കൊവിഷീൽഡ് സ്വീകരിച്ചവർക്ക് ഈ 15 രാജ്യങ്ങളിലേക്ക് പറക്കാം; വാക്സിന് അംഗീകാരം നൽകി യൂറോപ്യൻ രാജ്യങ്ങൾ

ന്യൂഡൽഹി: സെറം ഇൻസ്റ്റിറ്റ്യൂട്ടിൻ്റെ കൊവിഡ്-19 പ്രതിരോധ വാക്സിനായ കൊവിഷീൽഡിന് അംഗീകാരം നൽകി 15 യൂറോപ്യൻ രാജ്യങ്ങൾ. സെറം ഇന്‍സ്റ്റിറ്റ്യൂട്ട് സിഇഒ അദാര്‍ പൂനവാലയാണ് ഇക്കാര്യം വ്യക്തമാക്കിയത്. ഇതോടെ കൊവിഷീൽഡിൻ്റെ രണ്ട് ഡോസും സ്വീകരിച്ചവർക്ക് 15 രാജ്യങ്ങളിലേക്ക് പ്രവേശിക്കാൻ സാധിക്കും.



മുംബൈയിൽ കനത്ത മഴ; മതിൽ തകർന്ന് 11 മരണം, രക്ഷാപ്രവർത്തനം തുടരുന്നു

യൂറോപ്യൻ യൂണിയനിലെ 27 രാജ്യങ്ങളിൽ ജർമ്മനിയടക്കമുള്ള 15 രാജ്യങ്ങളിലാണ് കൊവിഷീൽഡ് വാക്സിന് അനുമതി ലഭിച്ചിരിക്കുന്നത്. ഓസ്ട്രിയ, ബെൽജിയം, ബൾഗേറിയ, ഫിൻലാൻഡ്, ജർമ്മനി, ഗ്രീസ്, ഹംഗറി, ഐസ്‌ലാന്റ്, അയർലൻഡ്, ലാറ്റ്വിയ, മാൾട്ട, നെതർലാന്റ്സ്, സ്ലൊവേനിയ, സ്‌പെയിൻ, സ്വീഡൻ, സ്വിറ്റ്‌സർലൻഡ് എന്നീ രാജ്യങ്ങളാണ് വാക്സിന് അനുമതി നൽകിയിരിക്കുന്നത്. ഗുണനിലവാരം തിരിച്ചറിഞ്ഞാണ് യൂറോപ്യൻ യൂണിയനിലെ കൂടുതൽ രാജ്യങ്ങൾ കൊവിഷീൽഡിന് അനുമതി നൽകിയതെന്ന് പൂനവാല വ്യക്തമാക്കി.

വാക്സിന് അംഗീകാരം നൽകണമെന്ന് ആവശ്യപ്പെട്ട് ഒരു ഘട്ടത്തിലും കമ്പനി അപേക്ഷ നൽകിയിരുന്നില്ല. കൊവിഷീൽഡ് മികച്ച ഫലം നൽകുന്നതാണെന്ന് ലോകാരോഗ്യ സംഘടന അംഗീകരിച്ച സാഹചര്യത്തിലാണ് യൂറോപ്യൻ രാജ്യങ്ങളും അമേരിക്കയും കൊവിഷീൽഡ് അംഗീകരിച്ചത്. യൂറോപ്യൻ യൂണിയനിലെ 27 രാജ്യങ്ങളിൽ 17 രാജ്യങ്ങൾ കൊവിഷീൽഡിന് ഇതിനകം തന്നെ അംഗീകാരം നൽകിയിട്ടുണ്ടെന്ന് പൂനവാല പറഞ്ഞു.

സുപ്രീം കോടതി നടപടികൾ വൈകാതെ ജനങ്ങൾക്ക് കാണാൻ സാധിക്കുമെന്ന് ചീഫ് ജസ്റ്റിസ്

വാക്സിന് അംഗീകാരം ആവശ്യപ്പെട്ട് സെറം ഇൻസ്റ്റിറ്റ്യൂട്ടിൻ്റെ ഭാഗത്ത് നിന്നും അപേക്ഷകളൊന്നും ലഭ്യമായിട്ടില്ലെന്ന് യൂറാപ്യന്‍ മെഡിസിന്‍സ് ഏജന്‍സി മുൻപ് വ്യക്തമാക്കിയിരുന്നു. 15 രാജ്യങ്ങൾ കൊവിഷീൽഡിന് അംഗീകാരം നൽകിയത് ഇന്ത്യയിൽ നിന്നുള്ള യാത്രക്കാർക്കും വിദ്യാർഥികൾക്കും നേട്ടമാകും. അതേസമയം, ഇറ്റലി, ഫ്രാൻസ് എന്നീ രാജ്യങ്ങൾ വാക്സിന് ഇതുവരെ അംഗീകാരം നൽകിയിട്ടില്ല. വാക്സിന് അംഗീകാരം നൽകണമെന്ന അഭ്യർഥിക്കുന്ന തരത്തിലുള്ള അപേക്ഷകൾ നൽകില്ലെന്നാണ് കമ്പനി വ്യക്തമാക്കുന്നത്.