മുംബൈയിൽ കനത്ത മഴ; മതിൽ തകർന്ന് 11 മരണം, രക്ഷാപ്രവർത്തനം തുടരുന്നു

മുംബൈ: കനത്ത മഴയെ തുടർന്ന് മഹാരാഷ്ട്രയിൽ മതിൽ തകർന്ന് വീണ് 11 പേർ മരിച്ചു. മണ്ണിടിച്ചിലിനെത്തുടർന്ന് ചെമ്പൂരിലെ ഭാരത് നഗർ പ്രദേശത്താണ് അപകടമുണ്ടായത്. 11പേർ മരിച്ചതായി ദേശീയ ദുരന്ത നിവാരണ സേനയെ (എൻ‌ഡി‌ആർ‌എഫ്) ഉദ്ധരിച്ച് വാർത്താ ഏജൻസിയായ എഎൻഐ റിപ്പോർട്ട് ചെയ്തു.



സുപ്രീം കോടതി നടപടികൾ വൈകാതെ ജനങ്ങൾക്ക് കാണാൻ സാധിക്കുമെന്ന് ചീഫ് ജസ്റ്റിസ്

ഭാരത് നഗർ പ്രദേശത്ത് നിന്ന് 15 പേരെയും സൂര്യനഗറിൽ നിന്ന് 9 പേരെയും രക്ഷപ്പെടുത്തിയെന്ന് അധികൃതർ അറിയിച്ചു. പരിക്കേറ്റവരെ നഗരത്തിലെ വിവിധ ആശുപത്രികളിൽ പ്രവേശിപ്പിച്ചു. കൂടുതൽ പേർ അപകടത്തിൽ അകപ്പെട്ടിട്ടുണ്ടോ എന്ന പരിശോധന തുടരുകയാണ്.

മഹാരാഷ്ട്രയിലെ വിവിധ ഭാഗങ്ങൾ ശക്തമായ മഴ തുടരുകയാണ്. മുംബൈ നഗരത്തിൽ രാത്രി എട്ടിനും പുലർച്ചെ രണ്ട് നും ഇടയിൽ 156.94 മില്ലിമീറ്റർ മഴ രേഖപ്പെടുത്തി. കിഴക്കൻ പ്രാന്തപ്രദേശങ്ങളിൽ യഥാക്രമം 143.14 മില്ലിമീറ്ററും പടിഞ്ഞാറൻ 125.37 മില്ലിമീറ്ററും രേഖപ്പെടുത്തി.

ആരാണ് ഡാനിഷ് സിദ്ദിഖിയുടെ മരണം ആഘോഷിക്കുന്നത്?

മുംബൈയിലെ ചെമ്പൂർ, വിക്രോളി പ്രദേശങ്ങളിലാണ് അപകടമുണ്ടായത്. ശനിയാഴ്ച ഉച്ചയ്ക്ക് ശേഷം ആരംഭിച്ച മഴ ഞായറാഴ്ച രാവിലെയും തുടരുകയാണ്. മുംബൈയുടെ താഴ്ന്ന പ്രദേശങ്ങളായ ചുനഭട്ടി, സിയോൺ, ദാദർ, ഗാന്ധി മാർക്കറ്റ്, ചെമ്പൂർ, കുർള എൽബിഎസ് റോഡ് എന്നിവിടങ്ങളിൽ വെള്ളം നിറഞ്ഞ അവസ്ഥയിലാണ്. വീടുകളിലടക്കം വെള്ളം കയറിയതോടെ ആളുകളെ ഒഴിപ്പിച്ചു. മെട്രോ സ്റ്റേഷനിലടക്കം വെള്ളം കയറി.