വരുമോ കെ റെയിൽ? രൂപരേഖ തയ്യാറാക്കൻ ഇ ശ്രീധരൻ; മാറ്റങ്ങൾ വരുത്തിയാൽ പ്രയോജനമുണ്ടെന്ന് വിശദീകരണം; കൂടിക്കാഴ്ച നടത്തി കെവി തോമസ്
സംസ്ഥാനത്തെ ഹൈ സ്പീഡ് റെയിലുമായി ബന്ധപ്പെട്ട വിഷയം ചർച്ച ചെയ്യാൻ കെവി തോമസ് മെട്രോമാൻഈ ശ്രീധരനുമായി കൂടിക്കാഴ്ച നടത്തി. കെ റെയിലിന് അനുകൂലമായി പ്രതികരിച്ചെന്ന് റിപ്പോർട്ട്
ഹൈലൈറ്റ്:
- വരുമോ കെ റെയിൽ
- രൂപരേഖ തയ്യാറാക്കാൻ ഇ ശ്രീധരൻ
- കൂടിക്കാഴ്ച നടത്തി കെവി തോമസ്
കെ റെയിൽ കേരളത്തിന് ചേർന്നതല്ലെന്ന് താൻ പറഞ്ഞിട്ടില്ലെന്ന് ശ്രീധരൻ വ്യക്തമാക്കിയതായി മാതൃഭൂമി ന്യൂസും റിപ്പോർട്ട് ചെയ്തു. മാറ്റങ്ങൾ വരുത്തണമെന്നാണ് പറഞ്ഞത്. അങ്ങനെയെങ്കിൽ കെ റെയിൽ കൊണ്ട് പ്രയോജനമുണ്ടെന്നും കെ ശ്രീധരൻ വ്യക്തമാക്കി. ഞായറാഴ്ച ഉച്ചയ്ക്ക് ഇ ശ്രീധരന്‍റെ പൊന്നാനിയിലെ വീട്ടിലായിരുന്നു കൂടിക്കാഴ്ച.
റിസർവ് ഫോറസ്റ്റിൽ അനധികൃത വൈദ്യുതി വേലി; ഷോക്കേറ്റ് ആന ചരിഞ്ഞു
മുഖ്യമന്ത്രി പിണറായി വിജയന്‍റെ അറിവോടെയായിരുന്നു കെവി തോമസ് – ഇ ശ്രീധരൻ കൂടിക്കാഴ്ച നടന്നത്. കെ റെയിൽ വേണണമെന്നത് സർക്കാരിന്‍റെ പ്രഖ്യാപിത നിലപാടെന്ന് കെവി തോമസ് പറഞ്ഞു. ഹൈ സ്പീഡ് റെയിൽവേ സംവിധാനവും സെമി സ്പീഡ് റെയിൽവേ സംവിധാനവുമാണ് ആവശ്യം. ഇതുമായി ബന്ധപ്പെട്ട രൂപരേഖ ഇ ശ്രീധരൻ തരുമെന്നും അത് മുഖ്യമന്ത്രിയുടെ ശ്രദ്ധയിൽ കൊണ്ടുവരുമെന്നും കെവി തോമസ് പറഞ്ഞതായി മാതൃഭൂമി റിപ്പോർട്ട് ചെയ്തു.
Also Read : പാറക്കുളത്തിൽ കുളിക്കാനിറങ്ങി, രണ്ടു യുവാക്കൾ മുങ്ങിമരിച്ചു; സംഭവം ഇടുക്കിയിൽ
മുഖ്യമന്ത്രിയുടെ തീരുമാനപ്രകാരമാകും മറ്റുകാര്യങ്ങൾ മുന്നോട്ടുപോവുക. രൂപരേഖ കണ്ടതിന് ശേഷം അദ്ദേഹത്തിന്‍റെ സേവനം ഉപയോഗപ്പെടുത്തുന്നതുമായി ബന്ധപ്പെട്ട് മുഖ്യമന്ത്രി തീരുമാനിക്കുമെന്നും കെവി തോമസ് പറഞ്ഞു. കൂടിക്കാഴ്ചയിൽ റെയിൽവേയുമായി ബന്ധപ്പെട്ട കാര്യങ്ങളാണ് പൂർണ്ണമായും ചർച്ച ചെയ്തതെന്നും അദ്ദേഹം വ്യക്തമാക്കി.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
