ആശ്രിതരില്ലാതെ വിദേശത്ത് നിന്ന് ഉംറക്കെത്തുന്നവരുടെ പ്രായപരിധി നിശ്ചയിച്ച് ഹജ്ജ് -ഉംറ മന്ത്രാലയം

Also Read: ബിഗ് ടിക്കറ്റ് വാരാന്ത്യ നറുക്കെടുപ്പിലെ 2 ഭാഗ്യശാലികൾ ഇതുവരെ എത്തിയിട്ടില്ല; കാത്തിരിക്കുന്നത് 2 ലക്ഷം ദിർഹം
വിസ ലഭിച്ച ശേഷം തീർഥാടകർ സൗദിയിലേയ്ക്ക് വരുന്നതിന് മുമ്പ് തന്നെ നുസുക് ആപ്ലിക്കേഷൻ വഴി ഉംറക്കും റൗദ ശരീഫിൽ നമസ്‌കാരത്തിനും ബുക്ക് ചെയ്യണം. ഉംറക്ക് അനുമതി ലഭിച്ച് ആറ് മണിക്കൂറിനുള്ളിൽ സൗദിയിൽ പ്രവേശിക്കണം. യാത്രാ ഷെഡ്യൂളുകളിൽ മാറ്റം വരികയാണെങ്കിൽ ബുക്കിങ് കാൻസൽ ചെയ്യണം. പിന്നീട് സമയത്തിന് അനുസരിച്ച് വീണ്ടും ബുക്ക്ചെയ്യാം. തീർഥാടകർ സൗദിയിൽ എത്തുന്നതിന് 24 മണിക്കൂർ സ്വീകരിക്കേണ്ട ഒരുക്കങ്ങൾ എല്ലാം ഉംറ കമ്പനികൾ പൂർത്തിയാക്കണം. വിമാനത്താവളങ്ങളിൽ നിന്ന് അവരെ കൊണ്ടുപോകാനുള്ള യാത്ര സൗകര്യം എല്ലാം ഒരുക്കണം.

വിവിധ സമയത്താണ് അവർ സൗദിയിൽ എത്തുന്നതെങ്കിൽ അവരെ സ്വീകരിക്കാൻ ആവശ്യമായ സൗകര്യങ്ങൾ ഒരുക്കണം. കരാർ പ്രകാരമുള്ള സേവനങ്ങൾ അവസാനിച്ചാൽ തീർഥാടകരുടെ യാത്രയും മറ്റു സേവനങ്ങളും കൊണ്ടുവന്ന കമ്പനികളുടെ ഉത്തരവാദിത്തത്തിലായിരിക്കും. വിസ കാലാവധി അവസാനിക്കുന്നതിന് മുമ്പ് തീർഥാടകരെ മടക്കയാത്രയ്ക്ക് ഒരുക്കണം. ഗ്രൂപ്പുകളെ ഒരു നേതാവിന് കീഴിൽ ഒന്നിച്ച് ഉംറ കർമത്തിന് വേണ്ടി കൊണ്ടുപോകണം. തീർഥാടകരെ കൊണ്ടുപോകുന്ന ബസിന്റെ ഡ്രൈവർക്ക് എല്ലാവരുടെ പേരു വിവരങ്ങൾ നൽകണം. സൗദിയിലേക്ക് ഉംറക്കായി വരുമ്പോൾ എന്തൊല്ലാം വസ്തുക്കൾ കൊണ്ടുവരണം എന്ന് വ്യക്തമായ നിർദേശം നൽകണം. തീർഥാടകർ സൗദിയിലുള്ളപ്പോൾ അവർക്കാവശ്യമായ സേവനങ്ങൾ കമ്പനികൾ ആണ് ചെയ്തു കൊടുക്കേണ്ടി വരുന്നത്.

Read Latest Gulf News and Malayalam News