നല്ല നാച്വറല്‍ ബ്യൂട്ടി ലഭിക്കാന്‍ ഇക്കാര്യങ്ങള്‍ ചെയ്യൂ
ചര്‍മ്മത്തിന് പ്രായം തോന്നുന്നതിന് പിന്നില്‍
പ്രധാനമായും നമ്മളുടെ ശരീരത്തിലെ കൊളാജീന്‍ ഉല്‍പാദനം കുറയുമ്പോഴാണ് ചര്‍മ്മത്തിന് അമിതമായി പ്രായം തോന്നിത്തുടങ്ങുക. പല ഘടകങ്ങള്‍ നമ്മളുടെ ശരീരത്തിലെ കൊളാജീന്‍ ഉല്‍പാദനം മന്ദഗതിയില്‍ ആക്കുന്നുണ്ട്. അവയില്‍ തന്നെ ഏറ്റവും പ്രധാനപ്പെട്ടതാണ് പ്രായം. ഒരു പ്രായം എത്തുമ്പോള്‍ ശരീരം കൊളാജീന്‍ ഉല്‍പാദിപ്പിക്കുന്നത് കുറയും. ഇതിനെ ബാലന്‍സ് ചെയ്യുന്നതിന് കൃത്യമായ ചര്‍മ്മ സംരക്ഷണം നടത്തേണ്ടത് അനിവാര്യമാണ്.
അതുപോലെ തന്നെ അമിതമായി സൂര്യപ്രകാശം ഏല്‍ക്കുന്നത് സത്യത്തില്‍ ചര്‍മ്മത്തില്‍ ചുളിവുകള്‍ വീഴ്ത്തുകയും നല്ലപോലെ പ്രായം തോന്നിപ്പിക്കുകയും ചെയ്യും. അതുപോലെ, പുകവലി ചര്‍മ്മത്തിന്റെ ആരോഗ്യത്തെ നശിപ്പിക്കുന്നുണ്ട്. ചില മരുന്നുകള്‍ കഴിക്കുമ്പോഴും അതുപോലെ തന്നെ നല്ല ആഹാരങ്ങള്‍ കഴിക്കാത്തതും വെള്ളം ആവശ്യത്തിന് കുടിക്കാത്തതും ചര്‍മ്മത്തില്‍ ചുളിവുകള്‍ വീഴ്ത്തുന്നതിന് കാരണമാകുന്നു. ഇത്തരം പ്രശ്‌നങ്ങള്‍ ഒഴിവാക്കി ചര്‍മ്മത്തിന് യുവത്വം നിലനിര്‍ത്താന്‍ സഹായിക്കുന്ന നാല് നട്‌സ് ഏതെല്ലാമെന്ന് നോക്കാം.
വാള്‍നട്ട്
വാള്‍നട്ടില്‍ കൊഴുപ്പ്, നാരുകള്‍, ആന്റിഓക്‌സിഡന്റ്‌സ് എന്നിവയെല്ലാം അടങ്ങിയിരിക്കുന്നു. അതുപോലെ തന്നെ ഇവ ഒമേഗ-3 ഫാറ്റി ആസിഡിന്റെ ഉറവിടം കൂടിയാണ്. വിറ്റമിന്‍ ഇ, മഗ്നീഷ്യം എന്നിവയും ഉയര്‍ന്ന അളവില്‍ ഇതില്‍ ഉണ്ട്. ഇത് ചര്‍മ്മത്തിന്റെ ആരോഗ്യം സംരക്ഷിക്കുന്നതിന് സഹായിക്കുന്നു. പ്രത്യേകിച്ച് ഇതില്‍ അടങ്ങിയിരിക്കുന്ന ആന്റിഓക്‌സിഡന്റ്‌സ് ചര്‍മ്മ കോശങ്ങളുടെ ആരോഗ്യം നിലനിര്‍ത്താനും ചര്‍മ്മത്തിന് യുവത്വം നിലനിര്‍ത്താനും സഹായിക്കുന്നു. ഇവ കൂടാതെ, ചുളിവുകള്‍ ഒഴിവാക്കാനും ഇത് സഹായിക്കുന്നുണ്ട്.
ചര്‍മ്മ സംരക്ഷണത്തിന്റെ ഭാഗമായി ഒരു ദിവസം 1 മുതല്‍ 2 വാള്‍നട്ട് വീതം കഴിക്കാവുന്നതാണ്. വേണമെങ്കില്‍ ഇത് സാലഡിന്റെ കൂടെ അല്ലെങ്കില്‍ പോഷക സമൃദ്ധമായ മറ്റ് ആഹാരങ്ങളുടെ കൂടെ കഴിക്കാം.
ബദാം
മിക്കവര്‍ക്കും കഴിക്കാന്‍ ഇഷ്ടമുള്ള ഒരു നട് ആണ് ബദാം. ചിലര്‍ ബദാം കുതിര്‍ത്ത് കഴിക്കും. ചിലര്‍ പാലില്‍ കുതിര്‍ത്ത് കഴിക്കും. ചിലര്‍ ബദാം പൊടി പാലില്‍ ചേര്‍ത്ത് കഴിക്കും. എങ്ങിനെ കഴിച്ചാലും ബദാം സത്യത്തില്‍ ചര്‍മ്മത്തിന്റെ ആരോഗ്യം നിലനിര്‍ത്തുന്നുണ്ട്.
ബദാം ആന്റിഓക്സിഡന്റുകളുടെ നല്ല ഉറവിടമാണ്. ആന്റിഓക്സിഡന്റുകള്‍ ചര്‍മ്മ കോശങ്ങളെ നാശത്തില്‍ നിന്ന് സംരക്ഷിക്കാന്‍ സഹായിക്കുന്നു. ഇത് വാര്‍ദ്ധക്യത്തിന്റെ ലക്ഷണങ്ങളായ ചുളിവുകള്‍, പാടുകള്‍ എന്നിവയെല്ലാം ഇല്ലാതാക്കാന്‍ വളരെയധികം സഹായിക്കുന്നുണ്ട്. ബദാമില്‍ മെലാറ്റോണിന്‍ അടങ്ങിയിരിക്കുന്നു. ഇത് സത്യത്തില്‍ ഉറക്കത്തിന് സഹായിക്കുന്ന ഒരു നല്ല ഹോര്‍മോണ്‍ ആണ്. നമുക്കറിയാം നന്നായി ഉറങ്ങാന്‍ സാധിച്ചാല്‍ അത് ചര്‍മ്മം കൂടുതല്‍ യുവത്വവും തിളക്കവുമുള്ളതാക്കാന്‍ സഹായിക്കും.
അതുപോലെ ബദാമില്‍ വിറ്റമിന്‍ ഇ, മഗ്നീഷ്യം, ഫൈബര്‍ എന്നിവ അടങ്ങിയിട്ടുണ്ട്. ഇവ ചര്‍മ്മത്തെ ആരോഗ്യത്തോടെ സംരക്ഷിക്കുന്നതിനും ഫൈബര്‍ ദഹനം നല്ലപോലെ നടക്കുന്നതിന് സഹായിക്കുകയും അതിലൂടെ ചര്‍മ്മ പ്രശ്‌നങ്ങള്‍ ഒഴിവായി കിട്ടുകയും ചെയ്യും.
കശുവണ്ടി
കുട്ടികള്‍ മുതല്‍ മുതിര്‍ന്നവര്‍ക്ക് വരെ കൊറിച്ച് കൊറിച്ച് കഴിക്കാന്‍ ഇഷ്ടമുള്ള ഒരു നട്‌സ് ആണ് കശുവണ്ടി. ഈ കശുവണ്ടി സത്യത്തില്‍ ദിവസേന മൂന്ന് എണ്ണം വീതം കഴിക്കുന്നത് ചര്‍മ്മത്തിന്റെ ആരോഗ്യം നിലനിര്‍ത്താനും ചര്‍മ്മത്തിന് നല്ല യുവത്വം നിലനിര്‍ത്താനും സഹായിക്കുന്നുണ്ട്.
ചര്‍മ്മത്തെ നല്ലപോലെ ഹൈഡ്രേറ്റ് ചെയ്ത് നിലനിര്‍ത്താനും അതുപോലെ, വരണ്ട ചര്‍മ്മം മാറ്റി എടുക്കാനും കശുവണ്ടി കഴിക്കുന്നത് നല്ലതാണ്. വറണ്ട ചര്‍മ്മത്തില്‍ വേഗത്തില്‍ ചുളിവുകള്‍ വീഴാന്‍ സാധ്യതയുള്ളതിനാല്‍ ഇത് ഹൈഡ്രേറ്റ് ചെയ്ത് നിലനിര്‍ത്തേണ്ടത് അനിവാര്യമാണ്. അതുപോലെ തന്നെ കശുവണ്ടിയില്‍ അടങ്ങിയിരിക്കുന്ന ആന്റിഓക്‌സിഡന്റ്‌സ് ചര്‍മ്മത്തെ ഫ്രീ റാഡിക്കലുകളില്‍ നിന്നും സംരക്ഷിക്കുകയും അതുപോലെ തന്നെ ചര്‍മ്മത്തെ ചുളിവുകള്‍ വീഴാതെ യുവത്വം നിലനിര്‍തതാനും സഹായിക്കുന്നു.
പിസ്ത
കശുവണ്ടി പോലെ തന്നെ ചര്‍മ്മത്തിന്റെ ആരോഗ്യം നിലനിര്‍ത്താന്‍ പിസ്ത കഴിക്കുന്നതും നല്ലതാണ്. ഒറു ദിവസം മൂന്ന് അല്ലെങ്കില്‍ നാല് പിസ്ത വീതം കഴിക്കാവുന്നതാണ്. ഉപ്പ് ചേര്‍ക്കാത്ത പിസ്ത കഴിക്കുന്നതാണ് കുറച്ചും കൂടെ നല്ലത്. ഇതില്‍ അടങ്ങിയിരിക്കുന്ന ആന്റിഓക്‌സിഡന്റ്‌സ് ചര്‍മ്മത്തിന്റെ ആരോഗ്യം നിലനിര്‍ത്താനും അതുപോലെ തന്നെ ചുളിവുകള്‍ ഇല്ലാത്ത യുവത്വം തുളുമ്പുന്ന ചര്‍മ്മത്തിനും ഇത് നല്ലതാണ്.
