കർണാടകയിൽ വിവരാവകാശ പ്രവർത്തകനെ കൊലപ്പെടുത്തി; മറ്റൊരാളുടെ കയ്യും കാലും വെട്ടിമാറ്റി

ബെംഗളൂരു: കർണാടകയിൽ വിവരവകാശ പ്രവർത്തകനെ കൊലപ്പെടുത്തി. ബെല്ലാരി സ്വദേശി ശ്രീധറാണ് (40) കൊല്ലപ്പെട്ടത്. മറ്റൊരു സംഭവത്തിൽ രാമനഗര തവരക്കര സ്വദേശിയായ വെങ്കിടേഷ് (43) എന്നയാളുടെ കയ്യും കാലും വെട്ടിമാറ്റി. സംഭവങ്ങളിൽ അന്വേഷണം ആരംഭിച്ചതായി പോലീസ് വ്യക്തമാക്കി. വ്യാഴാഴ്ചയാണ് രണ്ട് സംഭവങ്ങളുമുണ്ടായത്.



സ്വന്തം ഉപയോഗത്തിനും കൂട്ടുകാർക്കും നൽകാൻ കഞ്ചാവ് വളർത്തി; അമ്പലപ്പുഴയിൽ യുവാവ് പിടിയിൽ

കഴിഞ്ഞ ദിവസം വൈകിട്ടാണ് ഒരു സംഘമാളുകൾ ശ്രീധറിനെ കൊലപ്പെടുത്തിയത്. പരിസ്ഥിതി സംബന്ധമായ വിഷയങ്ങളിൽ ഇടപെടുകയും ആവശ്യങ്ങൾ ഉന്നയിക്കുകയും ചെയ്തിരുന്ന ശ്രീധറിനെ അജ്ഞാത സംഘം ക്രൂരമായി മർദ്ദിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ ഇയാളെ ആശുപത്രിയിൽ എത്തിച്ചെങ്കിലും മരണം സംഭവിച്ചു. ഒരു എം‌എൽ‌എയുടെ അനുയായികളിൽ നിന്ന് ശ്രീധറിന് തുടർച്ചയായി ഭീഷണി ലഭിച്ചിരുന്നതായി അദ്ദേഹത്തിൻ്റെ സഹോദരി വ്യക്തമാക്കി.

ശ്രീധറിനോട് ശത്രുതയുള്ളവരാകാം കൊലപാതകം നടത്തിയതെന്നും സംഭവത്തിൽ അന്വേഷണം തുടരുകയാണെന്നും ഹരപ്പനഹള്ളി ഡിവൈഎസ്പി വ്യക്തമാക്കി. പ്രതികൾക്കായി തെരച്ചിൽ ആരംഭിച്ചെന്നും അദ്ദേഹം പറഞ്ഞു. ബൈക്കിലെത്തിയ സംഘം കൃഷിയിടത്ത് വെച്ചാണ് വെങ്കിടേഷിനെ ആക്രമിച്ചത്.

കുളിക്കുന്ന ദൃശ്യം വാട്സാപ്പിലിടുമെന്ന് ഭീഷണി; 16കാരിയെയും ചേച്ചിയെയും പീഡിപ്പിച്ച് യുവാവ്; കൂട്ടുനിന്ന് അച്ഛൻ

മർദ്ദിച്ച് അവശനാക്കിയ ശേഷം വെങ്കിടേഷിൻ്റെ വലത് കാലും കയ്യും അക്രമികൾ വെട്ടിമാറ്റുകയായിരുന്നു. രക്തം വാർന്ന നിലയിൽ കണ്ടെത്തിയ വെങ്കിടേഷിനെ സമീപവാസികൾ ആശുപതിയിൽ എത്തിച്ചു. സർക്കാർ പദ്ധതികളുടെ വിവരങ്ങൾ ശേഖരിക്കുകയും അഴിമതി വിവരങ്ങൾ പങ്കുവയ്ക്കുകയും ചെയ്തിരുന്ന ആക്ടിവിസ്റ്റ് കൂടിയായിരുന്നു വെങ്കിടേഷ്. അന്വേഷണം ആരംഭിച്ചെന്നും പ്രതികളെക്കുറിച്ചുള്ള വിവരങ്ങൾ ലഭ്യമായെന്നും പോലീസ് പറഞ്ഞു.