പ്രധാനമന്ത്രിയുമായി കൂടിക്കാഴ്ച നടത്തി ശരദ് പവാര്‍; സഹകരണ മന്ത്രാലയത്തിൽ ആശങ്ക അറിയിച്ചു

ന്യൂഡൽഹി: എൻസിപി നേതാവ് ശരദ് പവാർ പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി. ഡൽഹിയിൽ പ്രധാനമന്ത്രിയുടെ വസതിയിൽ എത്തിയാണ് സന്ദര്‍ശനം നടത്തിയത്. കൂടിക്കാഴ്ച 50 മിനിട്ടോളം നീണ്ടു നിന്നു.



Also Read : വഴി ചോദിക്കാൻ സ്ത്രീകളുടെ അടുത്ത് നിര്‍ത്തും, ശരീരത്തിൽ കയറി പിടിക്കും, നഗ്നത കാണിക്കും, നമ്പര്‍ പ്ലേറ്റ് ഊരി സഞ്ചാരം; യുവാവ് അറസ്റ്റിൽ



ഇരുവരു കൂടിക്കാഴ്ച നടത്തുന്നതിന്റെ ചിത്രം പ്രധാനമന്ത്രിയുടെ ഓഫീസ് ട്വിറ്റര്‍ പുറത്തുവിട്ടു. പാര്‍ലമെന്റിന്റെ ശീതകാല സമ്മേളനത്തിന് മുന്നോടിയായാണ് നേതാക്കള്‍‍ തമ്മിൽ കൂടിക്കാഴ്ച നടത്തിയത്.

പുതുതായി രൂപീകരിച്ച സഹകരണമന്ത്രാലയത്തെക്കുറിച്ചും കാര്‍ഷിക പ്രശ്നങ്ങളെക്കുറിച്ചും ഇരു നേതാക്കളും തമ്മിൽ ചര്‍ച്ച നടത്തിയതായാണ് ദേശീയ മാധ്യമമായ എൻഡിടിവി റിപ്പോർട്ട് ചെയ്യുന്നത്.

രാജ്യസഭാ അംഗം കൂടിയായ പവാര്‍ കേന്ദ്രമന്ത്രിസഭാ പുനസംഘടനയ്ക്ക് ഒരു ദിവസം മാത്രം അവശേഷിക്കെ പുതിയ സഹകരണ മന്ത്രാലയം രൂപീകരിക്കുന്നതിനെക്കുറിച്ചും അദ്ദേഹം അഭിപ്രായപ്പെട്ടു. സഹകരണ മേഖലയ്ക്കുള്ള നിയമങ്ങൾ മഹാരാഷ്ട്ര നിയമസഭയിൽ രൂപപ്പെടുത്തിയിട്ടുണ്ടെന്നും സംസ്ഥാനം തയ്യാറാക്കിയ നിയമനിർമ്മാണത്തിൽ ഇടപെടാൻ കേന്ദ്രത്തിന് അവകാശമില്ലെന്നും അദ്ദേഹം പറഞ്ഞു.

Also Read : കൊവിഡിനു ശേഷം സ്കൂൾ തുറക്കുമ്പോൾ അഞ്ചാം ക്ലാസുകാർക്ക് കോണ്ടം വിതരണം; നടപടി വിവാദത്തിൽ

താൻ രാഷ്ട്രപതി സ്ഥാനത്തേക്കുള്ള ശരിയായ ആളല്ലെന്ന് ബുധനാഴ്ച അദ്ദേഹം വ്യക്തമാക്കിയിരുന്നു. അതിനൊപ്പം തെരഞ്ഞെടുപ്പ് തന്ത്രജ്ഞൻ പ്രശാന്ത് കിഷോറുമായി രണ്ട് തവണ കൂടിക്കാഴ്ച നടത്തിയിരുന്നു. മൂന്നാം മുന്നണി രൂപികരിക്കുന്നതായി സൂചനകള്‍ ഉയര്‍ന്നിരുന്നു.