ഉമ്മൻ ചാണ്ടി മരിച്ചതിൻ്റെ പിറ്റേന്നുതന്നെ സ്ഥാനാർഥിയെ തീരുമാനിക്കാനാകുമോ? കെ സുധാകരൻ പറഞ്ഞതിനോട് യോജിപ്പില്ലെന്ന് രമേശ് ചെന്നിത്തല
Edited by Jibin George | Samayam Malayalam | Updated: 29 Jul 2023, 1:58 pm
തെരഞ്ഞെടുപ്പ് കമ്മീഷൻ പ്രഖ്യാപനം നടത്തിയാലുടൻ പുതുപ്പള്ളിയിൽ യുഡിഎഫ് സ്ഥാനാഥിയെ പ്രഖ്യാപിക്കുമെന്ന് കോൺഗ്രസ് നേതാവ് രമേശ് ചെന്നിത്തല. കോൺഗ്രസ് കൂട്ടായി സ്ഥാനാർഥിയെ തീരുമാനിക്കുമെന്ന് ചെന്നിത്തല പറഞ്ഞു
ഹൈലൈറ്റ്:
- പുതുപ്പള്ളി ഉപതെരഞ്ഞെടുപ്പ്.
- ഇടതുപക്ഷം മത്സരിക്കരുതെന്ന് പറയാനുള്ള ധാർമ്മികത കോൺഗ്രസിനില്ലെന്ന് ചെന്നിത്തല.
- തെരഞ്ഞെടുപ്പ് പ്രഖ്യാപിച്ചാൽ സ്ഥാനാർഥിയെ കോൺഗ്രസ് കൂട്ടായി പ്രഖ്യാപിക്കും.
കൊലവിളി നടത്തിയ ബിജെപി – സിപിഎം നേതാക്കള്‍ക്കെതിരെ കേസെടുക്കണം: വിഡി സതീശൻതെരഞ്ഞെടുപ്പ് പ്രഖ്യാപിച്ചാൽ സ്ഥാനാർഥിയെ കോൺഗ്രസ് കൂട്ടായി പ്രഖ്യാപിക്കും. ഉമ്മൻ ചാണ്ടി മരിച്ചതിന് പിറ്റേന്നുതന്നെ സ്ഥാനാർഥിയെ തീരുമാനിക്കാൻ കഴിയുമോ എന്നും ചെന്നിത്തല ചോദിച്ചു. ഇപ്പോൾ സ്ഥാനാർഥിയെക്കുറിച്ച് പറയേണ്ട സമയമല്ല. തെരഞ്ഞെടുപ്പ് കമ്മീഷൻ്റെ ഭാഗത്തുനിന്നും പ്രഖ്യാപനമുണ്ടായാൽ വൈകാതെ സ്ഥാനാർഥിയെ പ്രഖ്യാപിക്കാൻ കോൺഗ്രസിനാകുമെന്നും ചെന്നിത്തല വ്യക്തമാക്കി.
Ksrtc Bus Catches Fire: ഓടിക്കൊണ്ടിരുന്ന കെഎസ്ആര്‍ടിസി ബസിന് തീപിടിച്ചു
ലോക്സഭാ തെരഞ്ഞെടുപ്പിൽ സിറ്റിങ് എംപി മത്സരിക്കണോ വേണ്ടയോ എന്ന് തീരുമാനിക്കേണ്ടത് പാർട്ടിയാണ്. ലോക്സഭാ തെരഞ്ഞെടുപ്പിൽ ആരൊക്കെ മത്സരിക്കണമെന്ന കാര്യത്തിൽ പാർട്ടി തീരുമാനം കൈക്കൊള്ളും. എൻ്റെ പ്രവർത്തനമേഖല കേരളമാണ്. ഇനി ദില്ലി താൽപ്പര്യങ്ങൾ ഇല്ലെന്നും രമേശ് ചെന്നിത്തല പറഞ്ഞു.
വിവിധ വിഷയങ്ങളിൽ പ്രതികരിച്ചതിൻ്റെ പേരിൽ പ്രതിപക്ഷ നേതാവ് ആരെന്ന പരിഹാസത്തിന് ചെന്നിത്തല മറുപടി നൽകി. പ്രതിപക്ഷ നേതാവാകാൻ മത്സരമില്ല. വി ഡി സതീശൻ തന്നെയാണ് പ്രതിപക്ഷനേതാവ്. സതീശന് എല്ലാവിധ പിന്തുണയും നൽകും. അത് തുടരുകയും ചെയ്യും. ജനങ്ങളെ ബാധിക്കുന്ന പ്രശ്നങ്ങളും സാഹചര്യങ്ങളും ഉണ്ടാകുമ്പോൾ പ്രതികരിക്കുമെന്നും ചെന്നിത്തല കൂട്ടിച്ചേർത്തു.
‘പിണറായി സർക്കാരിൻ്റെ അവസാന ഉല്ലാസയാത്ര, ജനങ്ങൾ നട്ടം തിരിയുകയാണ്’; വിലക്കയറ്റം തടയാൻ ഇടപെടലുണ്ടാകുന്നില്ലെന്ന് ചെന്നിത്തല
ഉമ്മൻ ചാണ്ടിയുടെ വിയോഗത്തോടെ പുതുപ്പള്ളിയിൽ ഉപതെരഞ്ഞെടുപ്പിന് കളമൊരുങ്ങുന്ന സാഹചര്യത്തിലാണ് സ്ഥാനാർഥി നിർണയവുമായി ബന്ധപ്പെട്ട് രമേശ് ചെന്നിത്തല പ്രതികരണം നടത്തിയത്. ചാണ്ടി ഉമ്മൻ യുഡിഎഫ് സ്ഥാനാർഥിയാകാനുള്ള സാധ്യതയാണ് കൂടുതൽ. സിപിഎമ്മിൻ്റെ ആദ്യ പരിഗണനയിൽ ജെയ്ക് സി തോമസാണുള്ളത്. കഴിഞ്ഞ രണ്ട് നിയമസഭാ തെരഞ്ഞെടുപ്പുകളിലും പുതുപ്പള്ളിയിൽ ഉമ്മൻ ചാണ്ടിക്കെതിരെ മത്സരിച്ചത് ജെയ്ക്കാണ്.
Read Latest Kerala News and Malayalam News
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
