ദീർഘനേരം ജോലി ചെയ്യുന്നത് ഹൃദയാഘാതത്തിന് കാരണമാകുമോ?

ദൈർഘ്യമേറിയ ജോലി സമയം എന്നത് പലപ്പോഴും എത്രയാണെന്നതിൽ കൃത്യമായൊരു ധാരണയില്ല.
എന്നാൽ ആഴ്ചയിൽ 55 മണിക്കൂറിലധികം ജോലി ദൈർഘ്യം സാധാരണയായി ദൈർഘ്യമേറിയതായി കണക്കാക്കുന്നു. കൂടാതെ, രാത്രിയിൽ ജോലി ചെയ്യുന്നതിനെ പകൽ ഷിഫ്റ്റ് ജോലിയുമായി സാമ്യതപ്പെടുത്താൻ സാധിക്കില്ല. ഇതുവരെ നടത്തിയ പഠനങ്ങൾ കാണിക്കുന്നത് ഒരാൾ കൂടുതൽ നേരം ജോലി ചെയ്താൽ ഹൃദയസംബന്ധമായ അസുഖങ്ങൾ ഉണ്ടാകാനുള്ള സാധ്യത നേരിയ തോതിൽ വർധിക്കുമെന്നാണ്. 750,000 ആളുകൾ ഉൾപ്പെട്ട ഒരു സമീപകാല മെറ്റാ അനാലിസിസിൽ കൂടുതൽ നേരം ജോലി ചെയ്യുന്നവർക്ക് ഹൃദയാഘാത സാധ്യത 12% കൂടുതലാണെന്ന് പറയുന്നുണ്ട്.

അതേസമയം, ന്യൂസിലൻഡ് ജനസംഖ്യയിൽ നിന്നുള്ള ഡാറ്റ, ഹൃദ്രോഗ സാധ്യത വർദ്ധിപ്പിക്കുന്ന നീണ്ട ജോലി സമയവും ഉദാസീനമായ ജോലിയും തമ്മിൽ യാതൊരു ബന്ധവുമില്ലെന്ന് വെളിപ്പെടുത്തി. എന്നാൽ 150,000 ആളുകളെ ഉൾപ്പെടുത്തി നടത്തിയ ഈ പഠനം രാത്രി ഷിഫ്റ്റിലും അതുപോലെ അമിത ശബ്ദം നിറഞ്ഞ അന്തരീക്ഷത്തിലും ജോലി ചെയ്യുന്നവ‍ർക്ക് ഹൃദയ സംബന്ധമായ പ്രശ്നങ്ങൾ ഉണ്ടാകാനുള്ള സാധ്യത കൂടുതലാണെന്ന് പറയുന്നു.

ആഴ്ചയിൽ 55 മണിക്കൂറിലധികം ജോലി ചെയ്യുന്നത് മസ്തിഷ്കാഘാതത്തിനുള്ള സാധ്യത 35% ഉം ഹൃദയാഘാത സാധ്യത 17% ഉം വർദ്ധിപ്പിക്കുന്നുവെന്ന് 2016-ലെ ഒരു പഠനത്തെ ഉദ്ധരിച്ച് ലോകാരോഗ്യ സംഘടന (WHO) പറയുന്നുണ്ട്. എന്നാൽ ഈ വ്യക്തികളിൽ മറ്റ് ഹൃദയ അപകട ഘടകങ്ങളുടെ അനുബന്ധ സാന്നിധ്യം തെളിയിക്കാൻ സാധിച്ചിട്ടില്ല. പുരുഷന്മാരും മധ്യവയസ്കരും പ്രായമായ തൊഴിലാളികളിലും ജോലിയുമായി ബന്ധപ്പെട്ട രോഗഭാരം വികസിപ്പിച്ചെടുക്കാനുള്ള അപകട സാധ്യത കൂടുതലാണെന്ന് പറയുന്നു.

Also Read: ബിപി ഉള്ളവർ ഇടയ്ക്കിടെ അത് പരിശോധിക്കേണ്ട ആവശ്യമുണ്ടോ?

45-നും 74-നും ഇടയിലുള്ള പ്രായത്തിൽ ആളുകൾ ആഴ്ചയിൽ 55 മണിക്കൂറോ അതിൽ കൂടുതലോ ജോലി ചെയ്യുമ്പോൾ 60 മുതൽ 79 വയസ് പ്രായമെത്തുമ്പോൾ ഹൃദയാഘാതം സംഭവിക്കാനുള്ള സാധ്യത കണ്ടെത്തിയിട്ടുണ്ട്. ജോലി സംബന്ധമായ രോഗ ഭാരത്തിന്റെ മൂന്നിലൊന്നിന് ഉത്തരവാദി ദീർഘനേരം ജോലി ചെയ്യുന്നതാണെന്ന് ലോകാരോഗ്യ സംഘടന അംഗീകരിച്ചിട്ടുണ്ട്. ഇത് താരതമ്യേന പുതിയതും കൂടുതൽ മാനസിക-സാമൂഹിക തൊഴിൽ അപകട ഘടകത്തിനെക്കുറിച്ച് ചിന്തിക്കാൻ മനുഷ്യനെ പ്രേരിപ്പിക്കുന്നു.

ഓഫീസിൽ നിന്ന് വീട്ടിലേക്ക് ജോലി സ്ഥലം മാറിയതോടെ ജോലിയുടെ ദൈർഘ്യത്തിലും വലിയ മാറ്റമാണ് സംഭവിച്ചിരിക്കുന്നത്. ആളുകളുടെ വിശ്വാസത്തിന് വിരുദ്ധമായി വീട്ടിലിരുന്ന് ജോലി ചെയ്യുന്നത് ജോലിയുടെ സമയവും അതുപോലെ സമ്മർദ്ദം ഉയരാനുമുള്ള കാരണമായാണ് ഞാൻ നിരീക്ഷിക്കുന്നതെന്ന് ഡോക്ടർ പറയുന്നു. ടീം ലീഡർമാർ അധിക ജോലികൾ നൽകുകയും സഹപ്രവർത്തകരോട് ഉറക്കത്തിന്റെ താളം തെറ്റിച്ച് കൂടുതൽ സമയം ചെലവഴിക്കാൻ അഭ്യർത്ഥിക്കുകയും ചെയ്യുന്നതായും തോന്നിയിട്ടുണ്ട്. ഇത് പ്രമേഹം, രക്തസമ്മർദ്ദം, ഉയർന്ന ലിപിഡ് അളവ് തുടങ്ങിയ ജീവിതശൈലി ക്രമക്കേടുകളുടെ എണ്ണം വർദ്ധിക്കുന്നതിലേക്ക് നയിക്കുന്നു. അധിക ജോലി ഭാരം വന്നതോടെ ഹൃദ്രോഗത്തിനുള്ള ശക്തമായ അപകടസാധ്യത ഘടകങ്ങളായ ഈ രോഗങ്ങളുടെ വർധനവ് കൂടുകയും ഹൃദയ രോഗങ്ങൾ കാരണമുള്ള മരണങ്ങൾ വർധിക്കുകയും ചെയ്യുന്നു.

Also Read: പ്രമേഹവും ബിപിയും ഉള്ളവർക്ക് കഴിക്കാൻ പറ്റിയ ചില പ്രഭാത ഭക്ഷണങ്ങൾ

ദൈർഘ്യമേറിയ ജോലി സമയവും (ആഴ്ചയിൽ 55 മണിക്കൂറും) ഹൃദയാഘാത സാധ്യതയും തമ്മിലുള്ള ബന്ധം ചെറുതാണെങ്കിലും സ്ഥിരതയുള്ളതാണ്. രാത്രി ഷിഫ്റ്റിലും അധിക ശബ്ദമുള്ള അന്തരീക്ഷത്തിൽ ജോലി ചെയ്യുന്നതും തീർച്ചയായും ഹൃദയ സംബന്ധമായ പ്രശ്‌നങ്ങളുടെ സാധ്യത വർദ്ധിപ്പിക്കും. ജോലിയുമായി ബന്ധപ്പെട്ട ഭാരത്തിന്റെ അപകടസാധ്യത വളരെ പിന്നീട് ജീവിതത്തിൽ പ്രകടമാകുന്നു, മാത്രമല്ല നീണ്ട ജോലി സമയം ഏറ്റെടുക്കുന്ന സമയത്തേക്ക് ഇത് പരിമിതപ്പെടില്ല. ലോകത്തിന്റെയും കുടുംബങ്ങളുടെയും നിലവിലെ സാമ്പത്തിക സാഹചര്യത്തിൽ ദൈർഘ്യമേറിയ ജോലി സമയം ഒഴിച്ചുകൂടാനാവാത്തതായി മാറിയിരിക്കുകയാണ്.

ജോലികളുടെ ശരിയായ മുൻഗണന, ആസൂത്രണം, ആനുകാലിക സമ്മർദ്ദം കുറയ്ക്കൽ എന്നിവ ആശ്വാസത്തിന് അത്യന്താപേക്ഷിതമാണ്. ഉയർന്ന രക്തത്തിലെ പഞ്ചസാര, ഉയർന്ന രക്തസമ്മർദ്ദം, ലിപിഡ് അളവ് തുടങ്ങിയ ഹൃദയ സംബന്ധമായ അസുഖങ്ങൾക്കുള്ള പരമ്പരാഗത അപകട ഘടകങ്ങളുടെ ആനുകാലിക നിരീക്ഷണവും ചികിത്സയും ജീവിതത്തിന്റെ പിന്നീടുള്ള ഘട്ടത്തിൽ ഹൃദ്രോഗം വികസിപ്പിക്കുന്നതിനുള്ള അപകടസാധ്യതകൾ ഇല്ലാതാക്കാൻ സഹായിക്കുന്നു.

English Summary: Long hour duty and cardiovascular diseases

കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക.