ഈ മൂന്ന് പാനീയങ്ങൾ കുടിച്ചാൽ രക്തസമ്മർദ്ദം എളുപ്പത്തിൽ കുറയ്ക്കാം

രക്തസമ്മർദ്ദം

വളരെ സാധാരണമായ ഒരു രോഗമാണ് ഉയർന്ന രക്തസമ്മർദ്ദം. രക്തസമ്മർദ്ദം ഉയർന്നാലും കുറഞ്ഞാലും പല ആരോഗ്യ പ്രശ്നങ്ങൾ ഉണ്ടാകുമെന്ന് എല്ലാവർക്കുമറിയാം. ഇത് മാറ്റാൻ മരുന്ന് കഴിക്കേണ്ടത് വളരെ പ്രധാനമാണെങ്കിലും രക്തസമ്മർദ്ദം കുറയ്ക്കാൻ വീട്ടിൽ തന്നെ ചെയ്യാൻ കഴിയുന്ന ചില പരിഹാര മാർഗങ്ങളുണ്ട്. രക്തസമ്മർദ്ദം കുറയ്ക്കാൻ വീട്ടിൽ തന്നെ തയാറാക്കാൻ കഴിയുന്ന ചില പാനീയങ്ങളെക്കുറിച്ച് ന്യൂട്രീഷ്യനിസ്റ്റ് ലവനീത് ബാത്ര പറയുന്ന പാനീയങ്ങളെക്കുറിച്ച് നോക്കാം.

വെറും വയറ്റിൽ വെള്ളം കുടിച്ചാൽ കിട്ടുന്ന ഗുണങ്ങൾ

ബീറ്റ്റൂട്ട്- തക്കാളി ജ്യൂസ്

നൈട്രേറ്റ് ധാരാളമായി അടങ്ങിയിരിക്കുന്നതാണ് ബീറ്റ്റൂട്ട്. നൈട്രേറ്റ് നിങ്ങളുടെ ശരീരത്തിൽ നൈട്രിക് ഓക്സൈഡ് ഉത്പാദിപ്പിക്കാനും എൻഡോതെലിയൽ പ്രവർത്തനം ഒപ്റ്റിമൈസ് ചെയ്യാനും രക്തസമ്മർദ്ദം കുറയ്ക്കാനും സഹായിക്കുന്നു. ഫ്രീ റാഡിക്കലുകളെ നിയന്ത്രിക്കുകയും സിസ്റ്റോളിക്, ഡയസ്റ്റോളിക് രക്തസമ്മർദ്ദം മെച്ചപ്പെടുത്തുകയും ചെയ്യുന്ന ആന്റിഓക്‌സിഡന്റുകളാൽ നിറഞ്ഞതാണ് തക്കാളി. അതുകൊണ്ട് തന്നെ ഇത് രണ്ടും കൊളസ്ട്രോൾ നിയന്ത്രിക്കാൻ ഏറെ മികച്ചതാണ്.

ഇൻസ്റ്റഗ്രാമിൻ്റെ പൂർണരൂപം

മല്ലി വെള്ളം

ശരീരത്തിന രോഗ പ്രതിരോധ ശേഷി നൽകാൻ കഴിവുള്ളതാണ് മല്ലി വെള്ളം. ആൻ്റി ഓക്സിഡൻ്റുകളാൽ സമ്പുഷ്ടമായത് കൊണ്ട് തന്നെ ശരീരത്തിലെ ഫ്രീ റാഡിക്കലുകളെ അകറ്റി രോഗങ്ങളെ തടയാൻ സഹായിക്കും. കൊളസ്ട്രോളും പ്രമേഹവും പോലുള്ള പ്രശ്നങ്ങളെ നിയന്ത്രിക്കാൻ ഏറെ നല്ലതാണ് മല്ലി വെള്ളം. അതുകൊണ്ട് തന്നെ ഹൃദയാരോഗ്യത്തെ സംരക്ഷിക്കാനും മല്ലി വെള്ളം കുടിക്കുന്നത് സഹായിക്കും. 10 മുതൽ 15 മില്ലി ഗ്രാം മല്ലി എടുത്ത് രണ്ട് ലിറ്റർ വെള്ളത്തിൽ നന്നായി തിളപ്പിച്ച് എടുത്ത് ഇത് കുടിക്കാവുന്നതാണ്. ശരീരത്തിലെ അമിത സോഡിയവും വെള്ളവും പുറന്തള്ളാൻ ഇത് ഏറെ നല്ലതാണ്.

നെല്ലിക്ക – ഇഞ്ചി ജ്യൂസ്

ഓക്സിഡേറ്റീവ് സ്ട്രെസ് കുറയ്ക്കുകയും രക്താതിമർദ്ദം ഉണ്ടാകുന്നത് തടയുകയും ചെയ്യുന്നതിൽ ഏറെ നല്ലതാണ് നെല്ലിക്ക. ഇതിന് നിരവധി ആരോ​ഗ്യ ​ഗുണങ്ങളുണ്ട്. അതേസമയം, ഇഞ്ചി, വാസോഡിലേഷൻ പ്രോത്സാഹിപ്പിക്കുന്നു, അതായത് രക്തക്കുഴലുകൾ വിശാലമാക്കാൻ ഇഞ്ചി വളരെയധികം സഹായിക്കും. നെല്ലിക്കയും ഇഞ്ചിയും ചേ‍ർത്ത് അരച്ച് എടുക്കുന്ന ജ്യൂസ് കുടിക്കുന്നത് രക്തസമ്മ‍ർദ്ദം കുറയ്ക്കാൻ ഏറെ നല്ലതാണ്.

English Summary: Blood pressure reducing drinks

Disclaimer: പൊതു വിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. ആരോഗ്യ പ്രശ്നങ്ങൾ ഉള്ളവർ ഡോക്ടറുടെ ഉപദേശം സ്വീകരിക്കുക.

​കൂടുതൽ ആരോഗ്യ വാർത്തകൾ വായിക്കാൻ ഇവിടെ ക്ലിക്ക് ചെയ്യുക. ​