ഇനി ദേശീയ നേതാവ്; അനിൽ ആന്‍റണി ബിജെപി ദേശീയ സെക്രട്ടറി; അബ്ദുള്ളക്കുട്ടി ഉപാധ്യക്ഷനായി തുടരും
Edited by Karthik KK | Samayam Malayalam | Updated: 29 Jul 2023, 1:43 pm
ബിജെപി അധ്യക്ഷൻ ജെപി നഡ്ഡയാണ് ഭാരവാഹികളുടെ പട്ടിക പുറത്തുവിട്ടത്. അബ്ദുള്ളക്കുട്ടി ഉപാധ്യക്ഷനായി തുടരും. ഡൽഹി മലയാളി അരവിന്ദ് മേനോനും പട്ടികയിലിടം പിടിച്ചിട്ടുണ്ട്
ഹൈലൈറ്റ്:
- അനിൽ ആന്‍റണി ദേശീയ സെക്രട്ടറി
- ബിജെപി ഭാരവാഹി പട്ടിക പുറത്തുവിട്ടു
- അബ്ദുള്ളക്കുട്ടി ഉപാധ്യക്ഷൻ
കേരളത്തിൻറെ സഹ പ്രഭാരി രാധാ മോഹൻ അഗർവാളിന് ജന സെക്രട്ടറി സ്ഥാനം നൽകിയിട്ടുണ്ട്. . അലിഗഢ് മുസ്‌ലിം സർവകലാശാല മുൻ വൈസ് ചാൻസലർ താരിക് മൻസൂറും ദേശീയ ഉപാധ്യക്ഷനാണ്. നേരത്തെ തെലങ്കാന അധ്യക്ഷ സ്ഥാനത്ത് നിന്നും നീക്കിയ ബണ്ടി സഞ്ജയ്യെ ജനറൽ സെക്രട്ടറി ആക്കുകയും ചെയ്തു.
കാത്തിരിപ്പ് വിഫലം; കാണാതായ ആറുവയസുകാരിയുടെ മൃതദേഹം ചാക്കിൽ കെട്ടി ഉപേക്ഷിച്ച നിലയില്‍
Phantom Pailey Arrested: വധശ്രമക്കേസിൽ ഫാന്റം പൈലി അറസ്റ്റിൽ
കഴിഞ്ഞയാഴ്ച പാർലമെന്‍റിലെത്തി അനിൽ ആന്‍റണി പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തിയിരുന്നു. മുതിർന്ന കോൺഗ്രസ് നേതാവ് എകെ ആന്‍റണിയുടെ മകനായ അനിൽ അടുത്തിടെയാണ് ബിജെപിയിൽ ചേർന്നത്. മോദിയുമായുള്ള കൂടിക്കാഴ്ചയ്ക്ക് പിന്നാലെ അനിൽ പാർട്ടിയിൽ സജീവമാകുമെന്ന റിപ്പോർട്ടുകൾ പുറത്ത് വന്നിരുന്നു. ഇതിനിടെയാണ് ദേശീയ സെക്രട്ടറി സ്ഥാനവും ലഭിച്ചത്.
പാർട്ടി വിട്ടെത്തുന്ന നേതാക്കൾക്ക് മികച്ച പരിഗണന നൽകുന്നെന്ന പ്രതീതിയുണ്ടാക്കാൻ ബിജെപിയ്ക്ക് ഈ നീക്കത്തിലൂടെ കഴിയും. നേരത്തെ കോൺഗ്രസ് വിട്ടെത്തിയ രാഷ്ട്രീയ നേതാവാണ് എപി അബ്ദുള്ളക്കുട്ടി. ദേശീയ ഉപാധ്യക്ഷ പദവിയായിരുന്നു ബിജെപി അബ്ദുള്ളക്കുട്ടിക്ക് നൽകിയത്. ഇത്തവണയും അബ്ദുള്ളക്കുട്ടിയെ പദവിയിൽ നിലനിർത്തി.
കൊലവിളി നടത്തിയ ബിജെപി – സിപിഎം നേതാക്കള്‍ക്കെതിരെ കേസെടുക്കണം: വിഡി സതീശൻ
ഏപ്രിലിലാണ് അനിൽ ആന്‍റണി ബിജെപിയിൽ ചേർന്നത്. എഐസിസി സോഷ്യൽ മീഡിയ കോഓർഡിനേറ്ററും കെപിസിസി ഡിജിറ്റൽ മീഡിയ കൺവീനറുമായിരുന്നു അനിൽ ആന്‍റണി. മോദിക്കെതിരായ ബിബിസി ഡോക്യുമെന്‍ററിക്കെതിരെ പരസ്യനിലപാട് സ്വീകരിച്ചാണ് പാർട്ടിവിട്ടത്.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
