ഡെങ്കി വരാതെ തടയാന്‍, കൊതുകിനെ അകറ്റാന്‍…..

Authored by Saritha PV | Samayam Malayalam | Updated: 10 Jul 2023, 6:23 pm

ഡെങ്കിപ്പനി ഭീഷണിയായി പടര്‍ന്ന് പിടിയ്ക്കുകയാണ്. കൊതുക് തന്നെയാണ് വില്ലന്‍. മഴക്കാലം കൂടി വന്നതോടെ കൊതുക് ശല്യവും രൂക്ഷമാണ്. ഡെങ്കിപ്പനി വരാതെ തടയാന്‍, കൊതുകിന്റെ കടിയേല്‍ക്കാതിരിയ്ക്കാന്‍ നമുക്ക് ചെയ്യാവുന്ന ചിലതുണ്ട്. സിഡിസി അഥവാ സെന്റര്‍ ഫോര്‍ ഡിസീസ് കണ്‍ട്രോള്‍ ആന്റ് പ്രിവന്‍ഷന്‍ പറയുന്ന വഴികളാണ് ഇവ.

• 

  ​സാധാരണ പനിയില്‍ നിന്നും ​

  ഡെങ്കിപ്പനി പനിയാണെങ്കിലും സാധാരണ പനിയില്‍ നിന്നും ചിലത് വ്യത്യാസമായിരിയ്ക്കും. . പെട്ടെന്ന കടുത്ത പനി, 100 ഡിഗ്രിയില്‍ കൂടുതലുള്ള പനി, കടുത്ത തലവേദനയും സന്ധി വേദയും, ക്ഷീണം, ചര്‍മത്തില്‍ പാടുകള്‍ എന്നിവ. വയറുവേദന, ഒരു ദിവസത്തില്‍ മൂന്ന് തവണയില്‍ കൂടുതല്‍ ഛര്‍ദി, മൂക്കില്‍ നിന്നും ചോര വരിക, രക്തം ഛര്‍ദിയ്ക്കുക, മലത്തില്‍ രക്തം എന്നിവയെല്ലാം അല്‍പം ഗുരുതര ലക്ഷണങ്ങളാണ്.

• 

  ​പ്ലേറ്റ്‌ലെറ്റ് കൗണ്ട് ​

  ഡെങ്കിപ്പനിയ്ക്ക് മരുന്നില്ലെന്നതാണ് വാസ്തവം. ഇത് രക്തത്തിലെ പ്ലേറ്റ്‌ലെറ്റ് കൗണ്ട് കുറയ്ക്കുന്നതാണ് അപകടത്തിലെത്തുന്നത്. കൊതുക് പരത്തുന്ന രോഗമെന്നതിനാല്‍ കൊതുക് കടി കൊള്ളാതെ നോക്കുകയെന്നതാണ് പ്രധാനം.

• 

  ​കൊതുക് കടിയ്ക്കാത്ത വിധത്തില്‍​

  കൊതുക് കടിയ്ക്കാത്ത വിധത്തില്‍ കയ്യിറക്കവും ശരീരം മൂടുന്ന തരത്തിലുമുള്ള വസ്ത്രം ധരിയ്ക്കുക, കൊതുകുവല ഉപയോഗിയ്ക്കുക. ദോഷകരമല്ലാത്ത കൊതുക് തിരികള്‍ പോലുള്ളവ ഉപയോഗിയ്ക്കുക.

  ​

• 

  ​കൊതുക് ​

  വീട്ടിനുളളിലേയ്ക്ക് കൊതുക് കടക്കാത്ത വിധത്തില്‍ വാതിലുകളിലും ജനലിലും നെറ്റ് പിടിപ്പിയ്ക്കുക. വീടിന് ചുറ്റുപാടും വെള്ളം കെട്ടിക്കിടക്കാതെ വൃത്തിയായി സംരക്ഷിയ്ക്കാം. കൊതുക് മുട്ടയിട്ട് പെരുകുന്നത് ഇത്തരം സ്ഥലങ്ങളിലാണ്.

• 

  കാറ്റും വെളിച്ചവുമെല്ലാം​

  ഇരുട്ടിലും ഈര്‍പ്പത്തിലുമാണ് പൊതുവേ കൊതുകുകള്‍ ധാരാളമുണ്ടാകുക. വീട്ടിനുള്ളിലേയ്ക്ക് കാറ്റും വെളിച്ചവുമെല്ലാം കടക്കുന്ന രീതിയുണ്ടാക്കുക. വീട്ടിനുള്ളില്‍ കര്‍പ്പൂരം പോലുള്ളവ കത്തിച്ചു വയ്ക്കാം.

• 

  ​രക്തപരിശോധന ​

  പനി വരുന്നത് സാധാരണമാണല്ലോ എന്ന് കരുതി കയ്യില്‍ കിട്ടുന്ന ഗുളികകള്‍ കഴിച്ച് ശമനം വരുത്താന്‍ ശ്രമിയ്ക്കരുത്. ഇപ്പോഴത്തെ പനി അപകടകാരിയായതിനാല്‍ തന്നെ മെഡിക്കല്‍ സഹായം തേടാം. ഡെങ്കിപ്പനിയല്ലെന്ന് ഉറപ്പാക്കാന്‍ രക്തപരിശോധന നടത്താം.

• 

  ​​കൊതുകിന് വളരാന്‍

  വെള്ളം കെട്ടി നില്‍ക്കുന്നിടത്ത് മാത്രമല്ല, ചെടികളുള്ളിടത്തും കൊതുകിന് വളരാന്‍ സാഹചര്യങ്ങളുണ്ട്. ഇതിനാല്‍ ഇത്തര സ്ഥലങ്ങലും മറ്റും ശരീരം മൂടുന്നവസ്ത്രമിട്ട് ഇറങ്ങുക പ്രത്യേകിച്ചും വൈകുന്നേരങ്ങളിലും രാത്രിയിലും.

• 

  ​യാത്രകള്‍ പോകുമ്പോഴും ​

  യാത്രകള്‍ പോകുമ്പോഴും കൊതുകിനെ അകറ്റാന്‍ റിപ്പലന്റ് പോലുള്ളവ കരുതുക. വീടിനുള്ളിലും മറ്റുമുള്ള കൊതുകുകളെ കൊന്നൊടുക്കാന്‍ മോസ്‌കിറ്റോ ബാറ്റ് ഉപയോഗിയ്ക്കാം.

• 

  ​കൊതുകിനെ അകറ്റാന്‍ ​

  പെര്‍മിട്രിന്‍ എന്ന ഒരു മരുന്നുണ്ട്. ഇത് കൊതുകിനെ അകറ്റാന്‍ നല്ലതാണ്. ഇത് ക്രീം രൂപത്തിലും മറ്റും ലഭിയ്ക്കും. അത്യാവശ്യമെങ്കില്‍ ഡോക്ടറുടെ ഉപദേശം തേടി ഇവ ഉപയോഗിയ്ക്കാം.