Gulf News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
