ഹൈലൈറ്റ്:
- ജൂലൈ 31 വരെ ഇത്തിഹാദ് എയര്‍വെയ്‌സ് ഇന്ത്യ-യുഎഇ സർവീസ് നടത്തില്ല.
- യാത്രാ വിലക്ക് ജുലൈ 31 നു ശേഷവും തുടര്‍ന്നേക്കാം.
- ഇതോടെ ഇന്ത്യന്‍ പ്രവാസികള്‍ നിരാശയിൽ.
ജൂലൈ 21 ഓടെ ഇന്ത്യയില്‍ നിന്നുള്ള യാത്രാ വിലക്ക് നീക്കുമെന്ന് ഇത്തിഹാദ് എയര്‍വെയ്‌സ് ഉള്‍പ്പെടെയുള്ള വിമാന കമ്പനികളും യുഎഇ ജനറല്‍ സിവില്‍ ഏവിയേഷന്‍ അതോറിറ്റി അധികൃതരും നേരത്തേ അറിയിച്ചിരുന്നു. എന്നാല്‍ ഈ മാസം ഇത്തിഹാദ് സര്‍വീസ് ഉണ്ടാകില്ലെന്ന് ഇതോടെ വ്യക്തമായി. ഇന്ത്യയ്ക്കു പുറമെ, പാകിസ്താന്‍, ബംഗ്ലാദേശ് തുടങ്ങിയ രാജ്യങ്ങളില്‍ നിന്നുള്ള വിമാന സര്‍വീസുകളും ജൂലൈ 31 വരെ പുനരാരംഭിക്കില്ല. ചിലപ്പോള്‍ യാത്രാ വിലക്ക് ജുലൈ 31 നു ശേഷവും തുടര്‍ന്നേക്കാമെന്നും ഇത്തിഹാദ് എയര്‍വെയ്‌സ് അറിയിച്ചു.
ബലി പെരുന്നാള്‍ ആഘോഷം; ആരോഗ്യ ജാഗ്രതാ മുന്നറിയിപ്പുമായി യുഎഇ
ഇന്ത്യയില്‍ കൊവിഡ് വ്യാപനം രൂക്ഷമായതിനെ തുടര്‍ന്ന് ഏപ്രില്‍ 24 നാണ് യുഎഇ ഇന്ത്യയില്‍ നിന്നുള്ളവര്‍ക്ക് യാത്രാ വിലക്ക് ഏര്‍പ്പെടുത്തിയത്. ജൂണ്‍ 23 ന് ദുബായിലേക്ക് സര്‍വീസ് പുനരാരംഭിക്കുമെന്ന് ദുബായ് സര്‍ക്കാരിൻ്റെ നിയന്ത്രണത്തിലുള്ള എമിറേറ്റ്‌സ് എയര്‍ലൈന്‍സ് അറിയിച്ചിരുന്നുവെങ്കിലും പിന്നീട് ജൂലൈ ഏഴിലേക്കും 15 ലേക്കും അവസാനമായി 21 ലേക്കും മാറ്റുകയായിരുന്നു. അതേസമയം യുഎഇ പൗരന്മാര്‍, യുഎഇ ഗോള്‍ഡന്‍ വിസ ഉള്ളവര്‍, നയതന്ത്ര പ്രതിനിധികള്‍ തുടങ്ങിയവരെ വിലക്കില്‍ നിന്ന് ഒഴിവാക്കിയിട്ടുണ്ട്.
350 കോടി നിക്ഷേപമെത്തിയ ഇന്ത്യൻ സ്റ്റാർട്ടപ്പിന് യുഎഇ സർക്കാരിന്‍റെ അംഗീകാരം
അതിനിടെ ഇന്ത്യയില്‍ നിന്നുള്ള യാത്രക്കാര്‍ക്ക് ഏര്‍പ്പെടുത്തിയ വിലക്ക് യുഎഇ നീക്കുമെന്ന പ്രതീക്ഷയില്‍ ഏതാനും വിമാനക്കമ്പനികള്‍ ടിക്കറ്റ് ബുക്കിംഗ് ആരംഭിച്ചിരുന്നു. എന്നാല്‍ യാത്ര എന്ന് ആരംഭിക്കുമെന്ന് ട്രാവല്‍ ഏജന്‍സികള്‍ യാത്രക്കാര്‍ക്ക് ഉറപ്പു നല്‍കിയിട്ടില്ല. നിലവില്‍ 17,000 മുതല്‍ 18,000 വരെ രൂപയാണ് കൊച്ചി-ദുബായ് ടിക്കറ്റ് നിരക്ക്. അതേസമയം യുഎഇ വ്യോമയാന മന്ത്രാലയത്തില്‍ നിന്ന് യാത്രയുമായി ബന്ധപ്പെട്ട് ഉറപ്പുകളൊന്നും ലഭിച്ചിട്ടില്ലെന്ന് എയര്‍ ഇന്ത്യ എക്സ്പ്രസ് അധികൃതര്‍ വ്യക്തമാക്കി. യുഎഇയിലേക്കുള്ള ടിക്കറ്റ് ബുക്കിംഗ് ആരംഭിച്ചതായി ഇന്‍ഡിഗോ എയര്‍ലൈന്‍സും അറിയിച്ചു.
മൂന്ന് ദിവസത്തേക്ക് കോവിഡ് പിടിക്കില്ലേ സര്‍ക്കാരേ?
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക് പേജ് ലൈക്ക് ചെയ്യൂ
Web Title : etihad airways informs they will not operate flights from india to uae until 31st july
Malayalam News from malayalam.samayam.com, TIL Network
