ഗോ ഫസ്റ്റിന്റെ സർവിസുകൾ പുനരാരംഭിക്കാൻ അനുവാദം നൽകി സിവിൽ ഏവിയേഷൻ അധികൃതർ
Sumayya P | Samayam Malayalam | Updated: 23 Jul 2023, 4:47 pm
കണ്ണൂരിൽനിന്ന് മസ്കത്തിലേക്കാണ് ഗോ എയർ ഏറ്റവും കൂടുതൽ സർവിസ് നടത്തുന്നത്. കാസർകോട്, വയനാട്, കോഴിക്കോട് ജില്ലകളിലെ യാത്രക്കാരും കണ്ണൂർ വിമാനത്താവളത്തെ ആശ്രയിച്ചിരുന്നു. മംഗളൂരു, കുടക് തുടങ്ങിയ അയൽസംസ്ഥാനങ്ങളിലെ നിരവധി യാത്രക്കാരും കണ്ണൂർ വഴി യാത്ര ചെയ്തിരുന്നു
ഹൈലൈറ്റ്:
- 22 വിമാനങ്ങളുമായി സർവിസ് നടത്താൻ അനുമതി ചോദിച്ചെങ്കിലും 15 എണ്ണത്തിനാണ് അനുമതി നൽകിയത്.
- സാമ്പത്തിക പ്രതിസന്ധി കാരണം കഴിഞ്ഞ മേയ് മൂന്നു മുതലാണ് ഗോ ഫസ്റ്റ് സർവിസ് നിർത്തിയത്
22 വിമാനങ്ങളുമായി സർവിസ് നടത്താൻ കമ്പനി അനുമതി ചോദിച്ചെങ്കിലും 15 എണ്ണത്തിനാണ് അനുമതി നൽകിയത്. ദിവസവും 114 സർവിസുകൾ നടത്താനാവും. എന്നാൽ സർവീസ് നടത്താൻ ആവശ്യമായ ഫണ്ട് എങ്ങനെ കണ്ടെത്തും എന്നത് വലിയ വെല്ലുവിളിയായി മുന്നിലുണ്ട്. വിമാനത്തിന്റെ സുരക്ഷ ഓഡിറ്റിങ് അടുത്തിടെനടന്നിരുന്നു. ഇതിന്റെ റിപ്പോർട്ട് അനുസരിച്ചാണ് സർവിസ് പുനരാരംഭിക്കാൻ വീണ്ടും അനുമതി കോടതി നൽകിയത്. സാമ്പത്തിക പ്രതിസന്ധി കാരണം കഴിഞ്ഞ മേയ് മൂന്നു മുതലാണ് ഗോ ഫസ്റ്റ് സർവീസ് നിർത്തലാക്കുന്നത്. കമ്പനി എൻജിൻ സപ്ലെെ നിർത്തിവെച്ചിരുന്നു. ഇത് കാരണം ഗോ എയറിന്റെ 54 വിമാനങ്ങളാണ് കട്ടപ്പുറത്ത് എത്തിയത്. അമേരിക്ക കേന്ദ്രമായ കമ്പനിയാണ് വിമാനത്തിന്റെ എൻജിൻ സപ്ലെെ ചെയ്തിരുന്നത്.
കലാഭവൻ മണിയെ അവഗണിക്കുന്നു; പ്രതിഷേധം സംഘടിപ്പിച്ച് കലാകാരന്മാർ
Also Read: അടച്ചിട്ട കാറിനുള്ളില്‍ അഞ്ചു മണിക്കൂര്‍ ഒറ്റയ്ക്ക്; 10 മാസം പ്രായമുള്ള കുഞ്ഞ് മരിച്ചു
ആദ്യഘട്ടത്തിൽ ആഭ്യന്തര സർവിസുകൾ ആയിരിക്കും കമ്പനി നടത്തുക. സെപ്റ്റംബറോടെ രാജ്യാന്തര സർവിസുകളും പുനരാരംഭിക്കാൻ ആണ് തീരുമാനിച്ചിരിക്കുന്നത്. കണ്ണൂരിലേക്കുള്ള യാത്രക്കാർക്ക് വലിയ അനുഗ്രഹമായിരിക്കും ഈ പുതിയ തീരുമാനം. കണ്ണൂരിൽ നിന്ന് മസ്കത്തിലേക്കാണ് ഗോ എയർ ഏറ്റവും കൂടുതൽ സർവിസ് നടത്തുന്നത്. അതുകൊണ്ട് തന്നെ ഈ യാത്രക്കാർക്ക് വലിയ അനുഗ്രഹമായിരിക്കുകയാണ് വിമാനകമ്പനിയുടെ പുതിയ തീരുമാനം. താരതമ്യേന കുറഞ്ഞ നിരക്കാണ് ഗോ ഫസ്റ്റ് യാത്രക്കാരിൽ നിന്നും ഈടാക്കുന്നത്. മറ്റു വിമാനക്കമ്പനികളെ അപേക്ഷിച്ച് ഇത് കുറവായതിനാൽ പലരും ഈ വിമാന സർവീസ് ആണ് ആരംഭിക്കുന്നത്.
കഴിഞ്ഞ മേയിൽ ആണ് ഗോഫാസ്റ്റ് വിമാന സർവീസ് നിർത്തുന്നത്. കാസർകോട്, വയനാട്, കോഴിക്കോട് ജില്ലകളിലെ യാത്രക്കാരെ വലിയ രീതിയിൽ ഇത് ബാധിച്ചു. മംഗളൂരു, കുടക് തുടങ്ങിയ അയൽസംസ്ഥാനങ്ങളിലെ യാത്രകകാരും കണ്ണൂരിനെ ആണ് യാത്രക്കായി ആശ്രയിച്ചിരുന്നത്. എയർ ഇന്ത്യ എക്സ്പ്രസ് കണ്ണൂരിലേക്ക് സർവിസ് നടത്തുന്നുണ്ടെങ്കിലും ആഴ്ചയിൽ മൂന്നെണ്ണം മാത്രമാണുള്ളത്. കോഴിക്കോട്, മംഗളൂരു, ബംഗളൂരു വിമാനത്താവളങ്ങൾ വഴിയാണ് ഇപ്പോൾ പലരും മസ്കത്തിൽ നിന്ന് നാട്ടിലേക്ക് എത്തിയിരുന്നത്.
Read Latest Gulf News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
