Authored by Saritha PV | Samayam Malayalam | Updated: 31 Jul 2023, 10:31 am
തേന്‍ ആരോഗ്യത്തിന് ഗുണകരമാണ്. ഇത് ഇളം ചൂടുവെള്ളത്തില്‍ കലര്‍ത്തി രാവിലെ വെറും വയറ്റില്‍ കുടിയ്ക്കുന്നത് കൂടുതല്‍ ആരോഗ്യകരമാകുന്നു. ഇതെക്കുറിച്ചറിയൂ.
ഇളം ചൂടുവെള്ളത്തില്‍
രാവിലെ ഇളം ചൂടുവെള്ളത്തില്‍ ഒരു ടീസ്പൂണ്‍ തേന്‍ കലര്‍ത്തി കുടിച്ചാല്‍ ലഭിയ്ക്കുന്ന ഗുണം പലതാണ്. ഇളം ചൂടുവെള്ളത്തില്‍ നാം ഇത് ചേര്‍ക്കുന്നത് നമ്മുടെ സിസ്റ്റം തുറക്കാന്‍ വേണ്ടിയാണ്. എന്നാലാണ് നാം കഴിയ്ക്കുന്നതിന്റെയും കുടിയ്ക്കുന്നതിന്റെയും ഗുണങ്ങള്‍ നമ്മുടെ ശരീരത്തിന് ലഭിയ്ക്കൂ. ഇതേ രീതിയില്‍ തേന്‍ കുടിയ്ക്കുന്നത് നമ്മുടെ ശരീരത്തിലെ ടോക്‌സിനുകള്‍ നീക്കാന്‍ ഏറെ നല്ലതാണ്. നമ്മുടെ 90 ശതമാനം രോഗങ്ങളും മാറാന്‍ ഇതേറെ നല്ലതാണ്. ഇത് അടുപ്പിച്ച് 8 ദിവസമെങ്കിലും ചെയ്യുന്നത് ഏറെ ഗുണം നല്‍കും.
Health Video: വെള്ളം കുടിക്കേണ്ട മികച്ച സമയം ഇതാണ്
Health Video: വെള്ളം കുടിക്കേണ്ട മികച്ച സമയം ഇതാണ്
തടി കുറയ്ക്കാന്‍
തടി കുറയ്ക്കാന്‍ ഇളം ചൂടുള്ള വെള്ളത്തില്‍ ഇത് കലക്കി കുടിയ്ക്കാം. നേരെ മറിച്ച് തേന്‍ തണുത്ത വെള്ളത്തില്‍ കലര്‍ത്തിയാണ് കുടിയ്ക്കുന്നതെങ്കില്‍ തടി കൂടുകയാണ് ചെയ്യുക. തേനിന്റെ കെമിക്കല്‍ കോമ്പോസിഷന്‍ നമ്മുടെ ശരീരത്തിലെ രക്തത്തോട് ഏറെ അടുത്തു നില്‍ക്കുന്ന ഒന്നാണ്. നാം അല്‍പം മാറ്റങ്ങള്‍ വരുത്തിയാല്‍ ഇത് രക്തം പോലെ തന്നെയാകും. അതായത് ആ ഗുണം ലഭിയ്ക്കുന്നു. ഇത് ഹൃദയാരോഗ്യത്തിന് ഏറെ ഗുണം നല്‍കുന്നു.
ചര്‍മം തിളങ്ങാനും
ശരീരത്തിന് പ്രതിരോധശേഷി നല്‍കുന്ന ഇത് അലര്‍ജി പ്രശ്‌നങ്ങള്‍ ഉള്ളവര്‍ക്ക് പിന്‍തുടരാവുന്ന ഒരു ആരോഗ്യകരമായ ശീലമാണ്. വ്യായാമം ചെയ്യാന്‍ ഇത് ഊര്‍ജം നല്‍കുന്നു. ചര്‍മത്തിന് ഇതുപോലെ ചൂടുവെള്ളത്തില്‍ കലര്‍ത്തി തേന്‍ കഴിയ്ക്കുന്നത് ഗുണം നല്‍കും.
ചര്‍മം തിളങ്ങാനും രക്തപ്രസാദമുണ്ടാകാനും ഇതേറെ നല്ലതാണ്. കുടലിനെ തണുപ്പിയ്ക്കുന്ന, ആല്‍ക്കലൈനാക്കുന്ന ഇത് കുടല്‍ ആരോഗ്യത്തിനും നല്ലതാണ്. ഗ്യാസ്, അസിഡിറ്റി പ്രശ്‌നങ്ങള്‍ക്ക് പരിഹാരമാകുന്നു. തേന്‍ തിളച്ച വെള്ളത്തിലോ വല്ലാതെ ചൂടുവെള്ളത്തിലോ അല്ല ചേര്‍ക്കേണ്ടത്, മറിച്ച് ഇളം ചൂടുവെള്ളത്തില്‍ എന്നത് ഏറെ പ്രധാനമാണ്. കൂടുതല്‍ ചൂടുവെള്ളത്തില്‍ ചേര്‍ത്താല്‍ ഇതിന്റെ ഗുണം ഇല്ലതാകും.
കുട്ടികള്‍ക്ക്
തലച്ചോറിന്റെ ആരോഗ്യത്തിന് ഇതേറെ നല്ലതാണ്. പ്രത്യേകിച്ചും വളരുന്ന കുട്ടികള്‍ക്ക് ഇത് നല്‍കിയാല്‍. ഇത് ബുദ്ധിശക്തി വര്‍ദ്ധിപ്പിയ്ക്കുന്നു. ഇത് പഠനത്തിനും മറ്റും ഏറെ ഗുണം നല്‍കും. കുമ്പളങ്ങ-തേന്‍ കൂട്ട് കുട്ടികള്‍ക്ക് നല്‍കാവുന്ന ഒന്നാണ്. ഇതു പോലെ എനര്‍ജി നല്‍കാന്‍ തേന്‍ ഏറെ നല്ലതാണ്. അനീമിയ പോലുളള പ്രശ്‌നങ്ങള്‍ക്ക് തേന്‍ ഏറെ നല്ലതാണ്.രക്തം കുറഞ്ഞാല്‍ ശരീരത്തിലേയ്ക്ക് എത്തുന്ന ഓക്‌സിജന്‍ കുറയും. ഇത് ക്ഷീണവും മറ്റ് പല പ്രശ്‌നങ്ങളുമുണ്ടാകും. ഇതിന് പരിഹാരമായാണ് തേന്‍ ചൂടുവെള്ളത്തില്‍ കലര്‍ത്തി കുടിയ്ക്കുന്നതിന്റെ ഒരു ഗുണം.
Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
