കാസർകോട് പോക്‌സോ പ്രതി ജാമ്യത്തിലിറങ്ങി പെണ്‍കുട്ടിയെ വീണ്ടും പീഡിപ്പിച്ചു; പരാതിയിൽ അന്വേഷണം

ചിറ്റാരിക്കാൽ: കാസർകോട് ചിറ്റാരിക്കാലിൽ പോക്സോ കേസിലെ പ്രതി അതേ പെൺകുട്ടിയെ ജാമ്യത്തിലിറങ്ങിയ ശേഷം വീണ്ടും പീഡിപ്പിച്ചതായി പരാതി. കടുമേനി പട്ടേങ്ങനം സ്വദേശി ആൻ്റോ ചാക്കോച്ചൻ (28) എന്നയാൾക്കെതിരെയാണ് പെൺകുട്ടിയുടെ അമ്മ പോലീസിൽ പരാതി നൽകിയത്.



കർണാടകയിൽ വിവരാവകാശ പ്രവർത്തകനെ കൊലപ്പെടുത്തി; മറ്റൊരാളുടെ കയ്യും കാലും വെട്ടിമാറ്റി

14 കാരിയായ പെൺകുട്ടിയെ ഒരു വർഷം മുൻപാണ് പ്രതി പീഡിപ്പിച്ചത്. കുട്ടിയുടെ പെരുമാറ്റത്തിൽ സംശയം തോന്നിയ മാതാപിതാക്കൾ ചോദ്യം ചെയ്തതോടെയാണ് പീഡനവിവരം കുട്ടി വ്യക്തമാക്കിയത്. മാതാപിതാക്കൾ നൽകിയ പരാതിയിൽ ആൻ്റോയെ പോലീസ് പിടികൂടിയിരുന്നു. ഈ കേസിൽ റിമാന്‍ഡിലായ പ്രതി ജാമ്യത്തിലിറങ്ങി വീണ്ടും അതേ പെൺകുട്ടിയെ പീഡിപ്പിച്ചുവെന്നാണ് പരാതി.

ജാമ്യത്തിലിറങ്ങിയ പ്രതി വീണ്ടും മകളെ പീഡിപ്പിക്കാൻ ശ്രമിച്ചെന്ന് ആരോപിച്ച് ചൂണ്ടിക്കാട്ടി ജൂലൈ 13നാണ് അമ്മ പോലീസിൽ രണ്ടാമതും പരാതി നൽകിയത്. പെൺകുട്ടിയുടെ മൊഴിയിൽ കേസെടുത്തുവെന്ന് പോലീസ് വ്യക്തമാക്കി. പോലീസ് അന്വേഷണം ആരംഭിച്ചതോടെ പ്രതി ഒളിവിൽ പോയി.

കുളിക്കുന്ന ദൃശ്യം വാട്സാപ്പിലിടുമെന്ന് ഭീഷണി; 16കാരിയെയും ചേച്ചിയെയും പീഡിപ്പിച്ച് യുവാവ്; കൂട്ടുനിന്ന് അച്ഛൻ

പ്രതി ഒളിവിലാണെന്നും ഇയാളെ പിടികൂടാനുള്ള ശ്രമം തുടരുകയാണെന്നും പോലീസ് പറഞ്ഞു. ഒരു മാസത്തിലേറെയായി ഒളിവിൽ കഴിയുന്ന പ്രതിയെ പിടികൂടാൻ പോലീസ് മടി കാണിക്കുകയാണെന്ന് വ്യക്തമാക്കി കര്‍മസമിതി രൂപവത്കരിച്ചിട്ടുണ്ട്.