ബുദ്ധിമുട്ടിലായി സൗദി പ്രവാസികൾ; കോഴിക്കോട് വിഎഫ്എസ് വിസ സ്റ്റാംപിങ് കേന്ദ്രത്തിൽ എത്തുന്നവർക്ക് പുതിയ നിബന്ധനകൾ
Sumayya P | Samayam Malayalam | Updated: 24 Jul 2023, 9:51 am
കോഴിക്കോട് വിസ സേവനകേന്ദ്രം ആരംഭിച്ചുവെങ്കിലും കൊച്ചിയിൽ തിരക്കിന് കുറഞ്ഞിട്ടില്ല. കുടുംബാംഗങ്ങൾക്ക് വേണ്ടിയുള്ള വീസ ഡൽഹി സൗദി എംബസി മുഖാന്തിരമാണെങ്കിൽ കൊൽക്കത്ത,ലക്നൗ, ഡൽഹി എന്നിവിടങ്ങളിലെ വിഎഫ്എസ് കേന്ദ്രങ്ങളിലെത്തി മറ്രു നടപടികൾ പൂർത്തിയാക്കേണ്ടി വരും
ഹൈലൈറ്റ്:
- ഫീസ് ഇനത്തിൽ കാര്യമായ വർധനവ്
- 10,000 രൂപയിൽ നിന്ന് 16,000 രൂപയിലേക്ക്
സേവനനിലവാരം ഉയർത്തുന്നതിനും എളുപ്പമാക്കുന്നതിനും വേണ്ടിയാണ് വിസാ സ്റ്റാംപിങ്, വിരലയാളം എന്നിവ രേഖപ്പെടുത്തലടക്കമുള്ള നടപടികൾ ഇന്ത്യയിൽ തന്നെ പൂർത്തീകരിക്കുന്നതിന് വിഎഫ്എസിനെ ഏർപ്പെടുത്തിയത്. നിലവിൽ നടപടിക്രമങ്ങൾ സാങ്കേതികമായി വലിയ ബുദ്ധിമുട്ടുകൾ ആണ് പ്രവാസികൾക്ക് ഉണ്ടാക്കുന്നത്. സർവീസ് ഫീസ് ഇനത്തിലും കാര്യമായ വർധനവാണ് ഉണ്ടായിട്ടുള്ളത്. 10,000 രൂപയിൽ നിന്നും 16,000 രൂപയിലേക്ക് ഫീസ് വർധിച്ചു. അപ്പോയ്മെന്റ് എടുത്ത് പലരും ബുദ്ധിമുട്ടി സേവനകേന്ദ്രത്തിൽ എത്തുമ്പോൾ രേഖകൾ പരിശോധിച്ച് ചെറിയ കാരണങ്ങൾ പറഞ്ഞു തിരിച്ചവിട്ട അനുഭവവും പലർക്കും ഉണ്ടായിട്ടുണ്ട്. കുടുംബമായി എത്തിയവരിൽ ചിലർക്ക് വിസകൾ അനുവദിച്ചു കിട്ടിയെങ്കിലും ഒപ്പമുള്ള കുടുംബാംഗങ്ങളുടെ വിസയിൽ ചില പിശകുകൾ കാണിച്ച് തള്ളിയ അനുഭവവും പലരും പങ്കുവെക്കുന്നു. മനേരമയാണ് വാർത്ത റിപ്പോർട്ട് ചെയ്യുന്നത്.
സ്വകാര്യ ബസും ബൈക്കും കൂട്ടിയിടിച്ച് അപകടം
Also Read: കനത്ത ചൂട് സൗദിയിൽ തുടരും; പൊടിക്കാറ്റിനും സാധ്യത, ജാഗ്രത പാലിക്കാൻ നിർദ്ദേശം
ഓൺലൈനിൽ ശ്രമിച്ചാൽ മാത്രമാണ് അപ്പോയ്മെന്റ് കിട്ടുക. നിർദ്ദേശങ്ങൾ അനുസരിച്ച് ആവശ്യമായ തിരുത്തലുകൾ വരുത്തി വീണ്ടും രേഖകൾ ആയി എത്താൻ ഒരുപാട് സമയം കാത്തിരിക്കേണ്ടി വരും. കുടുംബാംഗങ്ങൾക്ക് വേണ്ടിയുള്ള വിസ ഡൽഹി സൗദി എംബസി മുഖാന്തിരമാണെങ്കിൽ കൊൽക്കത്ത,ലക്നൗ, ഡൽഹി എന്നിവിടങ്ങളിലെ വിഎഫ്എസ് കേന്ദ്രങ്ങളിലെത്തി നടപടികൾ പൂർത്തിയാക്കണ്ടിയും വരും.
സൗദിയിൽ വിസിറ്റിങ് വിസയിലെത്തി മടങ്ങിയ യുവതിക്ക് വീണ്ടും വിസ കിട്ടണമെങ്കിൽ പഴയ വിസ രേഖപ്പെടുത്തിയ പഴയ പാസ്പോർട്ടും ഹാജരാക്കണം. ഇതാണ് പുതിയ നിബന്ധന. അധികൃതർ ഇക്കാര്യം ആവശ്യപ്പെട്ടെന്ന് സ്റ്റാപിങ് കേന്ദ്രത്തിൽ എത്തിയവർ പറയുന്നു. പല തവണ സൗദി സന്ദർശിച്ചിട്ടുള്ള കുടുംബാംഗങ്ങളിൽ പകുതി പേരുടെ മാത്രം അപേക്ഷ സ്വീകരിച്ച സംഭവവും ഉണ്ടായിട്ടുണ്ട്. മാതാവിന്റെയു പിതാവിന്റെയും പേരുകളിലെ ചില അക്ഷരങ്ങളുടെ വിത്യാസത്തിൽ പലർക്കും വിസ സ്റ്റാംപിങ് നിഷേധിക്കപ്പെട്ടിട്ടുണ്ട്.
കോഴിക്കോട് വിസ സേവനകേന്ദ്രം ആരംഭിച്ചുവെങ്കിലും കൊച്ചിയിൽ തിരക്കിന് ഒട്ടും കുറവ് വന്നിട്ടില്ല. ആദ്യം വിസിറ്റ് വിസ എടുത്ത് സൗദിയിൽ പോകണം എങ്കിൽ കാര്യങ്ങൾ ലളിതമായിരുന്നു. എന്നാൽ ഇനി അത് സാധിക്കില്ലെന്ന തരത്തിലേക്കാണ് കാര്യങ്ങൾ പോകുന്നത്. പ്രശ്നങ്ങൾ പരിഹരിച്ച് വിസ സ്റ്റാംപിങ് നടപടികൾ വേഗത്തിൽ പൂർത്തിയാക്കുന്ന സംവിധാനം കൊണ്ടുവരും എന്ന പ്രതീക്ഷയിലാണ് പ്രവാസികൾ.
Read Latest Gulf News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
