ഓണ കിറ്റിൽ നെയ്യും കശുവണ്ടിപ്പരിപ്പും ഏലക്കായും; കിറ്റിൽ 17 ഇനങ്ങൾ

തിരുവനന്തപുരം: ഓണ കിറ്റൽ നെയ്യും കശുവണ്ടിപ്പരിപ്പും ഏലക്കായും ഉൾപ്പെടുത്തി സർക്കാർ. ധനമന്ത്രി കെഎൻ ബാലഗോപാലാണ് ഇക്കാര്യം അറിയിച്ചത്. മുഖ്യമന്ത്രിയും ഭക്ഷ്യ മന്ത്രിയും ധനമന്ത്രിയും പങ്കെടുത്ത യോഗത്തിലാണ് ഇക്കാര്യം തീരുമാനിച്ചതെന്ന് അദ്ദേഹം വ്യക്തമാക്കി.



കൂടുതൽ കടകൾ തുറക്കും; ഇളവുകൾ വിശദീകരിച്ച് മുഖ്യമന്ത്രി, ആരാധനാലയങ്ങളിൽ 40 പേർക്ക് അനുമതി

“കർഷകർക്കും ഉൽപാദകർക്കും വ്യവസായികൾക്കും ഈ നടപടി വലിയ സഹായമാകും. ടൺ കണക്കിന് ഉൽപ്പന്നങ്ങൾ വിറ്റഴിക്കപ്പെടും. തൊഴിലാളികൾക്ക് കൂടുതൽ ജോലി ലഭിക്കുകയും വിപണിയിലെ വിലയിടിവ് ഇല്ലാതാകുകയും ചെയ്യും.” മന്ത്രി പറഞ്ഞു.

ന്യൂനപക്ഷ സ്കോളർഷിപ്പ്: ആർക്കും കുറവില്ലാതെ അർഹതപ്പെട്ടവർക്ക് കൊടുക്കുന്നതിൽ എന്താണ് പ്രശ്നമെന്ന് മുഖ്യമന്ത്രി

സംസ്ഥാനത്തെ മുഴുവൻ റേഷൻ കാർഡ് ഉടമകൾക്കും 17 ഇനങ്ങൾ അടങ്ങിയ ഭക്ഷ്യ കിറ്റാണ് ലഭിക്കുക. സേമിയ ( 18 രൂപയുടെ ഒരു കവർ), മിഠായി ( 20 എണ്ണം ഒരു രൂപ വീതം വിലയുള്ളത്), ഗോതമ്പ് നുറുക്ക് / ആട്ട ( ഒരു കിലോ, വില 43 രൂപ), വെളിച്ചെണ്ണ/ തവിടെണ്ണ ( അരലിറ്റർ 106 രൂപ)

പഞ്ചസാര (ഒരു കിലോ ,വില 39 രൂപ), തേയില (100 ഗ്രാം 26.50 രുപ), സാമ്പാർ പൊടി ( 100 ഗ്രാം 28 രൂപ), മുളക് പൊടി ( 100 ഗ്രാം വില 25 രൂപ), മല്ലിപ്പൊടി (100 ഗ്രാം വില 17 രൂപ), മഞ്ഞൾപ്പൊടി (100 ഗ്രാം വില 18 രൂപ), ചെറുപയർ/ വൻപയർ (അരക്കിലോ 44 രൂപ), ശബരി വാഷിങ് സോപ്പ് ( 22 രൂപ വിലയുള്ളത് ഒന്ന്), ശബരി ബാത്ത് സോപ്പ് ( 21 രൂപ വിലയുള്ളത് ഒന്ന്), ഇവ കൊണ്ടുപോകാനുള്ള 12 രൂപ വിലയുള്ള തുണി സഞ്ചി എന്നിവയടങ്ങുന്നതാണ് കിറ്റ്.