ദുബായ് > ഓർമ ബാലവേദിയുടെ നേതൃത്വത്തിൽ വേനൽ തുമ്പി ക്യാമ്പ് സംഘടിപ്പിച്ചു. 100 ൽ അധികം കുട്ടികൾ പങ്കെടുത്തു. നാട്ടിൽ നിന്ന് എത്തിയ കോട്ടക്കൽ മുരളി , ശ്രീജിത്ത്‌ കാഞ്ഞിലേരി എന്നിവർ ക്യാമ്പിനു നേതൃത്വം കൊടുത്തു. ക്യാമ്പ് മലയാളം മിഷൻ കോർഡിനേറ്റർ അംബുജം സതീഷ്‌ ഉദ്ഘാടനം ചെയ്തു.
ശാസ്ത്രബോധമുള്ള ഒരു തലമുറയെ വളർത്തിയെടുക്കേണ്ടത്‌ വർത്തമാനകാലത്ത്‌ അനിവാര്യമാണെന്ന് ഉദ്ഘാടനം ചെയ്തുകൊണ്ട്‌ അംബുജം സതീഷ്‌ പറഞ്ഞു. ബാലവേദി കൺവീനർ ലിജിന സ്വാഗതം പറഞ്ഞയോഗത്തിൽ ബാലവേദി പ്രതിനിധി നതാഷ അദ്ധ്യക്ഷയായി. ഓർമ ജനറൽ സെക്രട്ടറി പ്രദീപ്‌ തോപ്പിൽ, പ്രസിഡണ്ട്‌ ഷിജു ബഷീർ, ശ്രീജിത്ത്‌ കാഞ്ഞിലേരി എന്നിവർ ആശംസകൾ അർപ്പിച്ചു സംസാരിച്ചു. ആദിശ്രീ നന്ദി അറിയിച്ചു. കുട്ടികൾക്കുള്ള സമ്മാനങ്ങൾ ഭാരവാഹികൾ വിതരണം ചെയ്തു. ഓർമ രക്ഷാധികാരിയും പ്രവാസി ക്ഷേമനിധി ബോർഡ് ഡയറക്ടറും ആയ ശ്രീ എൻ കെ കുഞ്ഞഹമ്മദ് അധ്യാപകർക്ക് ഓർമയുടെ ഉപഹാരം കൈമാറി . 110 ൽ പരം കുട്ടികൾ ക്യാമ്പിൽ പങ്കെടുത്തു .
ദേശാഭിമാനി വാർത്തകൾ ഇപ്പോള്‍ വാട്സാപ്പിലും ടെലഗ്രാമിലും ലഭ്യമാണ്‌.
വാട്സാപ്പ് ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
ടെലഗ്രാം ചാനൽ സബ്സ്ക്രൈബ് ചെയ്യുന്നതിന് ക്ലിക് ചെയ്യു..
