ജയ് ഷാ എത്ര റൺസ് എടുത്തു?; അമിത് ഷായോട് ഉദയനിധി

വെള്ളിയാഴ്ച ബിജെപി സംസ്ഥാന അധ്യക്ഷൻ അണ്ണാമലൈയുടെ പദയാത്ര ഉദ്ഘാടനം ചെയ്ത് സംസാരിക്കവെയാണ് അമിത് ഷായുടെ വിവാദപരാമർശമുണ്ടായത്. തമിഴ്‌നാട് മുഖ്യമന്ത്രി എംകെ സ്റ്റാലിനും ഡിഎംകെ സഖ്യകക്ഷികളും കുടുംബാധിപത്യ രാഷ്ട്രീയം പ്രോത്സാഹിപ്പിക്കുകയാണെന്നും ഡിഎംകെയെ കുടുംബാധിപത്യ പാർട്ടിയെന്നും അദ്ദേഹം ആരോപിച്ചിരുന്നു.

ചെന്നൈയിൽ ഡിഎംകെ യുവജന വിഭാഗത്തിന്റെ പുതിയ ഭാരവാഹികളെ അഭിസംബോധന ചെയ്യവെയാണ് ഉദയനിധിയുടെ പ്രതികരണമുണ്ടായത്. തെരഞ്ഞെടുപ്പിൽ മത്സരിച്ചാണ് താൻ എംഎൽഎയായതെന്നും തുടർന്ന് മന്ത്രിയായെന്നും ഉദയനിധി പറഞ്ഞു. അമിത് ഷായുടെ മകൻ ജയ് ഷാ, ബിസിസിഐ സെക്രട്ടറി സ്ഥാനത്തെത്തിയത് എന്തിന്റെ അടിസ്ഥാനത്തിലാണെന്ന് ഉദയിനിധി ചോദിച്ചു.

Also Read : കുടിച്ചത് 10 പെഗ് വോഡ്കയും ഒരു വൈനും, ബോധം നഷ്ടപ്പെട്ട യാത്രക്കാരൻ യുവതിയോടും മകളോടും മോശമായി പെരുമാറി; വിമാനക്കമ്പനിക്കെതിരെ കേസ്

എന്നെ മുഖ്യമന്ത്രിയാക്കുകയാണ് ഞങ്ങളുടെ പാർട്ടിയിലെ നേതാക്കളുടെ ലക്ഷ്യമെന്ന് അമിത് ഷാ പറഞ്ഞു. എന്നാൽ, ഞാൻ അമിത് ഷായോട് ചോദിക്കാൻ ആഗ്രഹിക്കുകയാണ്, നിങ്ങളുടെ മകൻ എങ്ങനെയാണ് ബിസിസിഐയുടെ സെക്രട്ടറിയായത്? എത്ര ക്രിക്കറ്റ് മത്സരങ്ങളിൽ ജയ് ഷാ കളിച്ചിട്ടുണ്ട്? എത്ര റൺസ് എടുത്തിട്ടുണ്ട്?, ഉദയനിധി ചോദിച്ചു.

Read Latest National News and Malayalam News