കുളിക്കുന്ന ദൃശ്യം വാട്സാപ്പിലിടുമെന്ന് ഭീഷണി; 16കാരിയെയും ചേച്ചിയെയും പീഡിപ്പിച്ച് യുവാവ്; കൂട്ടുനിന്ന് അച്ഛൻ

ഭോപ്പാൽ: മധ്യപ്രദേശിൽ പ്രായപൂര്‍ത്തിയാകാത്ത പെൺകുട്ടിയുടെ നഗ്നദൃശ്യങ്ങള്‍ പകര്‍ത്തി ഭീഷണിപ്പെടുത്തി പീഡിപ്പിച്ച കേസിൽ അച്ഛനും മകനുമെതിരെ പോക്സോ കേസ്. അയൽക്കാരിയായ പെൺകുട്ടിയുടെ ദൃശ്യങ്ങള്‍ മൊബൈൽ ക്യാമറയിൽ പകര്‍ത്തിയ യുവാവ് ഭീഷണിപ്പെടുത്തി പീഡനം നടത്തുകയായിരുന്നുവെന്നാണ് പോലീസ് പറയുന്നത്. ഗ്വാളിയാര്‍ ജില്ലയിലാണ് സംഭവമുണ്ടായത്.



അങ്കിത് ജാദവ് എന്ന യുവാവാണ്കേസിലെ പ്രതി. ഇയാള്‍ 16 വയസുള്ള പെൺകുട്ടി കളിക്കുന്നതിൻ്റെ ദൃശ്യങ്ങള്‍ പകര്‍ത്തുകയായിരുന്നുെവെന്നാണ് ആരോപണം. പദംപൂര്‍ ഖേരിയ പ്രദേശത്താണ് പ്രതികളും ഇരയായ യുവതികളും താമസിക്കുന്നത്. ആറു മാസം മുൻപാണ് കേസിന് ആസ്പദമായ സംഭവമുണ്ടായത്. കടയിൽ സാധനങ്ങള്‍ വാങ്ങാനായി പോയ പെൺകുട്ടിയെ തടഞ്ഞു നിര്‍ത്തിയ പ്രതി താൻ കുട്ടി കുളിയ്ക്കുന്ന ദൃശ്യങ്ങള്‍ പകര്‍ത്തിയെന്ന വിവരം അറിയിക്കുകയായിരുന്നു. തന്നെ വീട്ടിൽ വന്നു കാണണമെന്നും ഇല്ലെങ്കിൽ ഈ ദൃശ്യങ്ങള്‍ സോഷ്യൽ മീഡിയയിൽ പങ്കുവെക്കുമെന്നും യുവാവ് ഭീഷണിപ്പെടുത്തി.



Also Read: ന്യൂനപക്ഷ സ്കോളർഷിപ്പ്: വിഡി സതീശനെതിരെ ലീഗ്; മലക്കം മറിഞ്ഞ് പ്രതിപക്ഷ നേതാവ്

വീഡിയോ സമൂഹമാധ്യമങ്ങളിലെത്തുമെന്നു ഭയന്ന പെൺകുട്ടി അന്നു വൈകിട്ടു തന്നെ പ്രതിയുടെ വീട്ടിലെത്തുകയായിരുന്നു. വീട്ടിൽ നിന്നു പുറത്തു കടക്കാൻ ശ്രമിച്ച പെൺകുട്ടിയെ അങ്കിതിൻ്റെ അച്ഛൻ മകൻ്റെ മുറിയിലേയ്ക്ക് തള്ളി മുറി പൂട്ടുകയായിരുന്നു. ഇവിടെ വെച്ച് പെൺകുട്ടി പീഡനത്തിന് ഇരയായെന്നാണ് പോലീസിനെ ഉദ്ധരിച്ചുള്ള ന്യൂസ് 18 റിപ്പോര്‍ട്ട്.

തുടര്‍ന്ന് അടുത്ത ദിവസവും അങ്കിത് കുട്ടിയുടെ ചേച്ചിയെ വീട്ടുജോലികള്‍ക്ക് എന്ന പേരിൽ വീട്ടിലേയ്ക്ക് വിളിക്കുകയായിരുന്നു. പെൺകുട്ടി വീട്ടിലെത്തിയപ്പോള്‍ അനുജത്തിയുടെ ദൃശ്യങ്ങള്‍ കാണിച്ചു ഭീഷണിപ്പെടുത്തുകയും തന്നോടൊപ്പം ലൈംഗികബന്ധത്തിൽ ഏര്‍പ്പെടാൻ നിര്‍ബന്ധിക്കുകയും ചെയ്തു. തുടര്‍ന്ന് പെൺകുട്ടി യുവാവിൻ്റെ ആവശ്യത്തിനു വഴങ്ങുകയായിരുന്നു. തുടര്‍ന്ന് പലവട്ടം പീഡനം ആവര്‍ത്തിക്കുകയും ചെയ്തു. ആദ്യമൊക്കെ സംഭവം രഹസ്യമാക്കി വെച്ചെങ്കിലും പീഡനം തുടര്‍ക്കഥയായതോടെ പ്രതിയുടെ ഉപദ്രവത്തെപ്പറ്റി കുട്ടികള്‍ കുടുംബത്തെ അറിയിക്കുകയായിരുന്നു.

Also Read: സംഘടനാ തെരഞ്ഞെടുപ്പ് തിരിച്ചടിയുണ്ടാക്കും; ജോസഫിൻ്റെ ഫോർമുല ‘കുരുക്ക്’? പുതിയ നീക്കവുമായി ഫ്രാൻസിസ് ജോർജ് വിഭാഗം

ഇതോടെ കുടുംബം പരാതിയുമായി മഹാരാജ്പുര പോലീസ് സ്റ്റേഷനിലെത്തുകയായിരുന്നു. പോക്സോ നിയമപ്രകാരം അങ്കിത് ജാദവിനും അച്ഛനുമെതിരെ പോലീസ് കേസെടുത്തു. എന്നാൽ മുഖ്യപ്രതിയെ അറസ്റ്റ് ചെയ്യാനായി എത്തിയ പോലീസിനെ അച്ഛൻ തടഞ്ഞതായും ആരോപണമുണ്ട്. ഇയാള്‍ ഇപ്പോള്‍ ഒളിവിലാണ്.