എന്താണ് വ്യക്തിവിവര ഡിജിറ്റല്‍ സംരക്ഷണ നിയമം? സാധാരണക്കാരെ അതെങ്ങനെ ബാധിക്കും?
വ്യക്തിവിവര ഡിജിറ്റല്‍ സംരക്ഷണ നിയമം പാർലമെന്റിന്റെ മൺസൂൺ സമ്മേളനത്തിൽ അവതരിപ്പിക്കുമെന്നാണ് റിപ്പോർട്ട്. എന്താണ് ഈ നിയമമെന്നും അത് എങ്ങനെയാണ് സാധാരണക്കാരെ ബാധിക്കുകയെന്നും, എന്തെല്ലാം ആശങ്കകളാണ് നിലനിൽക്കുന്നതെന്നും ചർച്ച ചെയ്യുന്നു ഈ ലേഖനം.
ആദ്യം അവതരിപ്പിച്ച ബില്‍ പോരായ്മകള്‍ കാരണം പിന്‍വലിച്ചു, പുതിയ ബില്ലിന് പൊതുജനാഭിപ്രായം തേടിക്കഴിഞ്ഞു. അവസാനം കഴിഞ്ഞ ബുധനാഴ്ച വ്യക്തിവിവര ഡിജിറ്റല്‍ സംരക്ഷണ ബില്ലിന്, 2022 (Digital Personal Data Protection Bill) കേന്ദ്രമന്ത്രിസഭായോഗം അംഗീകാരം നല്‍കി. വര്‍ഷക്കാല സമ്മേളനത്തില്‍ ബില്‍ പാര്‍ലമെന്റില്‍ അവതരിപ്പിക്കാനും തീരുമാനമായി. നിയമം ലംഘിക്കുന്നവർക്ക് 250 കോടി രൂപവരെ പിഴ വ്യവസ്ഥ ചെയ്യുന്ന ബില്‍ ഡിജിറ്റല്‍ ലോകത്ത് സാധാരണക്കാരന്റെ സ്വകാര്യവിവരം സംരക്ഷിക്കുമോ, അതോ അവര്‍ക്കത് വിനയായി മാറുമോയെന്നതാണ് നടന്നുകൊണ്ടിരിക്കുന്ന ചർച്ച.
വിവരങ്ങള്‍ സ്വകാര്യമായിരിക്കുമോ?
അനുദിനമെന്നവണ്ണമാണ് ഡിജിറ്റല്‍ ലോകം വളരുന്നത്. ഭക്ഷണം വാങ്ങാനും വാര്‍ത്തയറിയാനും മുതല്‍ എന്തിനും ഏതിനും ഡിജിറ്റല്‍ ലോകത്ത് അവസരമുണ്ട്, അത്രയധികം ആപ്പുകളുമുണ്ട്. എന്നാല്‍ ഇതിനിടയില്‍ നാമധികം ശ്രദ്ധിക്കാതെ വിടുന്ന മറ്റൊന്നുകൂടിയുണ്ട്. വ്യക്തികളുടെ വിവരങ്ങള്‍ അത്ര സ്വകാര്യമല്ലാത്ത ഒരിടംകൂടിയാണ് ഡിജിറ്റല്‍ ലോകം. കോവിഡ് കുത്തിവെപ്പിനു വേണ്ടി നമ്മള്‍ നല്‍കിയ വ്യക്തിവിവരങ്ങള്‍ ആര്‍ക്കും എവിടെനിന്നും എടുക്കാമെന്ന നിലയിലാണ് സൂക്ഷിക്കപ്പെട്ടിരുന്നതെന്ന വാര്‍ത്ത ഈയടുത്താണ് പുറത്തുവന്നത്. പൗരന്റെ വിവരസ്വകാര്യത ഭരണഘടനയിലെ മൗലികാവകാശമായി ഉറപ്പുതരുമ്പോഴാണ് വിവരങ്ങള്‍ പൊതുവിടങ്ങളില്‍ ലഭിക്കുന്നത്. ഇത്തരം വിവരചോര്‍ച്ചകളെ സാധൂകരിക്കുന്നതാകുമോ പുതിയ വ്യക്തിവിവര ഡിജിറ്റല്‍ സംരക്ഷണ ബില്ലെന്ന സംശയം സ്വഭാവികം. നിയമം വരുമ്പോള്‍ സാധാരണക്കാരന്റെ അവകാശങ്ങള്‍ സംരക്ഷിക്കപ്പെടുമോയെന്ന ആശങ്ക പലര്‍ക്കുമുണ്ട്.
2019-ല്‍ വ്യക്തിവിവര ഡിജിറ്റല്‍ സംരക്ഷണബില്‍ അവതരിപ്പിക്കുമ്പോള്‍ രാജ്യത്തെ പൗരന്മാരുടെ വിവരങ്ങള്‍ സംരക്ഷിക്കുകയായിരുന്നു ലക്ഷ്യം. വ്യക്തിവിവരങ്ങള്‍ ശേഖരിക്കുന്നതും പ്രോസസ് ചെയ്യുന്നതും സൂക്ഷിക്കുന്നതും എങ്ങനെ വേണമെന്നതിനെക്കുറിച്ചാണ് ബില്‍ പ്രധാനമായും പറയുന്നത്. ഡേറ്റാ രക്ഷാധികാരി അല്ലെങ്കില്‍ ഫിഡൂഷ്യറിയായിരിക്കും വ്യക്തിവിവരങ്ങള്‍ വിശകലനം ചെയ്യുന്നതിന്റെ ഉദ്ദേശ്യം നിര്‍ണയിക്കുന്നതും വിവരചോര്‍ച്ച തടയാനുള്ള നടപടികള്‍ സ്വീകരിക്കുന്നതും. വിവരങ്ങള്‍ കൈമാറുന്നതിന് സമ്മതം നല്‍കുന്നതിനെക്കുറിച്ചും ബില്ല് സൂചിപ്പിക്കുന്നു. വിവര ചോര്‍ച്ചയുണ്ടാകുമ്പോള്‍ ഫിഡൂഷ്യറി ഡാറ്റാ പ്രൊട്ടക്ഷന്‍ ബോര്‍ഡിനെ (വിവരസുരക്ഷാ ബോര്‍ഡ്) വിവരം അറിയിക്കണമെന്നുമുണ്ട്. ഡാറ്റാ പ്രിന്‍സിപ്പലുമായി ബന്ധപ്പെട്ടിട്ടുള്ള പ്രത്യേക വിവരങ്ങള്‍ നീക്കം ചെയ്യാനും വ്യക്തിവിവരം സൂക്ഷിക്കുന്നത് അവസാനിപ്പിക്കാനും ഫിഡൂഷ്യറിക്ക് സാധിക്കും. വിവരലംഘനം നടത്തിയ സ്ഥാപനങ്ങളില്‍ നിന്ന് 250 കോടി രൂപയാണ് പിഴയായി ഈടാക്കുക.
ഫ്രഞ്ച് കിസ്സ്, അമേരിക്കൻ കിസ്സ്, നിബിൾ കിസ്സ്…! വിചിത്രസങ്കീർണ്ണമാണ് ചുംബനങ്ങളുടെ ലോകംബില്‍ പ്രകാരം ഒരേസമയം ദേശസുരക്ഷയുമായി ബന്ധപ്പെട്ട കാര്യങ്ങൾക്കും, പൊതുതാത്പര്യമുള്‍പ്പെടുന്ന കാര്യങ്ങള്‍ക്കും വ്യക്തിവിവരങ്ങള്‍ ഉപയോഗിക്കാനാകും. അതേസമയം സ്വകാര്യവിവരം സൂക്ഷിക്കാനുള്ള വ്യക്തികളുടെ അവകാശത്തെ സംരക്ഷിക്കുമെന്നും കരടു ബില്ലില്‍ പറയുന്നുണ്ട്. കരടുബില്‍ അനുസരിച്ച് ഡിപിഡിപി നിയമം അനുശാസിക്കുന്ന തരത്തില്‍ പൗരന്‍ വ്യക്തിവിവരങ്ങള്‍ നല്‍കിയാല്‍ മതിയാകും. വിവരം നല്‍കുന്നയാളുടെ സമ്മതത്തോടെ മാത്രമേ പൊതുതാൽപര്യ വിഷയങ്ങളില്‍ വിവരം ഉപയോഗിക്കാന്‍ പാടുകയുള്ളു. വിവരം ശേഖരിക്കുന്നയാള്‍ എന്തെല്ലാം വിവരങ്ങള്‍ ശേഖരിക്കുന്നു, എന്താവശ്യത്തിനാണ് മുതലായ കാര്യങ്ങള്‍ വ്യക്തവും മനസ്സിലാകുന്നതുമായ ഭാഷയില്‍ നോട്ടീസ് നല്‍കണമെന്നും കരട് ബില്ലില്‍ പറയുന്നുണ്ട്.
ഇത്തരം കാര്യങ്ങള്‍ പറയുമ്പോള്‍ പോലും നല്‍കുന്ന വ്യക്തിവിവരങ്ങള്‍ സുരക്ഷിതമായിരിക്കുമോ എന്ന കാര്യത്തില്‍ സംശയം നിലനില്‍ക്കുന്നുണ്ട്. വ്യക്തിവിവരങ്ങള്‍ ഉപയോഗിക്കുന്നതിന് നമ്മള്‍തന്നെ സമ്മതം നല്‍കുന്നതോടെ എന്താവശ്യങ്ങള്‍ക്കുപയോഗിച്ചാലും പിന്നീട് നിയമപരമായി ചോദ്യം ചെയ്യാനുള്ള അവസരം നഷ്ടമാകുമെന്ന ഭയവും നിലനില്‍ക്കുന്നുണ്ട്.
ആണുങ്ങൾക്ക് പെണ്ണുകിട്ടാത്തത് പെൺകട്ടികളുടെ കഴപ്പമോ? ‘വിവാഹപ്പേടി’ യാഥാർത്ഥ്യമോ? ഡോ. നിഥിന്റെ പഠനം ആധികാരികമോ?വിശ്വസിച്ച് നല്‍കുന്ന വിവരങ്ങള്‍ പുറത്തുവരുന്നത് മിക്ക സന്ദര്‍ഭങ്ങളിലും ഉദ്ദേശിച്ച ഫലമായിരിക്കില്ല നല്‍കുന്നത്. പ്രത്യേകിച്ച്, ഏതെങ്കിലും വിധിന്യായങ്ങളെ സംബന്ധിച്ച് പരാതിപ്പെടുമ്പോൾ ഇത് പ്രശ്നമാകാം. ഏതെങ്കിലും നിയമത്തിന്റെ പേരില്‍ ഓര്‍ഡറുകള്‍ പുറപ്പെടുവിക്കുമ്പോഴും പ്രശ്നങ്ങൾക്ക് സാധ്യതയുണ്ട്. വ്യക്തിയുടെ സ്വകാര്യമായി സൂക്ഷിക്കേണ്ട സാഹചര്യങ്ങളിലും മറ്റും ഇത് വിനയായി മാറാം. ദേശസുരക്ഷയുമായി ബന്ധപ്പെട്ട സ്ഥാപനങ്ങളും പ്രത്യേക കോടതി നടപടികളും ഡിപിഡിയില്‍ നിന്ന് ഒഴിവാക്കിയിട്ടുമുണ്ട്. അതായത് സര്‍ക്കാര്‍ സ്ഥാപനങ്ങളുമായി ബന്ധപ്പെട്ട് വിവരാവകാശം വഴി ആവശ്യപ്പെടുന്ന കാര്യങ്ങള്‍ നിരാകരിക്കാന്‍ സാധിക്കും. വിവരാവകാശ നിമയത്തില്‍ വെള്ളം ചേര്‍ക്കുന്നതാണ് പുതിയ ബില്ലെന്ന ആക്ഷേപം ഇപ്പോള്‍ത്തന്നെ ഉയര്‍ന്നിട്ടുണ്ട്.
