ഇന്ന് മുതൽ നിയന്ത്രണങ്ങളില്ല; അറിയാം പുതിയ നിർദേശങ്ങൾ, മൂന്ന് ദിവസത്തേക്ക് ലോക്ക്ഡൗണിൽ ഇളവ്

തിരുവനന്തപുരം: കൊവിഡ്-19 ആശങ്കയ്ക്കിടെ ബക്രീദ് പ്രമാണിച്ച് സംസ്ഥാനത്ത് മൂന്ന് ദിവസത്തേക്ക് പ്രഖ്യാപിച്ച ലോക്ക്ഡൗൺ ഇളവുകൾ ഇന്ന് മുതൽ ആരംഭിച്ചു. ഞായർ, തിങ്കൾ, ചൊവ്വാ ദിവസങ്ങളിലാണ് ഇളവുകൾ നൽകിയിരിക്കുന്നത്. നിയന്ത്രണങ്ങളിൽ ഇളവുകൾ ലഭ്യമായെങ്കിലും ജാഗ്രത കൈവിടാതിരിക്കാൻ പൊതുജനങ്ങൾ ശ്രദ്ധിക്കണമെന്ന് അധികൃതർ വ്യക്തമാക്കി.



ബക്രീദ് ഇളവ്; 24 മണിക്കൂറും നിരീക്ഷണം; തിരക്ക് നിയന്ത്രിക്കാൻ പോലീസ് മേധാവിയുടെ നിർദ്ദേശം

ഇന്ന് മദ്യശാലകൾ തുറക്കുമെന്ന വാർത്തകൾ കഴിഞ്ഞ ദിവസം പുറത്തുവന്നിരുന്നു. എന്നാൽ സംസ്ഥാനത്തെ മദ്യശാലകൾ ഇന്ന് തുറന്ന് പ്രവർത്തിക്കില്ലെന്ന് ബെവ്കോ അറിയിച്ചു. സർക്കാർ ശനിയാഴ്ച പുറത്തിറക്കിയ ഉത്തരവിൽ മദ്യശാലകൾ തുറക്കുന്നതിൽ പരാമർശം നടത്തിയിട്ടില്ല. ഈ സാഹചര്യത്തിലാണ് ബെവ്കോ നിലപാട് വ്യക്തമാക്കിയത്.

എ, ബി, സി വിഭാഗങ്ങൾ ഉൾപ്പെടുന്ന മേഖലകളിലാണ് ഇന്ന് മുതൽ കൂടുതൽ ഇളവുകൾ അനുവദിക്കുക. ട്രിപ്പിൾ ലോക്ക്ഡൗൺ ഉള്ള ഡി വിഭാഗത്തിൽ ഇളവുകൾ ഉണ്ടാകില്ല. നിയന്ത്രണങ്ങളിൽ ഇളവ് ലഭ്യമായ എ, ബി, സി മേഖലകളിലെ പലചരക്ക്, പഴം, പച്ചക്കറി, മീൻ, ഇറച്ചി, ബേക്കറി എന്നീ ആവശ്യ വസ്തുക്കൾ വിൽക്കുന്ന കടകൾക്ക് തുറന്ന് പ്രവർത്തിക്കാം. തുണിക്കട, ചെരുപ്പ് കട, ഇലക്ട്രോണിക് ഷോപ്പുകൾ, ഫാൻസി ഷോപ്പുകൾ സ്വർണക്കട എന്നിവയ്ക്കും തുറന്ന് പ്രവർത്തിക്കാൻ അനുവാദം നൽകിയിട്ടുണ്ട്. രാത്രി എട്ട് മണിവരെയാണ് ഈ കടകൾക്ക് പ്രവർത്തനാനുമതി ഉണ്ടായിരിക്കുക.

സംസ്ഥാനത്ത് അഞ്ച് പേർക്ക് കൂടി സിക്ക വൈറസ് സ്ഥിരീകരിച്ചു; ആകെ രോഗികളുടെ എണ്ണം 35

കൊവിഡ് പ്രോട്ടോക്കോൾ പാലിച്ച് രാവിലെ ഏഴ് മുതല്‍ രാത്രി എട്ട് മണിവരെ കടകൾക്ക് തുറന്ന് പ്രവര്‍ത്തിക്കാം. അതേസമയം, ഡി കാറ്റഗറിയിൽ വരുന്ന പ്രദേശങ്ങളിൽ ആവശ്യവസ്തുക്കൾ വിൽക്കുന്ന കടകൾക്ക് മാത്രമാണ് പ്രവർത്തനാനുമതിയുള്ളത്. ടെസ്റ്റ് പോസിറ്റിവിറ്റി 15 ശതമാനത്തിന് മുകളിലുള്ള തദ്ദേശ സ്ഥാപനങ്ങളാണ് ഡി കാറ്റഗറിയിലുള്ളത്.