Also Read : 80 ലക്ഷത്തിന്റെ ഭാഗ്യവാനെ അറിയാം; കാരുണ്യാ ലോട്ടറി ഫലം പുറത്ത്
കഴിഞ്ഞ ദിവസം സംസ്ഥാനത്തിന്റെ വിവിധ ഭാഗങ്ങളിൽ ഐഎഎസ് ഉദ്യോഗസ്ഥയുടേയും കോൺഗ്രസ് നേതാക്കളുടെയും ചില വ്യവസായികളുടെയും ബന്ധപ്പെട്ട കേന്ദ്രങ്ങളിൽ ഇഡി പരിശോധന നടത്തിയിരുന്നു. ഇതിനുപിന്നാലെയാണ് അറസ്റ്റുണ്ടായത്. റാനു സാഹുവിന്റെ വസതിയിൽ മൂന്നാം വട്ടമാണ് പരിശോധന നടക്കുന്നത്.
ഐഎഎസ് ഉദ്യോഗസ്ഥയുടേയും മറ്റുള്ളവരുടേയും വസതികളിൽ നടത്തിയ പരിശോധനകളിൽ സ്വത്തുക്കളും കണ്ടുകെട്ടിയിട്ടുണ്ട്. 51.40 കോടി രൂപ വിലമതിക്കുന്ന 90 സ്ഥാവര സ്വത്തുക്കൾ, ആഡംബര വാഹനങ്ങൾ, ആഭരണങ്ങൾ, പണം എന്നിവ ഇഡി താൽകാലികമായി കണ്ടുകെട്ടിയതിൽ ഉൾപ്പെടുന്നു. ഇവരുടെ ഭർത്താവ് ഐഎഎസ് ജെപി മൗര്യയുമായി ബന്ധപ്പെട്ട സ്ഥലങ്ങളിലും റെയ്ഡ് നടന്നിട്ടുണ്ട്.
2010 ബാച്ച് ഐഎഎസ് ഉദ്യയോഗസ്ഥയായ റാനു സാഹു റായ്ഗഡ്യ, കോർബ ജില്ലകളിലെ കളക്ടറായിരുന്നു. വിവാദമായ കൽക്കരി ഖനികൾ ഈ രണ്ട് ജില്ലകളിലാണുള്ളത്.
നിലവിൽ വിവാദ കൽക്കരി കുംഭകോണക്കേസിൽ അറസ്റ്റിലാകുന്ന രണ്ടാമത്തെ ഐഎഎസ് ഉദ്യോഗസ്ഥയാണ് രാനു സാഹു. നേരത്തെ മറ്റൊരു ഐഎഎസ് ഉദ്യോഗസ്ഥനായ സമീർ വിഷ്ണോയിയെ അറസ്റ്റ് ചെയ്തിരുന്നു.
നിയമസഭാ തെരഞ്ഞെടുപ്പിന് മാസങ്ങൾ മാത്രം അവശേഷിക്കെ ഇഡിയുടെ ഈ നടപടി സംസ്ഥാനത്ത് എന്തെങ്കിലും രാഷ്ട്രീയ നീക്കങ്ങൾക്ക് ഇടവയ്ക്കുമോ എന്ന് കണ്ടറിയേണ്ടതുണ്ട്.
Read Latest National News and Malayalam News
