ആരോഗ്യത്തിന് ഹാനികരമാണോ?
വാ തുറന്ന് ഉറങ്ങുന്നത് ആരോഗ്യത്തിന് ഹാനികരമാണോ എന്നാണ് പലർക്കും സംശയം. ഇത് വായുടെ ആരോഗ്യത്തിനെയും അതുപോലെ ശരീരത്തിനും പല തരത്തിലുള്ള പ്രശ്നങ്ങൾക്ക് കാരണമാകുന്നു. ഹൃദ്രോഗത്തിന് പോലും ഇത് കാരണമാകാറുണ്ട്. രോഗികൾ വായിലൂടെ ശ്വസിക്കുമ്പോൾ, അത് വായിലെ ഉമിനീർ വരണ്ടതാക്കുന്നു. വായുടെ ആരോഗ്യത്തിന് ഉമിനീർ അത്യന്താപേക്ഷിതമാണ്. ദന്തക്ഷയം മാറ്റാൻ സഹായിക്കുന്ന ധാതുക്കൾ ഇതിൽ അടങ്ങിയിരിക്കുന്നു, ഇത് അറ ഉണ്ടാക്കുന്ന ബാക്ടീരിയകളെ ചെറുക്കാൻ സഹായിക്കുന്നു.
നല്ല ഉറക്കം കിട്ടാൻ കഴിക്കേണ്ട ഭക്ഷണങ്ങൾ
നല്ല ഉറക്കം കിട്ടാൻ കഴിക്കേണ്ട ഭക്ഷണങ്ങൾ
വായിലൂടെ ശ്വസിക്കുന്നതിൻ്റെ കാരണങ്ങൾ
അഡിനോയിഡുകൾ – വായയുടെ മുകളിൽ മൂക്കിന് പിന്നിലും ചെറിയ ടിഷ്യു പിണ്ഡങ്ങൾ പോലെ കാണപ്പെടുന്ന ഗ്രന്ഥികളാണ് അഡിനോയിഡുകൾ. അഡിനോയിഡുകൾ ചെറിയ കുട്ടികളെ ബാക്ടീരിയകളിൽ നിന്നും വൈറസുകളിൽ നിന്നും സംരക്ഷിക്കുന്നു. ചില സമയങ്ങളിൽ, അഡിനോയിഡുകൾ വീർത്തതോ അണുബാധയോ ആയിത്തീരുന്നു, ഇത് കുട്ടികളുടെ ശ്വാസനാളത്തെ തടയുന്നു. അഡിനോയിഡുകൾ സാധാരണയായി പ്രായത്തിനനുസരിച്ച് ചുരുങ്ങുന്നു, അതിനാൽ വലുതായ അഡിനോയിഡുകൾ മുതിർന്നവരിൽ വായിലൂടെ ശ്വസിക്കാൻ സാധ്യത കുറവാണ്.
മുക്കിലെ കഫം – അലർജി, ജലദോഷം അല്ലെങ്കിൽ വിട്ടുമാറാത്ത സൈനസൈറ്റിസ് എന്നിവ ഉണ്ടെങ്കിൽ, മൂക്കിലൂടെ ശ്വസിക്കുന്നത് തടയുന്ന സ്ഥിരമായ മൂക്ക് പ്രശ്നങ്ങൾ ഉണ്ടാകാം.
സെപ്റ്റത്തിലെ മാറ്റം – മുക്കിനെ രണ്ടായി തിരിക്കുന്നതാണ് സെപ്റ്റം. അവിടെ ഉണ്ടാകുന്ന മാറ്റങ്ങളും ഇത്തരം പ്രശ്നങ്ങളുണ്ടാക്കാം.
പ്രധാന ലക്ഷണങ്ങൾ
രാത്രിയിൽ വാ തുറന്ന് ഉറങ്ങുന്നത് ശരിയല്ലാത്ത രീതിയിലുള്ള ശ്വസനത്തെ ആണ് സൂചിപ്പിക്കുന്നത്. അത് മാത്രമല്ല മറ്റ് എന്തെങ്കിലും ഗുരുതരമായ ആരോഗ്യ പ്രശ്നങ്ങളുടെ ലക്ഷണം കൂടിയാണിത്. വായുടെ ശുചിത്വത്തിനെയും ഇത്തരത്തിൽ ഉറങ്ങുന്നത് ബാധിച്ചേക്കാം. കുട്ടികളിലും മുതിർന്നവരിലും ലക്ഷണങ്ങൾ വ്യത്യസ്തമായ രീതിയിലായിരിക്കും കാണപ്പെടുന്നത്. പല്ലിലെ പ്രശ്നങ്ങൾ, വായ് നാറ്റം എന്നിവയെല്ലാം വായിലൂടെ ശ്വസിക്കുന്നതിന് കാരണമാകുന്നു.
എങ്ങനെ ഈ പ്രശ്നത്തെ മാറ്റാം?
രാത്രി ഭക്ഷണം കഴിച്ച ശേഷം വേഗത്തിൽ ഉറങ്ങാൻ പാടില്ല. കാരണം ഈ സമയത്ത് വയറ്റിലെ അസിഡുകൾ മൂക്കിലും വായിലുമെക്കെ വരാനുള്ള സാധ്യത കൂടുതലാണ്. ഉപ്പ് വെള്ളം ഉപയോഗിച്ച് മൂക്ക് കഴുകുന്നത് ഈ പ്രശ്നങ്ങൾ മാറ്റാൻ സഹായിക്കുന്നു. മൂക്കിന് മുകളിൽ സ്ട്രിപ് ഒട്ടിച്ച് ഉറങ്ങുന്നതും ഇത്തരം പ്രശ്നങ്ങൾ മാറ്റാൻ സഹായിക്കുന്നു. ഉള്ളിൽ നിന്ന് വായു സഞ്ചാരം വിശാലമാക്കുന്ന നാസൽ എക്സ്റ്റൻഷനുകളാണ് ആശ്വാസം നൽകുന്നത്.
