മഴക്കാലത്ത് മുടി സംരക്ഷിക്കാൻ ചില ഈസി ഹെയർ പായ്ക്കുകൾ

മുടി പൊട്ടി പോകുന്നതും അമിതമായി ഈർപ്പമുണ്ടാകുന്നതും തടയാൻ സഹായിക്കുന്ന ഹെയർ മാസ്കുകളാണിത്.

ഓരോ കാലാവസ്ഥയിലും മുടിയ്ക്ക് വ്യത്യസ്തമായ പല സംരക്ഷണവും നൽകേണ്ടത് ഏറെ പ്രധാനമാണ്. മുടി അഴകിൻ്റെ കാര്യത്തിൽ പ്രത്യേക ശ്രദ്ധ വേണം മുടിയ്ക്ക്. മുടി വളരാൻ മാത്രമല്ല, മുടിയിലെ ചൊറിച്ചിൽ, താരൻ തുടങ്ങി പല പ്രശ്നങ്ങളും ഇല്ലാതാക്കാൻ ഇത്തരം കാര്യങ്ങൾ ചെയ്യേണ്ടത് വളരെ പ്രധാനമാണ്. മഴക്കാലത്ത് മുടിയുടെ ഈർപ്പം കൂടുന്നത് സ്വാഭാവികമാണ്. അതുപോലെ മുടിയിൽ അഴുക്കും മറ്റും പറ്റി പിടിച്ചിരിക്കുന്നത് ഈ സമയത്തെ പ്രധാന പ്രശ്നമാണ്. എണ്ണമയം മാറ്റാൻ പല തരത്തിലുള്ള പരിഹാരങ്ങളാണ് പലരും ചെയ്യുന്നത്. എന്നാൽ മഴക്കാലത്ത് മുടിയിലെ ഈ ഈർപ്പം മാറ്റാൻ വീട്ടിൽ തന്നെ ചെയ്യാൻ കഴിയുന്ന ചില കാര്യങ്ങളുണ്ട്. മുടിയുടെ ഭംഗിയും അതുപോലെ മറ്റ് പ്രശ്നങ്ങളും മാറ്റാൻ വീട്ടിൽ തന്നെ ചെയ്യാൻ കഴിയുന്ന ഹെയർ മാസ്കുകളാണിവ.

തൈരും തേനും

മുടിയുടെ എല്ലാ പ്രശ്നങ്ങൾക്കുമുള്ള പരിഹാരം തൈരിലും തേനിലും അടങ്ങിയിട്ടുണ്ട്. മുടിയ്ക്ക് നല്ല മൃദുത്വവും അതുപോലെ തിളക്കവും നൽകാൻ ഈ പായ്ക്ക് സഹായിക്കും. അര കപ്പ് തൈരിൽ 2 ടേബിൾ സ്പൂൺ തേനും ചേർത്ത് യോജിപ്പിക്കുക. 20 മുതൽ 30 മിനിറ്റ് ഈ മിശ്രിതം തലയിൽ വച്ച ശേഷം കഴുകി വ്യത്തിയാക്കാം. മുടിയുടെ പല പ്രശ്നങ്ങളും ഇല്ലാതാക്കാനും അതുപോലെ മുടിയ്ക്ക് കൂടുതൽ മൃദുത്വവും തിളക്കവും നൽകാൻ ഏറെ നല്ലതാണ് തൈരും തേനും ചേർന്ന പായ്ക്ക്

മഴക്കാലത്തെ ഫാഷൻ ഇങ്ങനെയാകാം

പഴവും വെളിച്ചെണ്ണയും

വെളിച്ചെണ്ണ മുടിയുടെ ആരോഗ്യത്തിന് ഏറെ നല്ലതാണ്. മുടി വളരാൻ പണ്ട് കാലം മുതലെ എല്ലാവരും ഉപയോഗിച്ച് വരുന്നതാണ് വെളിച്ചെണ്ണ. അൽപ്പം വെളിച്ചെണ്ണ ചെറുതായി ചൂടാക്കി അതിലേക്ക് പഴുത്ത പഴം ഉടച്ച് ചേർക്കുക. ഈ മിശ്രിതം മുടിയിലും തലയോട്ടിയിലും നന്നായി തേച്ച് പിടിപ്പിക്കുക. 30 മിനിറ്റിന് ശേഷം മുടി നന്നായി കഴുകി വ്യത്തിയാക്കാം. വീര്യം കുറഞ്ഞ ഷാംപൂ ഉപയോഗിച്ച് മുടി കഴുകി വ്യത്തിയാക്കാവുന്നതാണ്. മഴക്കാലത്ത് മുടി വരണ്ട് പോകുന്നത് തടയാൻ ഈ ഹെയർ പായ്ക്ക് സഹായിക്കും.

കറ്റാർവാഴ

ചർമ്മത്തിൻ്റെയും മുടിയുടെയും പല പ്രശ്നങ്ങൾക്കുമുള്ള പരിഹാരം കറ്റാർവാഴയിൽ അടങ്ങിയിട്ടുണ്ട്. മുടികൊഴിച്ചിൽ, താരൻ, മുടി പൊട്ടി പോകുക തുടങ്ങി എല്ലാ പ്രശ്നങ്ങളും പരിഹരിക്കാൻ കറ്റാർവാഴ സഹായിക്കും. തലയോട്ടിയിൽ ഈർപ്പം നിലനിർത്താനും കറ്റാർവാഴ ഏറെ നല്ലതാണ്. മുടിയിലും തലയോട്ടിയിലും കറ്റാർവാഴയുടെ ജെൽ എടുത്ത് നന്നായി ഉടച്ച് തേയ്ക്കാവുന്നതാണ്. 30 മിനിറ്റ് വച്ച ശേഷം മുടി നന്നായി കഴുകി വ്യത്തിയാക്കാം. കറ്റാർവാഴയുടെ ഗുണങ്ങൾ ലഭിക്കാൻ വെറുതെ മുടിയിൽ തേയ്ക്കാവുന്നതാണ്.

നാരങ്ങ

ഒരു ടീ സ്പൂൺ നാരങ്ങ നീരും ഫ്രഷ് കറ്റാർവാഴ ജെല്ലും രണ്ടോ മൂന്നോ തുള്ളി ടീ ട്രീ ഓയിലും ചേർത്ത് യോജിപ്പിക്കുക. തലയോട്ടിയുടെയും മുടിയുടെയും പല പ്രശ്നങ്ങളും പരിഹരിക്കാനും ഈ പായ്ക്ക് ഏറെ നല്ലതാണ്. മുടിയ്ക്ക് ഈർപ്പം നൽകാൻ സഹായിക്കുന്നതാണ് കറ്റാർവാഴ. മുടിയ്ക്ക് തിളക്കവും ഭംഗിയും കൂട്ടാൻ ഏറെ സഹായിക്കും. അഴുക്ക് മാറ്റി തലമുടിയിലെ എണ്ണമയും കാത്തു സൂക്ഷിക്കാൻ നാരങ്ങ ഏറെ നല്ലതാണ്.

English Summary: Hair care during monsoon

Disclaimer: പൊതുവിവരങ്ങളുടെ അടിസ്ഥാനത്തിലാണ് ലേഖനം തയാറാക്കിയിരിക്കുന്നത്. പരീക്ഷിക്കുന്നതിന് മുൻപ് പാച്ച് ടെസ്റ്റ് ചെയ്യാൻ മറക്കരുത്.

കൂടുതൽ ബ്യൂട്ടി വാർത്തകൾ വായിക്കാൻ ഇവിടെ ക്ലിക്ക് ചെയ്യുക.

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക