പൈലറ്റ് എത്തിയില്ല; തിരുവനന്തപുരത്തേക്കുള്ള എയർ ഇന്ത്യ വിമാനം 8 മണിക്കൂർ വൈകി

രണ്ടാം ദിവസമാണ് എയർ ഇന്ത്യ എക്സ്പ്രസ് വൈകുന്നത്. എട്ട് മണിക്കൂറിലേറെ വൈകിയതോടെ യാത്രാക്കാർ വിമാനത്താവളത്തിൽ പ്രതിഷേധിച്ചു. രാവിലെ ആറ് മണിയോടെയാണ് വിമാനം പുറപ്പെട്ടത്

ഹൈലൈറ്റ്:

എയർ ഇന്ത്യ വിമാനം വീണ്ടും വൈകി
ഡൽഹി – തിരുവനന്തപുരം വിമാനം വൈകിയത് 8 മണിക്കൂർ
പ്രതിഷേധിച്ച് യാത്രക്കാർ

ന്യൂഡൽഹി: തുടർച്ചയായ രണ്ടാം ദിവസവും എയർ ഇന്ത്യ വിമാനങ്ങൾ വൈകി. ഡൽഹിയിൽ നിന്ന് തിരുവനന്തപുരത്തേക്കുള്ള വിമാനം പൈലറ്റ് എത്താത്തതിനെ തുടർന്ന് എട്ട് മണിക്കൂറോളമാണ് വൈകിയത്. രാത്രി 9.45ന് പുറപ്പെടേണ്ട വിമാനം രാവിലെ ആറിനാണ് പുറപ്പെട്ടത്. വിമാനം വൈകിയതോടെ യാത്രക്കാർ വിമാനത്താവളത്തിൽ പ്രതിഷേധിക്കുകയും ചെയ്തു.

പൈലറ്റ് എത്താൻ വൈകിയതിനെത്തുടർന്നാണ് വിമാനം വൈകിയതെന്നാണ് റിപ്പോർട്ട്. ഇതോടെ വിവിധ രാജ്യങ്ങളിൽ നിന്നുൾപ്പെടെ എത്തിയ യാത്രക്കാർ വിമാനത്താവളത്തിൽ കുടുങ്ങി. പൈലറ്റില്ലെന്ന കാരണമായിരുന്നു അധികൃതർ യാത്രക്കാരോട് പറഞ്ഞത്. തുടർന്ന് എട്ട് മണിക്കൂറിന് ശേഷം രാവിലെ ആറ് മണിയോടെയാണ് യാത്രക്കാരെ വിമാനത്തിൽ കയറ്റിയത്.

Also Read : പുതുപ്പള്ളിയിലെ 8 പഞ്ചായത്തുകളിൽ ആറും എൽഡിഎഫിനൊപ്പം; ഉമ്മൻ ചാണ്ടിയില്ലാതെ കോൺഗ്രസ്; ഉപതെരഞ്ഞെടുപ്പിൽ എന്താകും ഫലം?

പ്രതികളെ കണ്ടെത്തണമെന്ന് മാതാപിതാക്കൾ

ഇന്നലെ പൈലറ്റ് ഉറങ്ങിപ്പോയതിനാൽ മുംബൈയിൽ നിന്ന് കോഴിക്കോടേക്കുള്ള എയർ ഇന്ത്യ വിമാനം മണിക്കൂറുകൾ വൈകിയണ് പുറപ്പെട്ടത്. ഇതിന് പിന്നാലെയാണ് തിരുവനന്തപുരത്തേക്കുള്ള വിമാനവും വൈകിയത്.

കടുത്ത അലംഭാവമാണ് എയർ ഇന്ത്യയുടെ ഭാഗത്ത് നിന്ന് ഉണ്ടായതെന്ന് യാത്രക്കാരുടെ കൂട്ടത്തിലുള്ള പി സി വിഷ്ണുനാഥ് എംഎൽഎ പ്രതികരിച്ചു.

Also Read : ന്യൂനമർദ്ദവും ചക്രവാതച്ചുഴിയും; 6 ജില്ലകളിൽ ശക്തമായ മഴ തുടരും, യെല്ലോ അലേർട്ട്

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക