നാട്ടിലേക്ക് പോകുന്ന വഴി കുഴഞ്ഞുവീണു; മലയാളി യുവാവ് ബുറൈദയിൽ മരിച്ചു

Sumayya P | Samayam Malayalam | Updated: 23 Jul 2023, 12:34 pm

ബുറൈദ കിങ് ഫഹദ് ആശുപത്രിയിൽ വെച്ചാണ് ഇടുക്കി തൊടുപുഴ മലങ്കര ഇടവെട്ടി ചോലശ്ശേരിൽ ഹൗസിൽ അബ്ദുൽ അസീസ് മരിക്കുന്നത്.

സൗദി: ആരോഗ്യപ്രശ്നങ്ങൾ കാരണം നാട്ടലേക്ക് മടങ്ങിയെത്താൻ വേണ്ടി വിമാനത്താവളത്തിലേക്ക് പോകുന്നതിന് ഇടയിൽ മലയാളി മരിച്ചു. ശരീരികാസ്വാസ്ഥ്യം അനുഭവപ്പെട്ടതിനെ തുടർന്ന് ഇദ്ദേഹത്തെ ആശുപത്രിയിൽ പ്രവേശിപ്പിച്ചു. ഇവിടെ വെച്ചാണ് ഇദ്ദേഹം മരണപ്പെട്ടത്. ഇടുക്കി തൊടുപുഴ മലങ്കര ഇടവെട്ടി ചോലശ്ശേരിൽ ഹൗസിൽ അബ്ദുൽ അസീസാണ് മരിച്ചത്, 47 വയാസായിരുന്നു. ശനിയാഴ്ച രാത്രി എട്ടിന് ബുറൈദ കിങ് ഫഹദ് ആശുപത്രിയിൽ വെച്ചാണ് മരിച്ചത്.ബുറൈദ ഫൈസിയയിലെ ഗ്രോസറിയിൽ ജോലി ചെയ്യുകയാണ് അസീസ്. സ്വകാര്യ ക്ലിനിക്കിലെ പ്രാഥമിക പരിശോധനയിൽ വൃക്ക തകരാർ കണ്ടെത്തിയിരുന്നു. ഇതിന്റെ തുടർ ചികിത്സക്കായി ആണ് ഇദ്ദേഹം നാട്ടിലേക്ക് മടങ്ങാൻ തീരുമാനിച്ചത്. സുഹൃത്തുക്കളും തൊഴിലുടമയായ സ്വദേശിയും ഇദ്ദേഹത്തെ നാട്ടിലേക്ക് അയക്കാൻ ഖസീം വിമാനത്താവളത്തിലേക്ക് കൊണ്ടുപോകുന്ന വഴിക്കാണ് ശരീരം കുഴയുകയും ആശുപത്രിയിലെത്തിക്കുകയും ചെയ്തത്.

ഉടുമ്പന്നൂർ – മണിയാറൻകുടി റോഡ് യാഥാർഥ്യത്തിലേക്ക്; പൂവണിയുന്നത് ജനങ്ങളുടെ ചിരകാല സ്വപ്നം

Also Read: വിവിധ നഗരങ്ങളിലേക്ക് കുറഞ്ഞ നിരക്ക്; ഓഫര്‍ പ്രഖ്യാപിച്ച് ഇത്തിഹാദ് എയര്‍ലൈന്‍
ഹൃദയാഘാതം ആണ് മരണകാരണം എന്നാണ് പ്രാഥമിക റിപ്പോർട്ട്. നാട്ടിലേക്ക് പോകാൻ ഡോക്ടർമാർ നിർദേശം നൽകിയതിന്റെ അടിസ്ഥാനത്തിലാണ് ഇദ്ദേഹം നാട്ടിലേക്ക് പോകാൻ വേണ്ടി ടിക്കറ്റ് എടുത്തത്. ഒരുമാസം മുമ്പാണ് നാട്ടിൽ നിന്ന് അവധി കഴിഞ്ഞ് തിരിച്ചുവന്നത്. ഭാര്യ: ഷീന. ഏകമകൾ: അസീന. മരുമകൻ: റമീസ് റഷീദ്. ബുറൈദയിൽ തന്നെ മൃതദേഹം ഖബറടക്കാൻ തീരുമാനിച്ചു. മൃതദേഹം സംസ്കരിക്കാൻ ആവശ്യമായ നടപിടകളുമായി ബുറൈദ കെഎംസിസി നടപടികൾ രംഗത്തുണ്ട്.

Read Latest Gulf News and Malayalam News

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക