മകനെ വിവാഹം കഴിപ്പിക്കൂവെന്ന് സോണിയാ ​ഗാന്ധിയോട് കർഷക; ചേരുന്ന ഒരു പെൺകുട്ടിയെ കണ്ടുപിടിക്കൂവെന്ന് മറുപടി

രാജ്യതലസ്ഥാനത്ത് എത്തി ഇന്ത്യാഗേറ്റും ഇന്ദിര ഗാന്ധി മ്യൂസിയവും കണ്ടതിന് ശേഷമാണ് കർഷക വനിതകൾ സോണിയ ഗാന്ധിയുടെ വീട്ടിലെത്തിയത്. സോണിയാ ഗാന്ധിയും പ്രിയങ്കാ ഗാന്ധിയും രാഹുൽ ഗാന്ധിയുമായി സ്ത്രീകൾ സംസാരിച്ചു. ഹരിയാനയിൽ നിന്നും ലസ്സി അടക്കമുള്ള ഭക്ഷണവും ഇവർ ഗാന്ധി കുടുംബത്തിന് നൽകി.

സംഘത്തിൽ ഉണ്ടായിരുന്ന ഒരു സ്ത്രീയാണ് രാഹുൽ ഗാന്ധിയെ വിവാഹം കഴിപ്പിക്കാനുള്ള നിർദ്ദേശം സോണിയാ ഗാന്ധിക്ക് നൽകിയത്. സോണിയാ ഗാന്ധി അവരുടെ വസതിയിൽ സ്ത്രീകൾക്കായി ഒരുക്കിയ ഭക്ഷണ വിരുന്നിനിടെയാണ് സ്ത്രീകൾ തങ്ങളുടെ ആശങ്ക പങ്കുവച്ചത്. ഈ സമയത്ത് നിങ്ങൾ ഒരു പെൺകുട്ടിയെ കണ്ടെത്തൂ എന്നായിരുന്നു സോണിയാ ഗാന്ധിയുടെ മറുപടി. അത് സംഭവിക്കുമെന്ന് മാത്രമായിരുന്നു രാഹുൽ ഗാന്ധിയുടെ മറുപടി.

ഭാരത് ജോഡോ യാത്രക്കിടെ രാഹുൽ ഗാന്ധി അവരുടെ വയലുകൾ സന്ദർശിച്ചപ്പോൾ ഡൽഹിയിലേക്ക് ക്ഷണിച്ചിരുന്നു. ഈ ക്ഷണം സ്വീകരിച്ചാണ് ഹരിയാനയിലെ സോനിപത് ജില്ലയിൽ നിന്നുള്ള ചില സ്ത്രീകൾ അമ്മയുടെ വീട്ടിലേക്ക് എത്തിയത്.

“ചില വിശിഷ്ടാതിഥികളോടൊപ്പം അമ്മയ്ക്കും പ്രിയങ്കയ്ക്കും എനിക്കും അവിസ്മരണീയമായ ദിനം! സോനിപത്തിന്റെ കർഷക സഹോദരിമാർ ഡൽഹി സന്ദർശിക്കുന്നു, അവർ സമ്മാനങ്ങൾ കൊണ്ടുവരികയും ഏതാനും രസകരമായ സംഭാഷണങ്ങളും ഉണ്ടായിട്ടുണ്ട്. ഞങ്ങൾക്ക് ഒരുമിച്ച് വിലയേറിയ സമ്മാനങ്ങൾ ലഭിച്ചു. ദേശി നെയ്യ്, മധുരമുള്ള ലസ്സി, വീട്ടിൽ ഉണ്ടാക്കിയ അച്ചാറുകൾ,
പിന്നെ ഒരുപാട് സ്നേഹം.” എന്ന അടിക്കുറിപ്പോടെയാണ് രാഹുൽ ഗാന്ധി സ്ത്രീകളുമായുള്ള ആശയവിനിമയത്തിന്റെ വീഡിയോ സോഷ്യൽ മീഡിയയിൽ പങ്കുവെച്ചത്.

Also Read : ഇനി ദേശീയ നേതാവ്; അനിൽ ആന്‍റണി ബിജെപി ദേശീയ സെക്രട്ടറി; അബ്ദുള്ളക്കുട്ടി ഉപാധ്യക്ഷനായി തുടരും

വീഡിയോക്ക് വലിയ സ്വീകാര്യതയാണ് സമൂഹമാധ്യമങ്ങളിൽ നിന്നും ലഭിക്കുന്നത്. ഇൻസ്റ്റാഗ്രാമിൽ അഞ്ച് ലക്ഷത്തോളം ആളുകൾ ഈ വീഡിയോ കണ്ടിട്ടുണ്ട്. നിരവധി കമന്റുകളും വന്നിട്ടുണ്ട്.

Read Latest National News and Malayalam News