അരിക്കൊമ്പനുമേൽ തുല്യാവകാശം; സ്ഥിരമായി ശല്യമുണ്ടാക്കിയാലേ കൂട്ടിലടയ്ക്കൂ; തമിഴ്നാട് വനം മന്ത്രി
തമിഴ്നാട് വനംവകുപ്പിലെ ഉദ്യോഗസ്ഥരടക്കം 36 പേരടങ്ങുന്ന സംഘമാണ് അരിക്കൊമ്പനെ നിലവിൽ നിരീക്ഷിക്കുന്നത്. ആനയുടെ ആരോഗ്യാവസ്ഥയിൽ പ്രശ്നങ്ങളൊന്നും ഇല്ലെന്നാണ് വനം മന്ത്രി പറയുന്നത്
ഹൈലൈറ്റ്:
- അരിക്കൊമ്പനുമേൽ തുല്യാവകാശം
- അതിർത്തികൾ മനുഷ്യർക്ക്, മൃഗങ്ങൾക്കില്ല
- പ്രതികരിച്ച് തമിഴ്നാട് വനം മന്ത്രി
അരിക്കൊമ്പനെ പിടിച്ചുനിർത്തണമെന്ന വാശി തമിഴ്നാടിന് ഇല്ലെന്നാണ് വനം മന്ത്രിയുടെ പ്രതികരണം. അതിർത്തികൾ മനുഷ്യർക്ക് മാത്രമാണുള്ളത്. മൃഗങ്ങൾക്ക് അത് ഇല്ലെന്നും അരിക്കൊമ്പനുമേൽ കേരളത്തിനും തമിഴ്നാടിനും ഒരേ അവകാശമാണുള്ളതെന്നും മതിവേന്ദൻ പറഞ്ഞു.
സിപിഎമ്മിൻ്റെ സെമിനാറിൽ മുസ്ലീം ലീഗ് പങ്കെടുക്കില്ല
ജനവാസമേഖലയിലിറങ്ങി സ്ഥിരമായി ശല്യമുണ്ടാക്കിയാൽ മാത്രമേ അരിക്കൊമ്പനെ കൂട്ടിലടയ്ക്കുകയുള്ളൂവെന്നും തമിഴ്നാട് വനം വകുപ്പ് മന്ത്രി വ്യക്തമാക്കി. ആനയുടെ ആരോഗ്യനിലയെക്കുറിച്ച് ഏഷ്യാനെറ്റിനോട് പ്രതികരിച്ച മന്ത്രി നിലവിൽ നടക്കുന്ന പ്രചാരണങ്ങൾ തെറ്റാണെന്നും പറഞ്ഞു. ആന ഒരു സ്ഥലത്ത് മാത്രം നിൽക്കുകയല്ല, കാട്ടിൽ ദിവസവും മൈലുകളോളം സഞ്ചരിക്കുന്നുണ്ടെന്നും മതിവേന്ദൻ വ്യക്തമാക്കി.
അരിക്കൊമ്പന്‍റെ മുറിവുകളെല്ലാം ഭേദമായി. പൂര്‍ണ ആരോഗ്യവാനാണ്. അനാവശ്യമായി ഒരുതവണ പോലും ആനയ്ക്ക് മയക്കുവെടി വച്ചിട്ടില്ലെന്നും അദ്ദേഹം പറഞ്ഞു.
Also Read : വരുമോ കെ റെയിൽ? രൂപരേഖ തയ്യാറാക്കൻ ഇ ശ്രീധരൻ; മാറ്റങ്ങൾ വരുത്തിയാൽ പ്രയോജനമുണ്ടെന്ന് വിശദീകരണം; കൂടിക്കാഴ്ച നടത്തി കെവി തോമസ്
ചിന്നക്കനാലിൽ ജനവാസ മേഖലകളിലിറങ്ങി ജനജീവിതത്തിന് വെല്ലുവിളി ആയതിനെത്തുടർന്നാണ് അരിക്കൊമ്പനെ മയക്കുവെടിവെച്ച് ആദ്യം പിടികൂടുന്നത്. പെരിയാർ വന്യജീവി സങ്കേതത്തിൽ തുറന്നുവിട്ട ആന ഇവിടെ നിന്ന് തമിഴ്നാട് അതിർത്തിയിലേക്ക് കടക്കുകയായിരുന്നു. കമ്പത്ത് എത്തി ജനവാസമേഖലയിലിറങ്ങി ഭീഷണി ആയതോടെയാണ് തമിഴ്നാട് വനംവകുപ്പ് വെടിവെച്ച് പിടികൂടി കളക്കാട് മുണ്ടൻ തുറൈ കടുവ സങ്കേതത്തിലേക്ക് മാറ്റുകയായിരുന്നു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
