Nalanda Borewell Incident: ഇന്നലെ രാവിലെ കുട്ടികൾക്കൊപ്പം കളിക്കുന്നതിനിടെയാണ് ശിവം കുമാർ കുഴൽക്കിണറിൽ വീണത്. എട്ടുമണിക്കൂർ നീണ്ട പരിശ്രമത്തിനൊടുവിലാണ് നാലുവയസ്സുകാരനെ രക്ഷപ്പെടുത്തിയത്
ഹൈലൈറ്റ്:
- 40 അടി താഴ്ചയിൽ 8 മണിക്കൂർ
- നാല് വയസ്സുകാരന് പുതുജീവൻ
- കുട്ടിയുടെ ആരോഗ്യനില തൃപ്തികരം
ശിവം കുമാർ എന്ന കുട്ടിയെയാണ് കുഴൽക്കിണറിൽ നിന്ന് രക്ഷപ്പെടുത്തിയത്. നാലു വയസ്സുകാരന്‍റെ ആരോഗ്യസ്ഥിതി തൃപ്തികരമാണ്. ആശുപത്രിയിൽ പ്രവേശിപ്പിച്ച കുട്ടി നിരീക്ഷണത്തിൽ തുടരും. ഞായറാഴ്ച രാവിലെ കുട്ടികൾക്കൊപ്പം കളിക്കുന്നതിനിടെയാണ് ശിവം കുമാർ അപകടത്തിൽപ്പെടുന്നത്. കാർഷിക ആവശ്യത്തിനായി കുഴിച്ച കിണറായിരുന്നു ഇത്. വെള്ളമില്ലാതെ ഉപയോഗശൂന്യമായി കിടന്ന കിണർ മൂടിയിരുന്നില്ല. ഇതാണ് അപകടത്തിന് കാരണമായത്.
Also Read : അതിശക്തമായ മഴയ്ക്ക് സാധ്യത; ഇന്നും നാളെയും 9 ജില്ലകളിൽ യെല്ലോ അലേർട്ട്
കുട്ടികളാണ് വിവരം മാതാപിതാക്കളെ അറിച്ചത്. വിവരമറിഞ്ഞയുടൻ ദുരന്ത നിവാരണ സേനയെത്തി രക്ഷാപ്രവർത്തനം ആരംഭിക്കുകയായിരുന്നു. ജെസിബി ഉൾപ്പെടെ സ്ഥലത്തെത്തിച്ചാണ് രക്ഷാപ്രവർത്തനം നടത്തിയത്. ജില്ലാ മജിസ്ട്രേട്ടും മെഡിക്കൽ സംഘവും സ്ഥലത്തെത്തിയാണ് രക്ഷാപ്രവർത്തനം ഏകോപിപ്പിച്ചത്.
Also Read : ശക്തമായ മഴ തുടരുന്നു; ഇന്ന് 3 ജില്ലകളിലെ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ച് ജില്ലാ കളക്ടർമാർ
പുറത്തെത്തിച്ച ഉടൻ കുട്ടിയ്ക്ക് പ്രഥമശുശ്രൂഷ നൽകിയ ശേഷമാണ് ആശുപത്രിയിലേക്ക് മാറ്റിയത്. കുഴൽക്കിണറിലായിരുന്ന കുട്ടിയ്ക്ക് ഓക്സിജൻ ലഭിക്കുന്നുണ്ടെന്ന് ഡോക്ടർമാരുടെ സംഘം ഉറപ്പിച്ചിരുന്നു. കൃഷി ആവശ്യത്തിനായി കുഴിച്ച കുഴൽക്കിണറാണ് അപകടത്തിനിടയാക്കിയത്. മൂടാതെ കിടക്കുന്ന കുഴൽക്കിണറുകളിൽ കുട്ടികൾ വീഴുന്ന സംഭവം അടുത്തിടെ വർധിച്ച് വരുന്നുണ്ട്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
