പ്രമേഹത്തിനുളള
പ്രമേഹത്തിനുളള നല്ലൊരു പരിഹാരമാണ് ഉലുവ. പ്രമേഹം വന്നു തുടങ്ങുന്നവരോട് ഉലുവ കഴിയ്ക്കാന്‍ പറയാറുണ്ട്. ഇത് പാന്‍ക്രിയാസ് പ്രവര്‍ത്തനത്തെ സഹായിക്കും. ഇതിലെ ആന്റിഓക്‌സിഡന്റുകള്‍ പാന്‍ക്രിയാസ് പ്രവര്‍ത്തനത്തെ സഹായിക്കുന്നു. ഇത് ഇന്‍സുലിന്‍ മെറ്റബോളിസം കൂടുന്നതിനും ഇന്‍സുലിന്‍ റെസിസ്റ്റന്‍സ് കുറയാനും സഹായിക്കുന്നു. ഇത് പ്രമേഹം കുറയ്ക്കാനും തടി കുറയ്ക്കാനും സഹായിക്കും. ഇതില്‍ 0 ശതമാനം പഞ്ചസാരയെന്നതാണ് വാസ്തവം. ഇതു തന്നെയാണ്, ഇതിലെ ഈ കയ്പാണ് ഉലുവയെ പ്രമേഹ മരുന്നാക്കുന്നതും.പ്രമേഹ രോഗത്തിനായി 50 ഗ്രാം വരെ ഡോക്ടറുടെ നിര്‍ദേശ പ്രകാരം കഴിയ്ക്കാം.
ഉലുവ പല രീതിയിലും
ഉലുവ പല രീതിയിലും പ്രമേഹത്തിനു മരുന്നായി ഉപയോഗിയ്ക്കാം. ഇതില്‍ ഒന്നാണ് കുതിര്‍ത്ത ഉലുവ, ഏതാണ്ട് 50 ഗ്രാം വരെ വെറുംവയറ്റില്‍ കഴിയ്ക്കാം എന്നത്. പ്രമേഹ രോഗികള്‍ക്ക് 50 ശതമാനം, വരാതിരിയ്ക്കാന്‍, പൊതുവേയുള്ള ആരോഗ്യത്തിന് 25 ശതമാനം ഉലുവ ഇതേ രീതിയില്‍ കഴിയ്ക്കാം. കുതിര്‍ത്തത് മുളപ്പിച്ചതാണെങ്കില്‍ കൂടുതല്‍ ഗുണകരമാണ്. ഉലുവ വറുത്തു പൊടിച്ചത് ചെറുചൂടുവെള്ളത്തില്‍ വെറും വയറ്റില്‍ കുടിയ്ക്കാം. ഇതിട്ടു തിളപ്പിച്ച വെള്ളവും കുടിയ്ക്കാം. രാത്രി ഉലുവ വെള്ളത്തില്‍ കുതിര്‍ത്ത് രാവിലെ ഈ ഉലുവ ചവച്ചരച്ചു കഴിച്ച് ഈ വെള്ളം കുടിയ്ക്കുന്നതും ഏറെ ഗുണകരമാണ്.
ഉലുവ ഭക്ഷണത്തില്‍ ചേര്‍ത്തു കഴിയ്ക്കുന്നതും
ഉലുവ ഭക്ഷണത്തില്‍ ചേര്‍ത്തു കഴിയ്ക്കുന്നതും ഏറെ നല്ലതാണ്. രുചി കൂട്ടാന്‍ മാത്രമല്ല, പ്രമേഹത്തിനുളള നിയന്ത്രണത്തിനും കൂടി ഇതു സഹായിക്കുന്നു. മാത്രമല്ല,ഉലുവാച്ചെടിയുടെ ഇല, അതായത് മേത്തി ഇലകള്‍ ഇതിനു സഹായിക്കുന്ന നല്ലൊന്നാന്തരം ഇലക്കറികളാണ്. ഇത് കറിയായും തോരനുമായുമെല്ലാം കഴിയ്ക്കാം. നേരിയ കയ്പു രസമുള്ള ഈ ഇലകള്‍ അയേണ്‍ സമ്പുഷ്ടമാണ്. കാല്‍സ്യം, പല തരം വൈറ്റമിനുകള്‍ തുടങ്ങി ഇതില്‍ മനുഷ്യ ശരീരത്തിന് ആവശ്യമായ പല ഘടകങ്ങളും അടങ്ങിയിട്ടുണ്ട്. പ്രമേഹം മാത്രമല്ല, കൊളസ്‌ട്രോള്‍ പോലുള്ള രോഗങ്ങള്‍ക്കുള്ള പരിഹാരം കൂടിയാണ് ഉലുവ. Also read: പ്രസവശേഷം ചാടിയ വയറും സ്ട്രെച്ച് മാർക്കുകളും മാറുന്നില്ലേ? പരിഹാരമുണ്ട്
സ്ത്രീ ശരീരത്തിന്
സ്ത്രീ ശരീരത്തിന് ഏറെ നല്ലതാണ് ഉലുവ. ഇത് ഈസ്ട്രജന് സമ്പുഷ്ടമാണ്. സ്ത്രീകള്‍ക്കുണ്ടാകുന്ന ആര്‍ത്തവ സംബന്ധമായ, മുലപ്പാല്‍ ഉല്‍പാദന സംബന്ധമായ കാര്യങ്ങള്‍ക്ക് 30 ഗ്രാം വരെ കഴിയ്ക്കാം. ഇതു കഴിയ്ക്കുമ്പോള്‍ ശ്രദ്ധിയ്‌ക്കേണ്ട ചിലതുണ്ട്. ഗര്‍ഭ കാലത്ത് ഇതൊഴിവാക്കുക. കാരണം യൂട്രസ് സങ്കോചിപ്പിയ്ക്കാന്‍ ഇതിനു കഴിവുണ്ട്. ഇത് അബോര്‍ഷന്‍ കാരണമാകാം. എന്നാല്‍ പ്രസവത്തോടനുബന്ധിച്ച് ഇതു കഴിയ്ക്കുന്നത് പ്രസവത്തെ സഹായിക്കും. ഇതു പോലെ പ്രസവ ശേഷം ഉലുവാ മരുന്ന് ഏറെ നല്ലതാണ്.ഈസ്ട്രജന് സമ്പുഷ്ടമായ ഇത് മാറിട വളര്‍ച്ചയ്ക്കും ഏറെ നല്ലതാണ്. മാറിടം അയയാതെ സംരക്ഷിയ്ക്കാനും ഇതേറെ നല്ലതാണ്.
ചര്‍മ, മുടി സംരക്ഷണത്തിനും
ഉലുവ ആരോഗ്യ സംരക്ഷണത്തിന് എന്ന പോലെ തന്നെ ചര്‍മ, മുടി സംരക്ഷണത്തിനും ഏറെ നല്ലതാണ്. ഇത് തൈരില്‍ കലക്കി മുടിയില്‍, ശിരോചര്‍മത്തില്‍ പുരട്ടാം. ഇത് താരന്‍ നീക്കാന്‍ ഏറെ നല്ലതാണ്. മുടി വളരാനും മുടി കൊഴിച്ചില്‍ അകറ്റാനും മുടിയ്ക്കു തിളക്കം നല്‍കാനുമെല്ലാം ഇതേറെ നല്ലതു തന്നെയാണ്. ഇതിലെ ഈസ്ട്രജന് മുഖത്തെ ചുളിവുകള്‍ നീക്കാന്‍ സാധിയ്ക്കും. ചര്‍മത്തിന്റെ ഇലാസ്റ്റിസിറ്റി വര്‍ദ്ധിപ്പിയ്ക്കാന്‍ സാധിയ്ക്കും. ഉലുവ കുതിര്‍ത്ത് തൈരില്‍ കലക്കി മുഖത്തു പുരട്ടാം. ഉലുവാ എണ്ണ കാല്‍മുട്ടു വേദന പോലുള്ള പ്രശ്‌നങ്ങള്‍ക്കും മരുന്നാണ്. Also read: കുങ്കുമപ്പൂ പാലിലിട്ട് കഴിച്ചാൽ കുഞ്ഞിന് നല്ല നിറം കിട്ടുമോ?
