കലാഭവൻ മണിയെ അവഗണിക്കുന്നു; പ്രതിഷേധം സംഘടിപ്പിച്ച് കലാകാരന്മാർ
Also Read: 
പ്രത്യേക അലങ്കാരദ്വീപങ്ങൾ, മാർബിൾ പൊതിഞ്ഞ തൂണുകൾ, സീലിംഗിൽ തിളങ്ങുന്ന നിറങ്ങൾ; മക്കയിൽ ഇനി മുതൽ പുതിയ മിമ്പർ
മസ്കറ്റ് കെഎംസിസി കേന്ദ്രകമ്മിറ്റി അന്തരിച്ച മുൻ മുഖ്യമന്ത്രി ഉമ്മൻ ചാണ്ടിയെ അനുസ്മരിച്ചു
മസ്കറ്റ് കെഎംസിസി കേന്ദ്ര കമ്മിറ്റി അന്തരിച്ച മുൻ മുഖ്യമന്ത്രി ഉമ്മൻ ചാണ്ടിയെ അനുസ്മരിച്ചു. അനുസ്മരണ യോഗം മസ്കറ്റ് കെഎംസിസി കേന്ദ്ര കമ്മറ്റി പ്രസിഡന്റ് അഹമ്മദ് റഈസ് ഉത്ഘാടനം ചെയ്തു.
ജന മനസ്സുകളിൽ ജീവിച്ച നേതാവായിരുന്നു ഉമ്മൻ ചാണ്ടി, വരും തലമുറ വായിക്കപ്പെടേണ്ട വലിയ പുസ്തകമാണ് അദ്ദേഹത്തിന്റെ ജീവിതമെന്നും കെഎംസിസി നേതാക്കൾ അനുസ്മരിച്ചു . കെഎംസിസി ഭാരവാഹികളായ റഹീം വറ്റലൂർ, സയ്യിദ് എ കെ കെ തങ്ങൾ, മുജീബ് കടലുണ്ടി, ഷാനവാസ് മൂവാറ്റുപുഴ, അഷ്‌റഫ് കിണവക്കൽ, നൗഷാദ് കാക്കേരി, പിടിപി ഹാരിസ്, ഹുസൈൻ വയനാട്, ബി എസ്. ഷാജഹാൻ, ഉസ്മാൻ പന്തല്ലൂർ എന്നിവർ സംസാരിച്ചു.
വിവിധ മത, രാഷ്ട്രീയ, സാംസ്‌കാരിക നേതാക്കളെ പങ്കെടുപ്പിച്ചുകൊണ്ട് ഒഐസിസി ഗാല ഏരിയ കമ്മിറ്റിയുടെ നേതൃത്വത്തിൽ ഉമ്മൻ ചാണ്ടി അനുസ്മരണം നടത്തി. ഉമ്മൻ ചാണ്ടിക്ക് ജനഹൃദയങ്ങളിൽ മരണമില്ലെന്നും യഥാർത്ഥ ജനസേവകൻ എങ്ങിനെയായിരിക്കണമെന്നതിന്റെ ഉത്തമ ഉദാഹരണമായിരുന്നു അദ്ദേഹത്തിന്റെ ജീവിതമെന്നും യോഗത്തിന് അധ്യക്ഷത വഹിച്ചുകൊണ്ട് ഒഐസിസി ഗാല ഏരിയ കമ്മിറ്റി പ്രസിഡന്റ് ഷൈനു മനക്കര പറഞ്ഞു.
പൊതുപ്രവർത്തന രംഗത്ത് ഉമ്മൻ ചാണ്ടി ലോക മാതൃകയാണെന്നും സാധാരണക്കാരെ ഇത്രയേറെ ചേർത്തുനിർത്തിയ മറ്റൊരു നേതാവ് ഉണ്ടായിട്ടില്ലെന്നും ഉമ്മൻ ചാണ്ടിയെ അനുസ്മരിച്ചുകൊണ്ട് മാർ ഗ്രിഗോറിയോസ് ഓർത്തഡോക്സ് റൂവി മഹാ ഇടവക വികാരി റെവറെന്റ് ഫാ. വർഗ്ഗീസ് റ്റിജു ഐപ്പ് പറഞ്ഞു.
സുകുമാരൻ പിള്ള (എൻ എസ് എസ് ), കൃഷ്ണേന്ദു (ബി ജെ പി ), റിയാസ് (സി പി എം ), നിയാസ് കെ അബു (ഐ സി എഫ് ) തുടങ്ങി വിവിധ കക്ഷി, സംഘടനാ നേതാക്കൾ അനുസ്മരണ പ്രഭാഷണം നടത്തി. ഒഐസിസി ദേശീയ കമ്മിറ്റി നേതാക്കളായ റെജി കെ തോമസ്, മാത്യു മെഴുവേലി, ബിന്ദു പാലയ്ക്കൽ, നിയാസ് ചെണ്ടയാട്, അഡ്വ. എം കെ പ്രസാദ്, റിസ്‌വിൻ ഹനീഫ്, വിജയൻ തൃശ്ശൂർ, സീനിയർ കോൺഗ്രസ്സ് നേതാവ് എൻ ഒ ഉമ്മൻ തുടങ്ങിയവരും ഉമ്മൻ ചാണ്ടിയെ അനുസ്മരിച്ച് സംസാരിച്ചു.ഒഐസിസി ഗാല കമ്മിറ്റി നേതാക്കളായ കബീർ, തോമസ് വർഗ്ഗീസ്, അജ്മൽ, പ്രത്യുഷ് തുടങ്ങിയവർ നേതൃത്വം നൽകി. കിഫിൽ ഇക്ബാൽ സ്വാഗതവും റിലിൻ മാത്യു നന്ദിയും പറഞ്ഞു.
Read Latest Gulf News and Malayalam News
