‘ദര്‍ബേ ഗുജേ’ എന്ന ഹ്രസ്വചിത്രത്തിലൂടെ ശ്രദ്ധേയനായ ജിഷ്ണു ശ്രീകണ്ഠന്‍ സംവിധാനം ചെയ്യുന്ന ‘പിടികിട്ടാപ്പുള്ളി’യുടെ ഫസ്റ്റ് ലുക്ക് പോസ്റ്റര്‍ പുറത്തിറക്കി. ശ്രീഗോകുലം സിനിമ നിര്‍മിക്കുന്ന ചിത്രത്തില്‍ സണ്ണി വെയ്ന്‍ ആണ് നായകന്‍. നായിക അഹാന കൃഷ്ണ. മറീന മൈക്കിള്‍, അനൂപ്, മേജര്‍ രവി എന്നിവര്‍ പ്രധാന വേഷത്തിലെത്തുന്നു.
ഒരൊറ്റ രാത്രിയില്‍ നടക്കുന്ന സംഭവങ്ങളാണ് ചിത്രത്തിന്റെ ഇതിവൃത്തം. കോമഡി ത്രില്ലര്‍ വിഭാഗത്തിലുള്‍പ്പെടുന്ന ചിത്രം ഒടിടി വഴിയാണ് റിലീസ് ചെയ്യുക. സുമേഷ് വി റോബിന്‍ തിരക്കഥയെഴുതുന്ന ചിത്രത്തില്‍ പി എസ് ജയഹരിയാണ് സംഗീതം. വിനായക് ശശികുമാര്‍, മനു മന്‍ജിത്ത് എന്നിവരുടേതാണ് വരികള്‍. ക്യാമറ: അജോയ് സാമുവല്‍.
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
