മുടികൊഴിച്ചില്‍, അകാലനര തടയാന്‍ വീട്ടിലുണ്ടാക്കാം പരമ്പരാഗത എണ്ണക്കൂട്ട്‌

ഇതിനായി ഒരു പിടി സാധനങ്ങള്‍ ആവശ്യമുണ്ട്. കറിവേപ്പില, നെല്ലിക്ക, പനിക്കൂര്‍ക്കയില, മയിലാഞ്ചിയില, ഇന്‍ഡിഗോ അഥവാ നീലയമരി, എള്ള്, ഉലുവ, കരിഞ്ചീരകം, സവാള, ചെറിയുള്ളി, വെളുത്തുള്ളി, കറ്റാര്‍ വാഴ, ചെമ്പരത്തി എന്നിവയാണ് ഇവ. ഇവയെല്ലാം തികച്ചും ശുദ്ധമായ ചേരുവകളാണ്. മാത്രമല്ല, ഇവ മുടി നല്ലതു പോലെ വളരാന്‍ സഹായിക്കുന്ന, മുടി കൊഴിയുന്നത് തടയാന്‍ സഹായിക്കുന്നവ കൂടിയാണ്.

മുടി തഴച്ചു വളരാൻ നാടൻ വിദ്യകൾ

നെല്ലിക്ക വൈറ്റമിന്‍ സി സമ്പുഷ്ടമാണ്. അയേണ്‍ സമ്പുഷ്ടമാണ് പൊതുവേ മുടി വളരാനും അകാലനരയ്ക്കും പറ്റിയ മരുന്നുമാണ്. പനിക്കൂര്‍ക്കയിലയും ഔഷധ ഗുണങ്ങള്‍ ഏറെയുള്ള ഒന്നാണ്. ഇത് അകാലനരയ്ക്ക് നല്ലതാണ്. മാത്രമല്ല, ഈ എണ്ണ ഉപയോഗിയ്ക്കുമ്പോള്‍ കോള്‍ഡ് പോലുള്ള തടയാന്‍ സഹായിക്കുന്ന ചേരുവ കൂടിയാണ്. മയിലാഞ്ചിയിലയും മുടിയുടെ വളര്‍ച്ചയ്ക്ക് ഏറെ നല്ലതാണ്.

ഉലുവ, എള്ള് എന്നിവ ഈസ്ട്രജന്‍ സമ്പുഷ്ടമാണ്. ഇത് മുടിയുടെ ആരോഗ്യത്തിന് ഏറെ നല്ലതാണ്. ഇത് കഴിയ്ക്കുന്നതും ഹെയര്‍ പായ്ക്കാക്കുന്നതും എണ്ണയാക്കുന്നതുമെല്ലാം നല്ലതണ്. കരിഞ്ചീരകവും മുടിയുടെ ആരോഗ്യത്തിന് മികച്ചതാണ്.സവാള, ചെറിയുള്ളി എന്നിവ പൊതുവേ മുടി കൊഴിച്ചിലിന് മരുന്നാണ്. മുടി നരയ്ക്കുന്നതിന് പരിഹാരവുമാണ്. വെളുത്തുള്ളിയും ആന്റി ഓക്‌സിഡന്റ് ഗുണങ്ങളുള്ളതാണ്. മുടിയിലെ താരന് നല്ല പരിഹാരം.

ഇതില്‍ ചേര്‍ക്കുന്ന ഇന്‍ഡിഗോ അഥവാ നീലയമരി ഏറെ ഗുണങ്ങള്‍ മുടിയ്ക്ക് നല്‍കുന്നു. നര മാറാനുള്ള പല പായ്ക്കുകളിലേയും പ്രധാന മരുന്നാണിത്. ചെമ്പരത്തിയും ഇതു പോലെ മുടിയുടെ ആരോഗ്യത്തിനുള്ള പരമ്പരാഗത രഹസ്യമാണ്. കറ്റാര്‍ വാഴയും മുടിയുടെ ആരോഗ്യത്തിന് മികച്ചതാണ്. ഇത് വൈറ്റമിന്‍ ഇ സന്വുഷ്ടവുമാണ്.

ഈ എണ്ണ തയ്യാറാക്കാന്‍ നല്ല ശുദ്ധമായ വെളിച്ചെണ്ണ വേണം. ഉരുക്ക് വെളിച്ചെണ്ണയാണ് നല്ലത്. ഇതിലേയ്ക്ക് ബാക്കി കൂട്ടുകള്‍ ഇഷ്ടത്തിന് എടുത്ത് എല്ലാം ചേര്‍ത്ത് അരയ്ക്കുക. മയിലാഞ്ചിയില, ഇന്‍ഡിഗോ, ചെമ്പരത്തി എന്നിവയൊന്നും ലഭിച്ചില്ലെങ്കില്‍ ഇതിന്റെ പൊടി മതിയാകും. ഇത് ബാക്കിയുള്ള ചേരുവകളില്‍ ചേര്‍ത്ത് അരയ്ക്കാം. പിന്നീട് ഇത് വെളിച്ചെണ്ണയിലേയ്ക്കിടാം. ഇത് കുറഞ്ഞ തീയില്‍ തിളപ്പിയ്ക്കുക. പതഞ്ഞ് പൊങ്ങി പിന്നീട് പതയെല്ലാം പോകുന്ന അവസ്ഥയുണ്ടാകും. ഇത് വെള്ളം തീരെ ഇല്ലാതായി എന്നതാണ് കാണിയ്ക്കുന്നത്. വെള്ളം കാച്ചെണ്ണക്കൂട്ടിലുണ്ടെങ്കില്‍ എണ്ണ പെട്ടെന്ന് കേടാകും, മാത്രമല്ല, തലയില്‍ തേയ്ക്കുമ്പോള്‍ കോള്‍ഡിനും സാധ്യതയുണ്ട്.