പ്രമേഹം പലതരം
പ്രമേഹം തന്നെ പ്രധാനമായും രണ്ട് തരത്തിലാണ് ഉള്ളത്. ടൈപ്പ് 1 പ്രമേഹവും അതുപോലെ ടൈപ്പ് 2 പ്രമേഹവും. നമ്മളുടെ പാന്‍ക്രിയാസിലുള്ള ഇന്‍സുലിന്‍ ഉല്‍പാദിപ്പിക്കുന്ന ബീറ്റ സെല്‍സിനെ നമ്മളുടെ ശരീരത്തിലെ രോഗപ്രതിരോധ സംവിധാനം ഏതെങ്കിലും തരത്തില്‍ അറ്റാക്ക് ചെയ്യുമ്പോള്‍ ഇന്‍സുലിന്‍ ഉല്‍പാദനം നിലയ്ക്കുന്നു. ഇത്തരത്തില്‍ ഇന്‍സുലിന്‍ ഉല്‍പാദിപ്പിക്കാതെ വരുമ്പോള്‍ അത് രക്തത്തിലെ പഞ്ചസ്സാരയുടെ അളവ് വര്‍ദ്ധിക്കുന്നതിന് കാരണമാകുന്നു. ഇത് പ്രമേഹം വര്‍ദ്ധിപ്പിക്കുന്നു.
ഇന്ന് മിക്കവരിലും കണ്ട് വരുന്ന പ്രമേഹമാണ് ടൈപ്പ് 2 പ്രമേഹം. നമ്മളുടെ ശരീരം പ്രവര്‍ത്തിക്കുന്നതിന് ആവശ്യമായ ഇന്‍സുലിന്‍ ഉല്‍പാദിപ്പിക്കാതെ വരുമ്പോള്‍ അത് ടൈപ്പ് 2 പ്രമേഹത്തിലേയ്ക്ക് ഒരാളെ നയിക്കുന്നു. അമിതമായി ശരീരഭാരം ഉള്ളവര്‍, ദീര്‍ഘനേരം ഇരുന്ന് പണി എടുക്കുന്നവര്‍, പ്രായം, അതുപോലെ പാരമ്പര്യമായും എല്ലാം ഈ പ്രമേഹം നിങ്ങള്‍ക്ക് ലഭിക്കാവുന്നതാണ്.
ഇനി മൂന്നാമത് ഒരു പ്രമേഹം കൂടിയുണ്ട്. ഇത് പൊതുവില്‍ ഗര്‍ഭിണികളിലാണ് കണ്ട് വരുന്നത്. ഗര്‍ഭിണിയായിരിക്കുമ്പോള്‍ പ്രമേഹത്തിന്റെ അളവ് ഉയരുകയും പിന്നീട് പ്രസവശേഷം പ്രമേഹം ഇല്ലാതാവുകയും ചെയ്യും. എന്നാല്‍, ഇവര്‍ക്ക് ഭാവിയില്‍ ടൈപ്പ് 2 പ്രമേഹം വരാനുള്ള സാധ്യത വളരെയധികം കൂടുതലാണ്.
ഈ മഴക്കാലത്ത് പ്രമേഹം വരാതിരിക്കാന്‍ എന്തെല്ലാം കാര്യങ്ങള്‍ ശ്രദ്ധിക്കേണ്ടതുണ്ട് എന്ന് നോക്കാം.
പ്രമേഹം ഉള്ളവര്‍ക്ക് കഴിക്കാവുന്ന പഴങ്ങള്‍
Fruits for Diabetes: പ്രമേഹമുണ്ടെങ്കിൽ കഴിക്കാം ഈ പഴങ്ങൾ
രോഗപ്രതിരോധശേഷി
നിങ്ങള്‍ കഴിക്കുന്ന ആഹാരം എത്രത്തോളം ഹെല്‍ത്തിയാണെന്ന് നിങ്ങള്‍ സ്വയം പരിശോധിക്കാറുണ്ടോ? ഈ മഴക്കാലത്ത് പ്രത്യേകിച്ച് പ്രമേഹം ഉള്ളവര്‍ നിര്‍ബന്ധമായും ആഹാരത്തില്‍ ഉള്‍പ്പെടുത്തേണ്ട ചിലതുണ്ട്. അവയില്‍ ഏറ്റവും പ്രധാനപ്പെട്ടതാണ് രോഗപ്രതിരോധശേഷി വര്‍ദ്ധിപ്പിക്കുന്ന ആഹാരങ്ങള്‍ കഴിക്കുക എന്നത്.
പരമാവധി വീട്ടില്‍ നിന്നും പാചകം ചെയ്ത ആഹാരങ്ങള്‍ കഴിക്കാന്‍ ശ്രദ്ധിക്കുക. അതുപോലെ തന്നെ, ആഹാരത്തില്‍ നന്നായി ആന്റിഓക്‌സിഡന്റ്‌സ് അടങ്ങിയതും വിറ്റമിന്‍ സി അടങ്ങിയതുമായ ആഹാരങ്ങള്‍ കഴിക്കാവുന്നതാണ്. ഇവ നിങ്ങളെ രോഗങ്ങളില്‍ നിന്നും അകറ്റി നിര്‍ത്താന്‍ വളരെയധികം സഹായിക്കും. ഇതിനായി പച്ചക്കറികളും ഇലക്കറികളും ധാന്യങ്ങളും നിങ്ങള്‍ക്ക് കഴിക്കാവുന്നതാണ്. ഇവ രക്തത്തിലെ പഞ്ചസ്സാരയുടെ അളവ് നിയന്ത്രിക്കാനും നിങ്ങളെ സഹായിക്കും.
വ്യായമത്തിനോട് നോ പറയരുത്
മഴക്കാലമായാല്‍ ഈ തണുപ്പത്ത് നന്നായി മൂടി പുതച്ച് കിടന്നുറങ്ങാനായിരിക്കും എല്ലാവര്‍ക്കും താല്‍പര്യം. എന്നാല്‍, ഇത്തരം മടി മാറ്റി വെച്ച്, കൃത്യസമയത്ത് രാവിലെ തന്നെ എഴുന്നേറ്റ് അര മണിക്കൂറെങ്കിലും വ്യായാമം ചെയ്യാന്‍ മറക്കരുത്.
നമ്മള്‍ മടി പിടിച്ച് കിടന്നുറങ്ങിയാല്‍ ഇത് പ്രമേഹത്തെ നിയന്ത്രിക്കാന്‍ ഒരിക്കലും സഹായിക്കില്ല. അതിന് പകര, കുറച്ച് നേരമെങ്കിലും ബോഡി ആക്ടിവീക്കി വ്യായാമം ചെയ്താല്‍ അത് രക്തത്തിലെ പഞ്ചസ്സാരയുടെ അളവ് കുറയ്ക്കാനും നിങ്ങളെ ഹെല്‍ത്തിയാക്കി നിലനിര്‍ത്താനും വളരെയധികം സഹായിക്കും.
കാലുകള്‍ ഉണക്കി സൂക്ഷിക്കാം
മഴക്കാലമായതിനാല്‍, ഒന്ന് പുറത്തേയ്ക്ക് ഇറങ്ങിയാല്‍ പോലും കാലുകള്‍ നനയും. നമ്മള്‍ ചവിട്ടിയില്‍ നന്നായി തുടച്ച് അകത്ത് കയറമെങ്കിലും കാലില്‍ പറ്റിപിടിച്ച അഴുക്കും അണുക്കളും പോവുകയില്ല. പ്രമേഹ രോഗികള്‍ക്ക് അണുബാധ ഏറ്റാല്‍ അത് മാറ്റി എടുക്കാന്‍ കുറച്ച് ബുദ്ധിമുട്ടാണ്. പ്രത്യേകിച്ച് കാലില്‍ മുറിവുകള്‍ ഉണ്ടെങ്കില്‍.
അതിനാല്‍, മഴക്കാലത്ത് പുറത്ത് പോയി വന്നാല്‍ പരമാവധി കാലുകള്‍ കഴുകി വൃത്തിയാക്കി അണുവിമുക്തമാക്കി സൂക്ഷിക്കാം. ഇത് മാത്രമല്ല, പരമാവധി കാലുകള്‍ നനയാതിരിക്കാന്‍ ശ്രദ്ധിക്കുന്നത് കൂടുതല്‍ നല്ലതണ്. ഇത് നിങ്ങളെ മഴക്കാലത്ത് സുരക്ഷിതമായി ഇരിക്കാന്‍ സഹായിക്കും.
പരിശോധന
നിങ്ങള്‍ എന്നും വ്യായാമം ചെയ്താലും അതുപോലെ, കൃത്യമായി ഡയറ്റ് പിന്തുടര്‍ന്നാലും പരിശോധന നടത്താന്‍ ഒരിക്കലും വിട്ട് പോകരുത്. എന്നാല്‍ മാത്രമാണ് നിങ്ങള്‍ക്ക് പ്രമേഹം കുറഞ്ഞോ? അതോ പഴയ അളവില്‍ തന്നെയാണോ? എന്നീ കാര്യങ്ങളെ കുറിച്ച് കൃത്യമായ ധാരണ ലഭിക്കുക. അതുപോലെ, മരുന്നിന്റെ ഡോസിലും വ്യത്യാസം അതിനനുസരിച്ച് വരാം.
അതുപോലെ, പ്രമേഹം നിയന്ത്രിക്കാന്‍ എന്തൊക്കം കാര്യങ്ങള്‍ സ്വയം വീണ്ടും ശ്രദ്ധിക്കേണ്ടതുണ്ട്. താന്‍ ഇത്ര നാളും പിന്തുടര്‍ന്ന രീതികളെല്ലാം കൃത്യമായിരുന്നോ? എന്നിങ്ങനെയുള്ള കാര്യങ്ങള്‍ സ്വയം മനസ്സിലാക്കി എടുക്കാനും ഇത് സഹായിക്കുന്നുണ്ട്.
വെള്ളം കുടിക്കുക
അന്തരീക്ഷത്തില്‍ മൊത്തം നല്ല തണുപ്പ് നിലനില്‍ക്കുന്നതിനാല്‍ തന്നെ പലപ്പോഴും നമ്മള്‍ക്ക് കൃത്യമായി വെള്ളം കുടിക്കാന്‍ തോന്നിയെന്ന് വരില്ല. എന്നാല്‍, നന്നായി വെള്ളം കുടിക്കുന്നത് ഡീഹൈഡ്രേഷന്‍ കുറയ്ക്കാന്‍ വളരെയധികം സഹായിക്കും. അതുപോലെ തന്നെ നിങ്ങളുടെ ശരീരത്തിലെ പ്രമേഹത്തെ നിയന്ത്രിക്കാനും വെള്ളം കുടിക്കുന്നത് സഹായിക്കുന്നുണ്ട്.
അതിനാല്‍, ഒരു ദിവസം കുറഞ്ഞത് മൂന്ന് ലിറ്റര്‍ വെള്ളം കുടിക്കാന്‍ മറക്കരുത്. നല്ലപോലെ തിളപ്പിച്ചാറിയ വെള്ളം കുടിക്കുന്നത് മഴക്കാലത്ത് ആരോഗ്യം നിലനിര്‍ത്താന്‍ നിങ്ങളെ സഹായിക്കുന്നതാണ്.
കണ്ണുകളുടെ ആരോഗ്യം
കണ്ണുകളിലൂടേയും അണുബാധകള്‍ ഉണ്ടാകാന്‍ സാധ്യത വളരെ കൂടുതലാണ്. പ്രത്യേകിച്ച് നിങ്ങള്‍ക്ക് പ്രമേഹം ഉണ്ടെങ്കില്‍ അണുബാധയേറ്റാല്‍ സ്ഥിതി കൂടുതല്‍ വഷളാവാനും ചാന്‍സ് ഉണ്ട്. അതിനാല്‍, പരമാവധി പുറത്ത് പോകുമ്പോള്‍ ഗ്ലാസ്സ് ധരിക്കാന്‍ ഒരിക്കലും മറക്കരുത്.
