ഏറ്റവും പുതിയ കണക്കുകള്‍പ്രകാരം ഒമാനിൽ 1,784,736 പ്രവാസികളാണ് ഉള്ളത്. 44,236 സര്‍ക്കാര്‍ സ്ഥാപനങ്ങളിലും 14,06,925 പേര്‍ സ്വകാര്യ മേഖലയിൽ ജോലി ചെയ്യുന്നവർ ആണ്. ഇവരെ ഉൾപ്പെടുത്തിയാണ് പുതിയ ആരോഗ്യ ഇൻഷുറന്‍സ് നിയമം ഒമാൻ കൊണ്ടുവന്നിരിക്കുന്നത്.
ധ്യാനിന്റെ ‘ജയിലർ’ ട്രെയിലറെത്തി
Also Read: 
3 ഡി പ്രിന്റിങ് സാങ്കേതിക വിദ്യ ഉപയോഗിച്ച് വില്ല നിർമിക്കാൻ തയ്യാറെടുത്ത് ദുബായ്
ഇൻഷൂറൻസ് വിവിധ വിഭാഗങ്ങൾ ആക്കി തരംതിരിച്ചിട്ടുണ്ട്. ഒറ്റത്തവണ നഷ്ടപരിഹാരം, വൈകല്യ പെന്‍ഷനുകള്‍, അലവന്‍സുകള്‍ തുടങ്ങിയവയും ഇതില്‍ ഉൾപ്പെടുന്നു. നിലവിൽ സർക്കാർ ജീവനക്കാരായ പ്രവാസികൾക്കും അവരുടെ ആശ്രിതർക്കും ചികിത്സ ലഭ്യമാണ്. ഒമാനിലുള്ള സ്വകാര്യ മേഖലയിൽ പല കമ്പനികളും തങ്ങളുടെ ജീവനക്കാർക്ക് ആരോഗ്യ ഇൻഷുറൻസ് നൽകില്ല. പുതിയ ഉത്തരവ് വരുന്നതോടെ ഇവർക്കുകൂടി ആരോഗ്യപരിരക്ഷ ലഭിക്കും.
അതേസമയം, പ്രകൃതിദുരന്തങ്ങളെക്കുറിച്ച് മൊബൈലിലൂടെ മുന്നറിയിപ്പ് നൽകുന്ന പരീക്ഷണസേവനങ്ങൾ അടുത്ത ആഴ്ച തെക്ക്-വടക്ക് ബാത്തിന ഗവർണറേറ്റുകളിൽ നടപ്പിലാക്കും. സിവിൽ ഏവിയേഷൻ അതോറിറ്റിയുടെയും ടെലികമ്യൂണിക്കേഷൻ സേവനദാതാക്കളുടെയും സഹകരണത്തോടെയാണ് പുതിയ തീരുമാനം നടപ്പിലാക്കുന്നത്. തിങ്കൾ, ചൊവ്വ ദിവസങ്ങളിലായിരിക്കും പരീക്ഷണ പ്രവർത്തനങ്ങൾ നടക്കുക. ലഭിക്കുന്ന സന്ദശങ്ങൾ എല്ലാം വേഗത്തിൽ നടപ്പിലാക്കുക എന്നതാണ് പദ്ധതിയിലൂടെ ലക്ഷ്യം വെക്കുന്നത്.
തെക്കൻ ശർഖിയ, മസ്‌കത്ത്, ദോഫാർ തുടങ്ങിയ ഗവർണറേറ്റുകളിൽ മാസങ്ങൾക്കുമുമ്പ് ഇത്തരത്തിലുള്ള പരീക്ഷണങ്ങൾ നടത്തിയിരുന്നു. ഇതിന്റെ തുടർച്ചയാണ് ബാത്തിന മേഖലയിലെ പ്രവർത്തനങ്ങൾ. മുന്നറിയിപ്പ് സന്ദേശത്തിന്റെ ഉള്ളടക്കത്തിലെ ലിങ്കിൽ ക്ലിക്കുചെയ്ത്, സന്ദേശം വരിക്കാരന് എത്തിയെന്ന് സ്ഥിരീകരണം നൽകണം. നിലവിൽ ഒമാൻടെൽ, ഉരീദോ വരിക്കാർക്കാണ് സന്ദേശം ലഭിക്കുക. വോഡഫോൺ ഈ സംവിധാനം വികസിപ്പിക്കാനുള്ള ശ്രമം നടന്നു കൊണ്ടിരിക്കുകയായിരുന്നു.
പൊതുജന സുരക്ഷയും അടിയന്തര സാഹചര്യങ്ങളെ നേരിടാനുള്ള തയ്യാറെടുപ്പുകൾ ശക്തമാക്കുന്നതിന്റെ ഭാഗമാണ് ഇത്തരത്തിലൊരു തീരുമാനത്തിൽ എത്തിയിരിക്കുന്നത്. അറബി, ഇംഗ്ലീഷ്, ഹിന്ദി, ഉർദു തുടങ്ങിയ 4 ഭാഷകളിൽ ആയിരിക്കും സന്ദേശങ്ങൾ എത്തുക, ടെലികമ്യൂണിക്കേഷൻ സേവനദാതാക്കളുടെയും സഹകരണത്തോടെയാണ് മൊബൈൽ ഫോണുകളിൽ ആയിരിക്കും സന്ദേശങ്ങൾ എത്തുക. ജനങ്ങൽക്ക് ഇതുമായി ബന്ധപ്പെട്ട് ബോധവത്കരണം നൽകിയിട്ടുണ്ട്. മുന്നറിയിപ്പ് ഏതു പ്രദേശത്താണോ ലക്ഷ്യംവെക്കുന്നത് അവിടത്തെ ആളുകളിലേക്ക് സന്ദേശം എത്തിക്കാൻ പുതിയ ബ്രോഡ്കാസ്റ്റ് സേവനം സഹായിക്കും. എങ്ങനെ ഈ സംവിധാനം ആക്ടിവേറ്റ് ചെയ്യണം എന്നതിന്റെ രീതിയെക്കുറിച്ചുള്ള വിഡിയോയും അധികൃതർ പുറത്തിറക്കിയിരുന്നു.
Read Latest Gulf News and Malayalam News
