ഭാര്യയെയും സഹോദരപുത്രനെയും വെടിവെച്ച് കൊന്നു; പിന്നാലെ അമരാവതി എസിപി ആത്മഹത്യ ചെയ്തു
ഇന്ന് പുലർച്ചെ മൂന്നുമണിയോടെയാണ് എസിപി ഭരത് ഗെയ്‌ക്‌വാദ് ഭാര്യയെയും സഹോദരപുത്രനെയും കൊലപ്പെടുത്തിയത്. ബന്ധുക്കൾ വിവരമറിയിച്ചതിനെത്തുടർന്ന് സ്ഥലത്തെത്തിയ പോലീസ് അന്വേഷണം ആരംഭിച്ചു
ഹൈലൈറ്റ്:
- ഭാര്യയെയും സഹോദരപുത്രനെയും കൊലപ്പെടുത്തി
- പിന്നാലെ ജീവനൊടുക്കി എസിപി
- സംഭവം മഹാരാഷ്ട്ര അമരാവതിയിൽ
ഭരത് ഗെയ്‌ക്‌വാദിന്‍റെ ഭാര്യ മോനി (44), സഹോദരപുത്രൻ ദീപക്ക് (35) എന്നിവരാണ് കൊല്ലപ്പെട്ടത്. ഇരുവരെയും വെടിവച്ച ശേഷം എസിപി ആത്മഹത്യ ചെയ്യുകയായിരുന്നു. തിങ്കളാഴ്ച പുലർച്ചെ 3.30 ഓടെയായിരുന്നു സംഭവം. മോനി രണ്ട് മക്കളോടൊപ്പം പൂനെയിലെ ബാലേവാഡിയിലാണ് താമസിക്കുന്നത്. അമരാവതിയിൽ ജോലി ചെയ്യുന്ന ഗെയ്‌ക്‌വാദ് ഇന്ന് രാവിലെയാണ് വീട്ടിലെത്തിയത്. തുടർന്ന് റിവോൾവർ ഉപയോഗിച്ച് ഇരുവരെയും വെടിവെക്കുകയായിരുന്നു.
റോഡിന്റെ ഓട്ടോ ലെവലർ സർവെ പുരോഗമിക്കുന്നു
സംഭവത്തിന് പിന്നാലെ ബന്ധുക്കളാണ് പോലീസിനെ വിവരമറിയിച്ചത്. സ്ഥലത്തേക്ക് കുതിച്ചെത്തിയ പോലീസ് ഉദ്യോഗസ്ഥർ മൂന്നുപേരെയും ആശുപത്രിയിലേക്ക് കൊണ്ടുപോയെങ്കിലും ഡോക്ടർമാർ മരണം സ്ഥിരീകരിക്കുകയായിരുന്നു. സംഭവത്തിൽ ചതുർശൃംഗി പോലീസ് കേസെടുത്ത് അന്വേഷണം ആരംഭിച്ചു.
Also Read : കോഴിക്കോട് മെഡിക്കല്‍ കോളേജിന് വീഴ്ച സംഭവിച്ചോ? പോലീസിൻ്റെ അന്വേഷണ റിപ്പോര്‍ട്ട് മെഡിക്കല്‍ ഓഫീസര്‍ക്ക് സമര്‍പ്പിച്ചു
അവധിയിലായിരുന്ന എസിപി പുലർച്ചെ 3.15ഓടെ ഭാര്യയ്ക്കും മരുമകനും നേരെ വെടിയുതിർ ശേഷം സ്വയം വെടിവെയ്ക്കുകയായിരുന്നെന്നാണ് പോലീസ് സംശയിക്കുന്നത്. എസിപിയുടെ അമ്മയും രണ്ട് ആൺമക്കളും മറ്റ് കുടുംബാംഗങ്ങളും ഈ സമയത്ത് വീട്ടിലുണ്ടായിരുന്നു. ആത്മഹത്യാ കുറിപ്പുകളൊന്നും കണ്ടെത്തിയിട്ടില്ലെന്നും സംഭവത്തിന് പിന്നിലെ കാരണം കണ്ടെത്താൻ അന്വേഷണം നടക്കുകയാണെന്നും ഡെപ്യൂട്ടി പോലീസ് കമ്മീഷണർ ശശികാന്ത് ബോറാട്ടെ പറഞ്ഞു.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
