അത്തരം ആഹാരങ്ങള്‍ എന്തെല്ലാമെന്ന് നോക്കാം. കുട്ടികളായാലും മുതിര്‍ന്നവരായാലും ഈ മഴക്കാലത്ത് ഈ സാധനങ്ങള്‍ ആഹാരത്തില്‍ ചേര്‍ത്ത് കഴിക്കുകയാണെങ്കില്‍ അത് നല്ല ആരോഗ്യം നിലനിര്‍ത്താന്‍ സഹായിക്കുന്നതാണ്.
പഴങ്ങള്‍
മഴക്കാലത്ത് നല്ല പഴങ്ങള്‍ ലഭ്യമാണ്. നിങ്ങള്‍ക്ക് ഫ്രഷായി കിട്ടുന്ന ഏത് പഴങ്ങള്‍ വേണമെങ്കിലും നിങ്ങള്‍ക്ക് ആവോളം കഴിക്കാവുന്നതാണ്. അതിന്റെ കൂടെ വിറ്റമിന്‍ സി അടങ്ങിയ ഓറഞ്ച്, കിവി, ബെറീസ് എന്നിവയും കഴിക്കുന്നത് നല്ലതാണ്. ഇവ നിങ്ങളുടെ രോഗപ്രതിരോധശേഷി വര്‍ദ്ധിപ്പിക്കാന്‍ വളരെയധികം സഹായിക്കുന്നുണ്ട്.
മഴക്കാലത്താണ് രോഗപ്രതിരോധശേഷി പലര്‍ക്കും നഷ്ടപ്പെടുന്നത്. ഇത്തരത്തില്‍ രോഗപ്രതിരോധശേഷി നഷ്ടപ്പെട്ടാല്‍ വളരെപെട്ടെന്ന് തന്നെ പലതരത്തിലുള്ള അസുഖങ്ങള്‍ വരാന്‍ ഇത് കാരണമാകുന്നു. രോഗങ്ങളെ അകറ്റി നിര്‍ത്താനും നല്ല ആരോഗ്യം നിലനിര്‍ത്താനും
മഴക്കാല രോഗപ്രതിരോധശേഷി വര്‍ദ്ധിപ്പിക്കാന്‍
മഴക്കാലത്ത് നെയ്യുടെ ഉപയോഗങ്ങൾ എന്തൊക്കെ
പച്ചക്കറികള്‍
പലര്‍ക്കും പച്ചക്കറികള്‍ കഴികാന്‍ മടിയാണ്. എന്നാല്‍, നല്ലപോലെ പച്ചക്കറികള്‍ ആഹാരത്തില്‍ ഒരു നേരമെങ്കിലും ചേര്‍ത്ത് കഴിക്കുന്നത് നല്ല ആരോഗ്യം വളര്‍ത്തി എടുക്കാന്‍ സഹായിക്കുന്നതാണ്.
നല്ല പാവയ്ക്ക, കുമ്പളങ്ങ, അതുപോലെ, നല്ല ഇലക്കറികള്‍ എന്നിവയെല്ലാം ഒരു നേരമെങ്കിലും ആഹാരത്തില്‍ ചേര്‍ത്ത് കഴിച്ചാല്‍ തന്നെ നല്ല ആരോഗ്യം ഈ മഴക്കാലത്ത് നിങ്ങള്‍ക്ക് സ്വന്തമാക്കാന്‍ സാധിക്കുന്നതാണ്. അതുപോലെ, ബീറ്റ്‌റൂട്ട്, ക്യാരറ്റ് എന്നിവയും കറിവെച്ച് കഴിക്കാന്‍ മറക്കരുത്.
ഹെര്‍ബല്‍ ടീ
നമ്മള്‍ക്ക് വീട്ടില്‍ തന്നെ തയ്യാറാക്കാവുന്ന ഹെര്‍ബല്‍ ടീ, നിരവധി ആരോഗ്യ ഗുണങ്ങളാണ് നല്‍കുന്നത്. ഇഞ്ചി, തുളസി, നാരങ്ങ നീര് എന്നിവയെല്ലാം ചേര്‍ത്ത് തയ്യാറാക്കി എടുക്കുന്ന ഹെര്‍ബല്‍ ടീ രോഗപ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നുണ്ട്. അതുപോലെ തന്നെ, ശരീരത്തിന് നല്ല ചൂട് നല്‍കാനും ഇത് സഹായിക്കുന്നുണ്ട്.
പലവിധത്തിലുള്ള ചേരുവകള്‍ ചേര്‍ത്ത് ഹെര്‍ബല്‍ ടീ തയ്യാറാക്കാവുന്നതാണ്. ചിലര്‍ തുളസി മാത്രം ഇട്ട് ഹെര്‍ബല്‍ ടീ തയ്യാറാക്കും. ചിലര്‍ കറുവാപ്പട്ട ചേര്‍ക്കും. ചിലര്‍ ഇഞ്ചിയും ഏലക്കായയും ചിലപ്പോള്‍ കുരുമുളകും ചേര്‍ക്കും. ചിലര്‍ ശംഖുപുഷ്പം ചേര്‍ത്ത് ചായ തയ്യാറാക്കി കുടിക്കാറുണ്ട്. ഇത്തരത്തില്‍ കുടിക്കുന്നത് രോഗപ്രതിരോധശേഷി വര്‍ദ്ധിപ്പിക്കുന്നു.
പ്രോബയോട്ടിക് ഫുഡ്
പലരും മഴക്കാലത്ത് തൈര്, മോര് എന്നീ ആഹാരങ്ങള്‍ ഒഴിവാക്കുന്നത് കാണാം. എന്നാല്‍, മിതമായ അളവില്‍ ഇവയും നമ്മളുടെ ശരീരത്തിനകത്ത് എത്തേണ്ടത് അനിവാര്യമായിട്ടുള്ള കാര്യമാണ്. അതിനാല്‍ തൈര്, മോര് എന്നിവ ആഹാരത്തില്‍ ചേര്‍ത്ത് കഴിക്കുന്നത് നല്ലതാണ്.
ചിലര്‍ക്ക് തൈര് അലര്‍ജി ആയിരിക്കും. ഇത്തരത്തില്‍ എന്തെങ്കിലും ആരോഗ്യ പ്രശ്‌നങ്ങള്‍ ഉള്ളവര്‍ മാത്രം തൈര് ഉപയോഗിക്കാതിരിക്കാന്‍ ശ്രദ്ധിക്കുക.
വെള്ളം
പലരും മഴക്കാലത്ത് വെള്ളം കുടിക്കാന്‍ മടി കാണിക്കുന്നത് കാണാം. പ്രത്യേകിച്ച് കുട്ടികള്‍. എന്നാല്‍, നമ്മളുടെ ശരീരത്തിലേയ്ക്ക് വേണ്ടത്ര അളവില്‍ വെള്ളം എത്തേണ്ടത് അനിവാര്യമാണ്. സാധാ നല്ലപോലെ തിളപ്പിച്ചാറിയ വെള്ളം തന്നെ ഇതിനായി തിരഞ്ഞെടുക്കാന്‍ ശ്രദ്ധിക്കുന്നത് നല്ലതാണ്.
ശരീരത്തില്‍ രോഗപ്രതിരോധശേഷി നിലനിര്‍ത്തണമെങ്കില്‍ വെള്ളം സ്ഥിരമായി നല്ല അളവില്‍ തന്നെ അകത്തേയ്ക്ക് എത്തണം. അതിനാല്‍, ചായ, കാപ്പി എന്നിവ കൂടാതെ, നല്ല വെള്ളവും കുടിക്കാന്‍ ശ്രദ്ധിക്കുക.
സൂപ്പ്
മഴക്കാലത്ത് എല്ലായ്‌പ്പോഴും നല്ല ഹെവി ആയിട്ടുള്ള ആഹാരങ്ങള്‍ കഴിക്കുന്നതിനേക്കാള്‍ എന്തുകൊണ്ടും ലൈറ്റ് ആയിട്ടുള്ള ആഹാരങ്ങള്‍ കഴിക്കുന്നതാണ് നല്ലത്. ഇത്തരത്തില്‍ മഴക്കാലത്ത് പതിവാക്കാന്‍ പറ്റുന്ന ഒരു ആഹാരമാണ് സൂപ്പ്.
നിങ്ങള്‍ക്ക് ഇഷ്ടമുള്ള ആഹാരസാധനങ്ങള്‍ ചേര്‍ത്ത് സൂപ്പ് തയ്യാറാക്കാവുന്നതാണ്. സൂപ്പ് ശരീരത്തിന് ചൂട് നല്‍കുകയും, അതുപോലെ, ദഹനം കൃത്യമായി നടക്കുന്നതിന് സഹായിക്കുകയും ചെയ്യുന്നു.
