Authored by Saritha PV | Samayam Malayalam | Updated: 22 Jul 2023, 11:33 pm
പല്ലിലുണ്ടാകുന്ന കറകളും മഞ്ഞ നിറവുമെല്ലാം ഒരു ചിരിയ്ക്കാന്‍ പോലും പലര്‍ക്കും വിലക്കുണ്ടാക്കുന്ന ഒന്നാണ്. ഇതിന് പരിഹാരമായി വീട്ടില്‍ തന്നെ ചെയ്യാവുന്ന ചില വഴികളുണ്ട്. ഇതെക്കുറിച്ചറിയൂ.
-
പല്ലിലെ കറ
ഇതിന് ഒരു കൂട്ട് തയ്യാറാക്കണം. ഇതിനായി വേണ്ടത് അരിപ്പൊടിയാണ്. അല്‍പം തരികളുള്ള അരിപ്പൊടിയാണ് വേണ്ടത്. ഇത് പല്ലിലെ കറ നീക്കാന്‍ സഹായിക്കും.
-
നാരങ്ങനീര്
ഇതില്‍ നാരങ്ങനീര് കൂടി ചേര്‍ക്കണം. അല്‍പം മാത്രം ചേര്‍ത്താല്‍ മതിയാകും. 2 ടീസ്പൂണ്‍ പൊടിയ്ക്ക് അര സ്പൂണ്‍ നാരങ്ങാനീര് മതിയാകും. ഇതിന് ബ്ലീച്ചിംഗ് ഇഫക്ടുണ്ട്.
-
ഒലീവ് ഓയില്‍
ഇതിലേയ്ക്ക് അല്‍പം ഒലീവ് ഓയില്‍ ചേര്‍ക്കണം. ഇതില്ലെങ്കില്‍ വെളിച്ചെണ്ണയെടുക്കാം. ഒലീവ് ഓയില്‍ പല്ല് സംരക്ഷിയ്ക്കാന്‍ നല്ലതാണ്. പല്ലിലെ കറുത്ത പാടുകളെ മാറ്റാനും ഒലീവ് ഓയില്‍ നല്ലതാണ്.
ഇതിലേയ്ക്ക് സാധാരണ ടൂത്ത് പേസ്റ്റ് ചേര്‍ക്കാം. ജെല്‍ ടൂത്ത്‌പേസ്റ്റിനേക്കാള്‍ സാധാരണ ടൂത്ത് പേസ്റ്റ് എടുക്കുക.
-
മിശ്രിതമാക്കണം
ഇതെല്ലാം ചേര്‍ത്ത് മിശ്രിതമാക്കണം. ഇതില്‍ ബ്രഷ്മുക്കി സാധാരണ രീതിയില്‍ ബ്രഷ് ചെയ്യാം. സോഫ്റ്റ് ബ്രഷ് ഉപയോഗിയ്ക്കുക. മുകളില്‍ നിന്നു താഴേയ്ക്കും താഴെ നിന്ന് മുകളിയേക്കും ഇത് തേയ്ക്കാം.
-
തേയില പൊടി
അടുത്തത് ഗ്രീന്‍ ടീ ഉപയോഗിച്ചുള്ള വഴിയാണ്. ഇതിന്റെ പൊടിയെടുക്കാം. ഇതല്ലെങ്കില്‍ സാധാരണ തേയിലപൊടി മതിയാകും. ഇതില്‍ അല്‍പം നാരങ്ങാനീര് ചേര്‍ക്കുക. ഇതിലേയ്ക്ക് പേസ്റ്റ് ചേര്‍ക്കാം. ഇത് വച്ച് പല്ല് തേയ്ക്കാം.
-
വെളുത്തുള്ളി
അടുത്തത് വെളുത്തുള്ളി വച്ചാണ്. ഇതിന്റെ തൊലി കളഞ്ഞ് ഗ്രേറ്ററില്‍ നല്ലതു പോലെ ഗ്രേറ്റ് ചെയ്യുക. ഇതിലേയ്ക്ക് തക്കാളി മുറിച്ച് ഇതിന്റെ നീരൊഴിയ്ക്കാം. തക്കാളി നീര് വായിലെ ബാക്ടീരിയ കളയാന്‍ നല്ലതാണ്. അല്‍പം ബേക്കിംഗ് സോഡ ചേര്‍ക്കാം. പിന്നീട് പേസ്റ്റ് കൂടി ചേര്‍ത്തിളക്കി ബ്രഷ് ചെയ്യാം.
