ജൂലൈ 13 മുതല്‍ 19 വരെയുള്ള ആഴ്ചയില്‍ രാജ്യത്തുടനീളം സുരക്ഷാ സേനയുടെ വിവിധ യൂണിറ്റുകള്‍ നടത്തിയ സംയുക്ത ഫീല്‍ഡ് കാമ്പെയ്‌നിനിടെയാണ് ഇത്രയും പേരെ അറസ്റ്റ് ചെയ്തതെന്ന് ആഭ്യന്തര മന്ത്രാലയം അറിയിച്ചു. തൊഴില്‍ നിയമങ്ങള്‍ ലംഘിച്ചതിന് 2,156 പേരാണ് ഈ കാലയളഴില്‍ പിടിയിലായത്. ഇഖാമ അല്ലെങ്കില്‍ താമസ നിയമങ്ങള്‍ ലംഘിച്ചതിന് 7,667 പേരും അതിര്‍ത്തി സുരക്ഷാചട്ടങ്ങള്‍ ലംഘിച്ചതിന് 4,108 പേരും അറസ്റ്റിലായി.
റോഡിന്റെ ഓട്ടോ ലെവലർ സർവെ പുരോഗമിക്കുന്നു
സൗദിയിലേക്ക് അതിര്‍ത്തിവഴി നുഴഞ്ഞുകയറാന്‍ ശ്രമിക്കുന്നതിനിടെ 874 പേരെ അറസ്റ്റ് ചെയ്തു. ഇവരില്‍ 79% പേരും യമനികളാണ്. 18% എത്യോപ്യക്കാരും 3% മറ്റ് രാജ്യക്കാരുമാണ്. രേഖകളില്ലാതെ സൗദി അറേബ്യയില്‍ നിന്ന് പുറത്തുകടക്കാന്‍ ശ്രമിക്കുന്നതിനിടെ 85 നിയമലംഘകര്‍ പിടിക്കപ്പെട്ടു.
വിസയില്ലാതെ ആളുകളെ കടത്തിക്കൊണ്ടുവരികയും ഇഖാമ ഉള്‍പ്പെടെയുള്ള താമസ, തൊഴില്‍ ചട്ടങ്ങള്‍ ലംഘിക്കുന്നവര്‍ക്ക് അഭയം നല്‍കുകയും ചെയ്തവരും ഇത്തരം നിയമലംഘനങ്ങള്‍ അറിഞ്ഞിട്ടും അധികാരികളെ അറിയിക്കാത്ത കുറ്റത്തിനുമായി ഒമ്പത് പേര്‍ അറസ്റ്റിലായി.
സൗദിയില്‍ 3.4 കോടി ഈന്തപ്പനകള്‍; വാര്‍ഷിക ഉല്‍പ്പാദനം 16 ലക്ഷം ടണ്‍ കടന്നു, കയറ്റുമതിയിലും വര്‍ധന
നേരത്തേ പിടിയിലായവരില്‍ 37,363 നിയമലംഘകരെ നാടുകടത്തുന്നതിനുള്ള നടപടിക്രമങ്ങള്‍ പൂര്‍ത്തിയായിട്ടുണ്ട്. ഇവരില്‍ 31,008 പുരുഷന്മാരും 6,355 സ്ത്രീകളും ഉള്‍പ്പെടുന്നു. 28,001 നിയമലംഘകരെ യാത്രാരേഖകള്‍ ലഭിക്കാന്‍ അവരുടെ രാജ്യങ്ങളുടെ നയതന്ത്ര കാര്യാലയങ്ങളിലേക്ക് റഫര്‍ ചെയ്തു. 4,145 നിയമലംഘകരെ യാത്രാ റിസര്‍വേഷന്‍ പൂര്‍ത്തിയാക്കാന്‍ നിര്‍ദേശിച്ചിട്ടുണ്ട്. 8,549 നിയമലംഘകരെ നാടുകടത്തി.
നുഴഞ്ഞുകയറ്റക്കാരന് രാജ്യത്തിലേക്കുള്ള പ്രവേശനം സുഗമമാക്കുകയോ ഗതാഗത സൗകര്യമോ അഭയമോ ഏതെങ്കിലും സഹായമോ സേവനമോ നല്‍കുകയോ ചെയ്യുന്നത് 15 വര്‍ഷം വരെ തടവും 10 ലക്ഷം റിയാല്‍ വരെ പിഴയും ലഭിക്കാവുന്ന കുറ്റകൃത്യമാണ്. ഗതാഗത മാര്‍ഗ്ഗങ്ങളും താമസ സൗകര്യങ്ങളും കണ്ടുകെട്ടുകയും ചെയ്യും.
ദുബായ്-2040 അര്‍ബന്‍ മാസ്റ്റര്‍ പ്ലാന്‍: പുതിയ നഗരാസൂത്രണ നിയമത്തിന് അംഗീകാരം
തൊഴില്‍, ഇഖാമ നിയമലംഘകരെ പിടികൂടാന്‍ പതിവ് പരിശോധനകള്‍ രാജ്യത്ത് ശക്തമായി തുടരുകയാണ്. ജൂലൈ 6 മുതല്‍ 12 വരെയുള്ള ആഴ്ചയില്‍ രാജ്യത്തുടനീളം സുരക്ഷാ സേനയുടെ വിവിധ യൂണിറ്റുകള്‍ നടത്തിയ പരിശോധനയില്‍ തൊഴില്‍, ഇഖാമ നിയമങ്ങള്‍, അതിര്‍ത്തി സുരക്ഷാ ചട്ടങ്ങള്‍ എന്നിവ ലംഘിച്ച 11,915 ഓളം പേരെ അറസ്റ്റ് ചെയ്തിരുന്നു. ഇഖാമ നിയമലംഘനത്തിന് 6,359 പേരും അതിര്‍ത്തി സുരക്ഷാ ചട്ടങ്ങള്‍ ലംഘിച്ചതിന് 3,753 പേരും തൊഴില്‍ നിയമലംഘനത്തിന് 1,803 പേരുമാണ് അറസ്റ്റ് ചെയ്യപ്പെട്ടത്. ആഭ്യന്തര സംഘര്‍ഷങ്ങളും സാമ്പത്തിക പ്രതിസന്ധിയും രൂക്ഷമായ യമനില്‍ നിന്നാണ് ഏറ്റവുമധികം പേര്‍ അയല്‍രാജ്യമായ സൗദിയിലേക്ക് നുഴഞ്ഞുകയറുന്നത്. വിശാലമായ കര അതിര്‍ത്തി പങ്കിടുന്ന യെമനില്‍ നിന്ന് മലകള്‍ താണ്ടിയും മറ്റുമാണ് ഇവരെത്തുന്നത്. അതിര്‍ത്തിപ്രദേശങ്ങളില്‍ സുരക്ഷാവേലികളും ക്യാമറകളും റഡാറുകളും സ്ഥാപിക്കുകയും അതിര്‍ത്തിരക്ഷാ സേന നിരന്തര നിരീക്ഷണവും വാഹന പട്രോളിങും നടത്തുകയും ചെയ്യുന്നുണ്ടെങ്കിലും നുഴഞ്ഞുകയറുന്നവരുടെ എണ്ണം വര്‍ധിക്കുകയാണ്.
