പുതിയ സ്ലീപ്പർ ട്രെയിനുകൾക്കുള്ള കോച്ചുകളുടെ രൂപകൽപന പൂർത്തിയായെന്നും ഇൻ്റീരിയർ രൂപകൽപന ഉടൻ പൂർത്തിയാകുമെന്നും അദ്ദേഹം ദി ടൈംസ് ഓഫ് ഇന്ത്യയ്ക്ക് നൽകിയ അഭിമുഖത്തിൽ വ്യക്തമാക്കി. 16 കോച്ചുകളുള്ള ട്രെയിനാണ് തുടക്കത്തിൽ പുറത്തിറക്കുകയെന്നും പ്രോട്ടോടൈപ്പ് ഈ വർഷം തന്നെ തയ്യാറാകുമെന്നും അദ്ദേഹം പറഞ്ഞു. ഇതിനുപിന്നാലെ കൂടുതൽ ട്രെയിനുകൾ പുറത്തിറങ്ങും. എല്ലാ യാത്രക്കാർക്കും വൈഫൈ ഉൾപ്പെടെ ആധുനിക സൗകര്യങ്ങൾ പുതിയ ട്രെയിനിലുണ്ടാകും. കൂടാതെ വിമാനത്തിലേതിനു സമാനമായി ഓൺ ബോർഡ് ഇൻഫോടെയ്ൻമെൻ്റ് സൗകര്യങ്ങളുമുണ്ടാകും. യാത്രയ്ക്കിടെ സിനിമകളും സംഗീതവും ഗെയിമുകളും ആസ്വദിക്കാൻ ഇതുവഴി സാധിക്കും.
Asfaq Alam Remanded: അഞ്ചുവയസുകാരിയെ കൊലപ്പെടുത്തിയ കേസ്: പ്രതി റിമാൻഡിൽ
നിലവിലെ വന്ദേ ഭാരത് ട്രെയിനിലേതു പോലെ യാത്രക്കാർക്കായി സ്പീക്കറുകൾ വഴി അറിയിപ്പുകളും നൽകും. അടുത്ത സ്റ്റേഷൻ അടക്കമുള്ള പ്രധാന വിവരങ്ങൾ ഇതുവഴി യാത്രക്കാരിലേക്ക് എത്തും. അടിയന്തര സന്ദർഭങ്ങളിൽ യാത്രക്കാർക്ക് ലോക്കോപൈലറ്റിനോടു നേരിട്ട് സംസാരിക്കാനും കോച്ചുകളിൽ സംവിധാനമുണ്ടാകും. ലൈറ്റുകൾ നേരിട്ട് കാണാൻ കഴിയില്ലെങ്കിലും കോച്ചിൽ മുഴുവനും മികച്ച പ്രകാശം ലഭിക്കുന്ന സോഫ്റ്റ് ലൈറ്റിങ് ആയിരിക്കും കോച്ചുകൾക്കുള്ളിൽ സജ്ജീകരിക്കുക.
തീപ്പിടിത്തം അടക്കമുള്ള അപകടങ്ങൾ ഒഴിവാക്കാൻ സെൻസറുകളുണ്ടാകും. ട്രെയിൻ സദാസമയവും സിസിടിവി നിയന്ത്രണത്തിലായിക്കുകയും ചെയ്യും. അപകടങ്ങൾ ഒഴിവാക്കാൻ ഇന്ത്യ തദ്ദേശീയമായി വികസിപ്പിച്ച ‘കവച്’ ആൻ്റി കൊളീഷൻ സംവിധാനം പുതിയ സ്ലീപ്പർ ട്രെയിനുകളിലും വിന്യസിക്കും. ബോഗികളിലും കപ്ലിങ്ങുകളിലുമുള്ള വ്യത്യാസം കൂടുതൽ യാത്രാസുഖം നൽകും.
‘പോലീസ് എന്താണ് ചെയ്യുന്നത്, യുപി മോഡല്‍ പോലീസ് സംവിധാനം സ്ത്രീ സുരക്ഷയില്‍ വേണം’; കെ സുരേന്ദ്രന്‍
വന്ദേ ഭാരത് ട്രെയിൻ പോലെ ഇരുവശത്തും ലോക്കോ കാബിനും കോച്ചുകൾക്കടിയിൽ പ്രത്യേക ഇലക്ട്രിക് മോട്ടറുകളുമുണ്ടാകും. ട്രെയിനിന് പ്രത്യേക എൻജിൻ ഉണ്ടാകില്ല. അതിനാൽ പെട്ടെന്നു വേഗമാർജിക്കാനും നിർത്താനും സാധിക്കും. ഇതിനാൽ, ട്രാക്കുകൾക്ക് പരിമിതിയുണ്ടെങ്കിലും ട്രെയിനിൻ്റെ ശരാശരി വേഗത കൂടുതലായിരിക്കുമെന്ന് അദ്ദേഹം പറഞ്ഞു.
വന്ദേ ഭാരത് എക്സ്പ്രസ് ട്രെയിനുകൾ പോലെ ബയോവാക്വം ടോയ്ലറ്റുകളാണ് പുതിയ സ്ലീപ്പർ ട്രെയിനുകളിലും ഉണ്ടാകുക. കൂടുതൽ വൃത്തിയുള്ള ഇത്തരം ശുചിമുറികളിൽ നല്ല പ്രകാശസംവിധാനവും ഒരുക്കും. മെട്രോ ട്രെയിനുകൾ പോലെ എല്ലാ വാതിലുകളും നിയന്ത്രിക്കുന്നത് ലോക്കോപൈലറ്റ് ആയിരിക്കും.
ഫൈബർഗ്ലാസ് അടക്കമുള്ള സാമഗ്രികൾ ഉപയോഗിച്ചായിരിക്കും ഇൻ്റീരിയർ നിർമിക്കുക. കാഴ്ചയ്ക്ക് കൂടുതൽ ഭംഗിയുള്ള ഇൻ്റീരിയർ യാത്രക്കാർക്ക് കൂടുതൽ സുരക്ഷിതമായിരിക്കും. മൂർച്ചയുള്ള അഗ്രങ്ങൾ ഇല്ലാത്തതിനാൽ പരിക്കേൽക്കാനുള്ള സാധ്യത കുറവായിരിക്കും. തുടച്ചുവൃത്തിയാക്കാനും ഇവ എളുപ്പമാണ്. സീൽഡ് ഗാങ്‍‍വേ സംവിധാനമുള്ളതിനാൽ പുറത്തുനിന്നുള്ള ശബ്ദം ഉള്ളിലേക്ക് കയറുകയുമില്ല.
അവധിക്ക് വന്ന സൈനികനെ കാണാതായി; കാറിൽ രക്തക്കറ, തിരച്ചിൽ ശക്തം
എസി ഫസ്റ്റ് ക്ലാസ്, ടു ടയർ, ത്രീ ടയർ കോച്ചുകൾ ട്രെയിനിൽ ഉണ്ടാകും എന്നാണ് വിവരം. നോൺ എസി സ്ലീപ്പർ കോച്ചുകൾ വന്ദേ ഭാരത് സ്ലീപ്പറിൽ ഉണ്ടാകില്ല. രാജധാനി പോലെ 500 കിലോമീറ്ററിലധികം ദൂരമുള്ള യാത്രകൾക്കായിരിക്കും വന്ദേ ഭാരത് സ്ലീപ്പർ ഉപയോഗിക്കുക. അതേസമയം, ട്രെയിൻ സർവീസ് തുടങ്ങുമ്പോൾ വന്ദേ ഭാരത് പോലെ മറ്റൊരു പേര് സ്വീകരിക്കാനുള്ള സാധ്യതയുമുണ്ട്. വരുന്ന ഏതാനും വർഷങ്ങൾക്കുള്ളിൽ 200 ആധുനിക സ്ലീപ്പർ ട്രെയിനുകൾ നിർമിക്കാനാണ് റെയിൽവേയുടെ പദ്ധതി.
വന്ദേ മെട്രോയും വന്ദേ സാധാരണും ഉടൻ
അതേസമയം, ഈ സാമ്പത്തികവർഷം 50 വന്ദേ ഭാരത് എക്സ്പ്രസ് ട്രെയിനുകൾ കൂടി പുറത്തിറക്കാനാണ് ചെന്നൈ ഐസിഎഫിൻ്റെ പദ്ധതി. മൊത്തം 75 ട്രെയിനുകളാണ് ലക്ഷ്യമിടുന്നതെന്ന് ബി ജി മല്യ വ്യക്തമാക്കി. കൂടാതെ ഈ സാമ്പത്തികവർഷം തന്നെ പുതിയ വന്ദേ മെട്രോ ട്രെയിനിൻ്റെ പ്രോട്ടോടൈപ്പും പുറത്തിറക്കും. ഇതിൻ്റെ രൂപകൽപന പൂർത്തിയായിട്ടുണ്ട്.
സാധാരണ ദീർഘദൂര ട്രെയിനുകൾക്ക് പകരമായി വികസിപ്പിക്കുന്ന വന്ദേ സാധാരൺ ട്രെയിൻ നിർമാണവുമായും റെയിൽവേ മുന്നോട്ടുപോകുകയാണ്. 12 നോൺ എസി സ്ലീപ്പർ കോച്ചുകൾ, 8 ജനറൽ കോച്ചുകൾ, 2ലഗേജ് കം ഗാർഡ് വാനുകൾ എന്നിവയാണ് ട്രെയിനിൽ ഉണ്ടാകുക. റെയിൽവേ നിലവിൽ തേജസ് ട്രെയിനുകളിൽ ഉപയോഗിക്കുന്ന എയ്റോഡൈനാമിക് രൂപമുള്ള വാപ് 5 ഇലക്ട്രിക് എൻജിനുകൾ രണ്ടുവശത്തും ഘടിപ്പിക്കും. ഇരു എൻജിനുകളും ഒരേസമയം ഉപയോഗിച്ച് പെട്ടെന്ന് വേഗം ആർജിക്കാൻ വന്ദേ സാധാരണിന് കഴിയും. ഈ വർഷം തന്നെ ആദ്യ വന്ദേ സാധാരൺ ട്രെയിൻ പുറത്തിറങ്ങുമെന്നും ബി ജി മല്യ അറിയിച്ചു.
