കിഴക്കന്‍ പ്രവിശ്യയില്‍ ഉയര്‍ന്ന താപനില 48-50 ഡിഗ്രി സെല്‍ഷ്യസ് വരെ എത്തുമെന്നും റിയാദ് മേഖലയുടെ കിഴക്ക്, തെക്ക് ഭാഗങ്ങളിലും അല്‍ഖസീം മേഖലയുടെ കിഴക്കന്‍ ഭാഗങ്ങളിലും മദീന മേഖലയുടെ പടിഞ്ഞാറന്‍ ഭാഗങ്ങളിലും ഉയര്‍ന്ന താപനില 46-48 ഡിഗ്രി സെല്‍ഷ്യസ് ആയിരിക്കുമെന്നും എന്‍സിഎം അറിയിച്ചു.
റോഡിന്റെ ഓട്ടോ ലെവലർ സർവെ പുരോഗമിക്കുന്നു
കിഴക്കന്‍ പ്രവിശ്യയിലും മധ്യമേഖലയുടെ ചില ഭാഗങ്ങളിലും ഉഷ്ണ കാലാവസ്ഥ ശക്തമായി തുടരും. മദീന, മക്ക പ്രദേശങ്ങളുടെ ചില ഭാഗങ്ങളിലും മക്ക, ജിസാന്‍ പ്രദേശങ്ങള്‍ക്കിടയിലുള്ള തീരദേശ പാത എന്നിവിടങ്ങളിലും ദൃശ്യപരത കുറയ്ക്കുന്ന വിധം ശക്തവും സജീവവുമായ പൊടിക്കാറ്റ്് ഉണ്ടായേക്കും. അസീര്‍, ജിസാന്‍ മേഖലകളില്‍ ഇടിമിന്നലിന് സാധ്യതയുണ്ട്.
വളര്‍ത്തുമൃഗങ്ങള്‍ക്ക് വെയിലേല്‍ക്കുന്നത് ശിക്ഷാര്‍ഹമായ കുറ്റമാണെന്ന് പരിസ്ഥിതി, ജല, കൃഷി മന്ത്രാലയം മുന്നറിയിപ്പ് നല്‍കി. ചുട്ടുപൊള്ളുന്ന വെയിലില്‍ പൂച്ച, കന്നുകാലികള്‍ തുടങ്ങിയ മൃഗങ്ങളെ ഉപേക്ഷിക്കരുതെന്ന് മന്ത്രാലയം ഉടമകളോട് അഭ്യര്‍ത്ഥിച്ചു. താപനില ഉയര്‍ന്നതിനാല്‍ മൃഗങ്ങളെ തുറസായ സ്ഥലങ്ങളില്‍ നിര്‍ത്തുന്നതിലൂടെ അവയ്ക്ക് എന്തെങ്കിലും ഉപദ്രവമോ കഷ്ടപ്പാടോ ഉണ്ടായാല്‍ നടപടിയുണ്ടാവുമെന്നും മന്ത്രാലയത്തിന്റെ മീഡിയ സെന്റര്‍ പ്രസ്താവനയില്‍ ഓര്‍മിപ്പിച്ചു.
സൗദിയില്‍ 3.4 കോടി ഈന്തപ്പനകള്‍; വാര്‍ഷിക ഉല്‍പ്പാദനം 16 ലക്ഷം ടണ്‍ കടന്നു, കയറ്റുമതിയിലും വര്‍ധന
വളര്‍ത്തുമൃഗങ്ങള്‍ക്ക് ഒരു ദോഷവും വരുത്താതിരിക്കാന്‍ എല്ലാ മുന്‍കരുതലുകളും സ്വീകരിക്കാന്‍ ഉടമകളോട് മന്ത്രാലയം ആവശ്യപ്പെട്ടു. ഗള്‍ഫ് കോ-ഓപറേഷന്‍ കൗണ്‍സില്‍ (ജിസിസി) അനിമല്‍ വെല്‍ഫെയര്‍ ആക്ടില്‍ പറഞ്ഞിരിക്കുന്ന പ്രകാരം മൃഗസംരക്ഷണ തത്വം പാലിക്കണം. കടുത്ത ചൂടില്‍ നിന്ന് മൃഗങ്ങളെ സംരക്ഷിക്കാന്‍ പ്രത്യേകം ശ്രദ്ധിക്കണമെന്നും ഭക്ഷണവും വെള്ളവും സ്ഥിരമായി നല്‍കണമെന്നും അവയെ സംരക്ഷിക്കാന്‍ തൊഴുത്തുകളോ മറ്റ് പാര്‍പ്പിടങ്ങളോ ഒരുക്കണം. ദിവസത്തില്‍ ഒരിക്കലെങ്കിലും അവയുടെ അവസ്ഥകള്‍ പരിശോധിക്കുന്നതിനു പുറമേ, മൃഗസംരക്ഷണത്തിനുള്ള മാനദണ്ഡങ്ങള്‍ ഉറപ്പാക്കുകയും വാക്‌സിനേഷന്‍ പാലിക്കാനും വേനല്‍ക്കാലത്ത് നേരിട്ട് സൂര്യപ്രകാശത്തില്‍ നിന്ന് അവയെ അകറ്റി നിര്‍ത്താനും മന്ത്രാലയം ആവശ്യപ്പെട്ടു.
ദുബായ്-2040 അര്‍ബന്‍ മാസ്റ്റര്‍ പ്ലാന്‍: പുതിയ നഗരാസൂത്രണ നിയമത്തിന് അംഗീകാരം
മനുഷ്യനെ ആശ്രയിക്കുന്ന ഒരു മൃഗത്തെയും അലയാന്‍ വിടരുതെന്ന് മന്ത്രാലയം മൃഗങ്ങളുടെ ഉടമകളോടും പരിപാലകരോടും ആവശ്യപ്പെട്ടു. ഏതെങ്കിലും വ്യവസ്ഥകള്‍ ലംഘിച്ചാല്‍ പിഴ ശിക്ഷ ഉള്‍പ്പെടെ നടപടി സ്വീകരിക്കും. മൃഗങ്ങളെ ദുരുപയോഗം ചെയ്യുന്നതുമായി ബന്ധപ്പെട്ട ലംഘനങ്ങള്‍ നിയന്ത്രിക്കുന്നതിനും നിരീക്ഷിക്കുന്നതിനുമായി രാജ്യത്തിന്റെ വിവിധ പ്രദേശങ്ങളില്‍ മന്ത്രാലയത്തിന്റെ ശാഖകളും ഓഫീസുകളും പ്രവര്‍ത്തിക്കുന്നുണ്ട്.
കഴിഞ്ഞയാഴ്ച യുഎഇയില്‍ താപനില 50 ഡിഗ്രി സെല്‍ഷ്യസ് കടന്നിരുന്നു. ജൂലൈ 15ന് അബുദാബിയില്‍ ഉച്ചയ്ക്ക് 2.30ന് ബഡാ ദഫാസില്‍ (അല്‍ ദഫ്‌റ മേഖല) 50.1 ഡിഗ്രി സെല്‍ഷ്യസ് ആണ് രേഖപ്പെടുത്തിയത്. സമീപകാലത്ത് രാജ്യത്ത് രേഖപ്പെടുത്തിയ ഏറ്റവും ഉയര്‍ന്ന താപനിലയാണിത്. കഴിഞ്ഞ വര്‍ഷവും അബുദാബിയുടെ പടിഞ്ഞാറന്‍ പ്രദേശമായ അല്‍ ദഫ്‌റയില്‍ താപനില 49 ഡിഗ്രി സെല്‍ഷ്യസ് കടന്നിരുന്നു. പുലര്‍കാലങ്ങളില്‍ ശക്തമായ മൂടല്‍മഞ്ഞുമുണ്ട്.
ചൂട് കനത്തതിനാല്‍ ഗള്‍ഫ് രാജ്യങ്ങളിലെല്ലാം ഉച്ചവിശ്രമം നിയമം നിലവിലുണ്ട്. കനത്ത വെയിലുള്ള ഉച്ച സമയത്ത് തുറസായ സ്ഥലങ്ങളിലോ നേരിട്ട് വെയിലേല്‍ക്കുന്ന ഇടങ്ങളിലോ തൊഴിലാളികളെ കൊണ്ട് ജോലിചെയ്യിക്കരുതെന്ന് ഈ നിയമം അനുശാസിക്കുന്നു. നിയമം പാലിക്കാത്ത സ്ഥാപനങ്ങള്‍ക്കും തൊഴിലുടമകള്‍ക്കുമെതിരേ നിയമനടപടി സ്വീകരിക്കും.
